|
تسجيلي الفاشل (آدمن ممكن سؤال)
السلام عليكم والرحمه
ظهر الخير عليكم آدمن عساك بخير .. السؤال ((شلون تسجيلي ع الأنتظار وانا ع حسابي ))؟؟؟ من الساعه 9 الصباح وانا انتظر حقين القبول والتسجيل 9 ونص شرفوا وكتبوا الأسماء الساعه 10 ونص دخلت المقابله بعد المقابله رحت القبول والتسجيل عشان اخلص تسجيلي انصدمت انو مافي رقم اكاديمي ع المنح مع انو الاسبوع اللي طاف قلت لها ابي اسجل بالمنحه قالت لي في مجال بس حصل خير سجلت على حسابي وعطتني ورقة التحاليل وقالت لي انتظري لنهاية رمضان بككلمك عشان الرقم الأكاديمي وعشان اوراقك الأصول تجيبينهم ؟؟ سلااااااااااااااااامات بس مشيتها المهم مشيتها ورحت ادفع الرسوم الا تقول راعية الرسوم انتي ع الأنتظار قلت حلوه هذي شلون يعني من الصباح وشهر رمضان وماخلصت الا الساعه 12 وتقول لي انتظاااااااار قلت لها ليه تقول من الوزاره ؟؟ شلون من الوزاره خب انا بسجل على حسابي مو منحه واذا الوزراه وقفت ع قولتها التسجيل ليش وقفت ؟؟/ بتسحب اعتمادها مثلا؟؟ ماظنتي تبون تضيعون مية الف ؟؟ لا شسالفه علموني شسووووووي ؟؟ انا من جد زهقت اول شي مافي توفل جبنا لهم بديل التوفل بعدين مافي منحه ورضينا وثالثا بسجل ع حسابي وع الأنتظار مع العلم ان فيه طالبات واجد اليوم سجلوا على حسابهم تجسير وين الغلط مافيه كلاس ؟؟؟ مافيه مقعد انا راح اشتري مقعد واحطه لي ولاتزعلون بس فكونا الغريبه انها كلية اهليه وهذي اسلوبها من البدايه اللكل مو عاجبه شلون لو بندرس يالله الشكوى لله لو سمحت آدمن طمني هل فيه مجال انقبل ؟؟؟ مابي منحه ع حسابي:Cry111: دمتم سالمين |
رد: تسجيلي الفاشل (آدمن ممكن سؤال)
الله يساعدك ياقلبي والله هالكلية مدري ليش مسمينها اهلية بالرغم ان كليات حكومية صارت معاملتهم أحسن يمكن :biggrin: بإنتظآر الأدمن يجي يفيدك .. لأن ماعندي اي خبرة بخصوص التجسير الله يسآعدك ومابعد الصبر إلآ الفرج الله مايضيع تعبك ياقلبي :106: |
رد: تسجيلي الفاشل (آدمن ممكن سؤال)
معليش بس انتي مسجله يأي فرع ؟؟ :)
|
رد: تسجيلي الفاشل (آدمن ممكن سؤال)
الله يعينكم بصراحة
|
رد: تسجيلي الفاشل (آدمن ممكن سؤال)
جونسون يا قلبي الله يساعدك و يسهل أمرك
بس بصراحة امرهم غريب قسم البنات جدا جدا يعني يوم اتصلت أنا أول يوم بالمنح تخيلي قالت لي الموظفة ما فيه منح تبع التعليم العالي مره وحده و يوم اتصلت بقسم البنين القبول و التسجيل قالوا لي فيه منح و الحمد لله تيسرت اموري رجعنا لقسم البنات قالوا ترى ما فيه بنات سجلوا تجسير بس ثلاث انتوا و لازم تصيروا خمس عشان نفتح كلاس و هاليومين تواصلت مع القبول و التسجيل بنين عشان نعرف وضعنا قالوا فيه بنات تجسير تقريبا خمس و زيادة يعني ما تفهمين لهم قسم البنات مره يقولون ما فيه احد و اللحين يقولون لك عالانتظار ما عليك منهم بس فالله يعينك حاولي معهم او شوفي احد من اهلك يروح القبول و التسجيل بقسم البنين لانهم احسن بصراحة و فاهمين الانظمة عدل .. موفقة عزيزتي و ان شاء الله نشوفك معنا دمتم بخير |
رد: تسجيلي الفاشل (آدمن ممكن سؤال)
ايفا حبيبتي مشكوره ع السبوورت ماقصررتي
انجل انا مسجله بفرع الدمام هدوء الله يعين الجميع نرسينج كير ياحبيبتي مدري شلون اتصرررف خلاص انا زهقت حتى ماودي اسوي الفحوصات ليه اسوي الفحوصات وانا تسجيلي مو اكيد .. شسالفة قسم البنين مافهمت عليج .. يعني اخلي احد من اهلي يروح ويسأل قسم البنين عن تجسير البنات ؟؟؟ |
رد: تسجيلي الفاشل (آدمن ممكن سؤال)
ايه خلي احد من اهلك يروح قسم القبول و التسجيل بقسم البنين و يقول له سالفتك كاملة
و شوفي وش يقولون قسم البنات مررره وضعهم حرج صراحة أنا جربت كلية الغد بالرياض قسم البنات ماشاء الله عليهم بصراحة ناس جنااااان روووعه بس في الدمام ما ادري كيف صايرين تمنياتي لك بالتوفيق |
رد: تسجيلي الفاشل (آدمن ممكن سؤال)
مشكوره خيتو ماقصررررررررتي رحم الله والديك انا بكره راح اتصل ع قسم البنين واستفسر واذا احتاجوا ان احد يروح لهم بخلي احد يرووح بجد مشكوره
بس ياليت الادمن يجي ويفيدني شنو اسوي |
رد: تسجيلي الفاشل (آدمن ممكن سؤال)
للاسف تم ايقاف التسجيل لفرع البنات..
بس طالما انك دفعتي رسوم تسجيل وعندك رقم اكاديمي حتى لو انك على الاحتياط بامكانك التقديم على موقع التعليم العالي ,,, |
رد: تسجيلي الفاشل (آدمن ممكن سؤال)
انا دفعت رسوم التسجيل بس مااعطوني رقم اكاديمي قالوا بعد اسبوعين راح يكلمونا
حاليا المنحه ماتهمني .. راح ادرس على حسابي بس ليش ع الانتظار؟ |
| All times are GMT +3. الوقت الآن حسب توقيت السعودية: 10:30 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه