|
النفـس طابت من الدراسه .. وماعاد بالنفس شهاده جامعيــه
السلام عليكم ورحمة الله وبركاته كل عام وأنتم بخير "بعد الزحمه" .. دامت أعيادكم وطابت لياليكم .. زملائي لاأخفيكم في هذه الأيام مالي نفس ع الدراسه , لدرجة أني تخلصت من أي شي يتعلق بالجامعه أشوفه قدامي حتى هذا الموقع لم يسلم من هذه الجفوه ! وكل يوم أراجع حساباتي وأعيد النظر وأحاول بقدر المستطاع رفع المعنويه وشحن الهمه لكن للأسف من غير جدوى ! وعلى قولتهم اللي زاد الطين بله" اليوم واجهت saleh999 أخ منتسب معنا بالجامعه ومعي بنفس التخصص يلوح بيده لترك الجامعه ويقول لي حنا فزة ددسن" والمشوار طويل وورانا وظيفه وبيت وعيال وش لنا بوجع الراس , كثرها علي وأنا بليا ع جرف !!! أخواني أخواتي يعلم الله أني أكن لكل شخص منكم الأحترام والتقدير.. أبي نصيحتكم .. مشورتكم .. وش الحل ؟ أحد مر بنفس هالمرحلة البائسه !! هل أستخير وأحذف الترم الجاي وأشوف بعدين لعل وعسى !! أم أكمل باقي الرحله وأنا غير مستعد نفسيا لهذا الترم .. أم ماذا ؟ |
رد: النفـس طابت من الدراسه .. وماعاد بالنفس شهاده جامعيــه
استخيري الله وشوف ولكن دام النفسيه ماااااااش فالافضل تنسحب اهم شي النفيسه والحماس للدراسه والله يوفقنا
|
رد: النفـس طابت من الدراسه .. وماعاد بالنفس شهاده جامعيــه
استخير وضغط على نفسك كلها سنوات قليلة وان شاء الله تعدي شهادتك الجامعيه بتفيدك كثير ف يوظيفتك او اجل هالترم اذا انت تمر بضغوط وان شاءالله ربك ييسرها وبيفرجها
|
رد: النفـس طابت من الدراسه .. وماعاد بالنفس شهاده جامعيــه
شووف وانا اخووك انا والله مثلك موظف
ووبيت وعيااال ووزحمة وخلهاا على ربك بس الحمد لله قدرت انسق ووقتي وهذي مرحلة تمرر بناا كلناا بين فترة وأخرى لاتخليهاا تأثر عليك واهم شي تشيل من بالك انك تنسحب او تترك الجاامعة وصدقني رااح تشوفهااا سهلة وتمشي بسرعة |
رد: النفـس طابت من الدراسه .. وماعاد بالنفس شهاده جامعيــه
اشوف انك تواصل وتكمل اذا ظروفك تساعد واذا بس احباط من بعض الاخوه اترك عنك الاحباط وخل عندك عزيمه يااااااامااا ويااااما كثير نشوف في المنتدى رسائل احباط اللي يبي ينسحب واللي زهق اهم شي العزيمه وترى الحمد لله والله كل شي تسهل ماعاد في صعوبه مثل اول وهذي وجهت نظري وبالتوفيق:71:
|
رد: النفـس طابت من الدراسه .. وماعاد بالنفس شهاده جامعيــه
أنا وأختي خوات النفسيه والحماس مو زي قبل .. لكن عسى بالأمر خيره لاهنتي .. كانشـــــــو الحمدلله ماعندي ضغوط لكن ماعاد لي نفس مدري وش السالفه يعطيك العافيه .. |
رد: النفـس طابت من الدراسه .. وماعاد بالنفس شهاده جامعيــه
يا حيي اقول عين من الله خير وتعوذ من الشيطان وخلك من الناس الي يحطمونك
وكلها سهالات ان شاءالله وفكر بالشهاده بعدين اذا تاخذها راح تفيدك باالشغل كا ترقيات او تلقى عمل افضل من عملك وهاذا شعور مؤقت ويروح ان شاءالله ونصيحه لاتضيع الفرصه من يدك ترى في ناس ودهم يكملون دراستهم ومهي حاصل لهم واستخير وماخاب من استخار واقولك مره ثانيه لا تضيع عليك الفرصه موفق ان شاءالله |
رد: النفـس طابت من الدراسه .. وماعاد بالنفس شهاده جامعيــه
وش هالكلام الله يهديك ؟
الدنيا و انا اخوك تبي صبر و طولة بال انصحك نصيحة اخوية اجلس مع نفسك خمس دقايق و اسأل نفسك : ليش تبي تترك الدراسة ؟ وش الاسباب او المؤثرات اللي وصلتك لهالمرحله انك عفت الدراسة ؟ اذا توصلت للاساس فكر باالحل و اذا عرفت المشكلة حاول تهيأ نفسك للاجواء اللي تساعدك للدخول من جديد في عالم الدراسة انا الحمد لله موظف و راتبي زين و في اكبر الشركات لكن ما فكرت ليش قررت اني اكمل دراستي الجامعيه ؟ كلنا موظفين و ورانا مسؤوليات و لكن في هالوقت الشخص او الموظف بدون شهاده جامعيه كحد ادنى مع احترامي للكل ما ينفع اسأل نفسك و انت بنفسك جاوب للاسألة اللي شكلت لك شكوك و دافع سلبي لترك الدراسة خلاصة كلامي : فكر بعقلك مو بعواطفك |
رد: النفـس طابت من الدراسه .. وماعاد بالنفس شهاده جامعيــه
وعليم السلام والرحمه
وعساك من عواده أبو ركان/ أذا ألانسان راح يتأثر في كبوات غيره أو ينظر بما هم مشغولين ويفعل بما يتناسب لأفاعلهم أعتقد وقفت الحياة لماذا الأنسان ينظرالى السلبيين لماذا لم تقلد من هم سبقوك في هذاالمجال ويجب أن تنظر لمستقبلك القادم كل منا يحمل ظروف في حياته وعيال ولكن يجب أن تزرع العزيمه والأصرار وتغرز في ذهنك ,كم من شخص يتمنى أن يكمل دراسته وكم من شخص في موقفك لآ يريد أن ينظر الى الخلف من عتبات التأخر هذه الفرصه فنـزعها من افواه اليأس والخوف والتردد وجعل في نفسك همه تفوق بركاين الجبال من أنفاسها اصرار لأنك في الأول والأخير راح تتذكر أن مستقبلك بعد الله في هذي الشهاده كم منا يريد التغيير في مستقبله .... الصبر ثم الصبر ثم الصبر أخوك/ صوت الفقيد |
رد: النفـس طابت من الدراسه .. وماعاد بالنفس شهاده جامعيــه
ليش تحطم نفسك وتكسر مجادفيك :mad:
خلك صارم مع نفسك وقول بدرس يعني بدرس ياخي انا هذا القسم الرابع اللي ادخله والاقسام اللي درستها أول في اللي نجحت وفيه اللي فشلت وماشاء الله اني اكمل انتظام ووصلت لمرحلة طاب خاطري من الدراسه :icon9: بس الحمدالله لزمت على نفسي قلت والله لاتكملين يافلانه وكملت واللحين الهمه فوق عالي السحب ولله الحمد :53: والامور سهلات بس انت لاتعقدها |
| All times are GMT +3. الوقت الآن حسب توقيت السعودية: 05:22 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام