|
سؤاااااال مهم بخصوص سحب الملف
السلام عليكم
ينات انا ابقى اسحب ملفي من الكليه وين اروح بالضبط اي مبنى ووين يالضبط او ايش مكتوب ع الباب؟ وابقى اعرف في اي مبنى تكون مامورة الصرف؟ ياليت تردوا علي يسررعه عشان بكره هو اليوم الوحي اللي يناسبني مشكوريييييين مقدما والله يجزاكم خير |
رد: سؤاااااال مهم بخصوص سحب الملف
15 وحده شافت الموضوع ولا وحده منهم ردة!!!!!
اماااانه اللي تقدر تخدمني في هالشغله لاتقصر لان انا ماداومت في الكليه صار لي سنتين فما ادري ايش التغيرات اللي صارت فيها |
رد: سؤاااااال مهم بخصوص سحب الملف
مشكورات ويعطيكم العافيه
صراحه انا موحاز في خاطري انكم مارديتوا لان والله بجد هالكليه متاهه والله يلوم اللي يلومكم حسيت نفسي في الحصن امس من مكان لمكان وكل ماسالت عن شي قالوا ماندري(كل شي بح) هالعباره متفقين عليها كذا طالبه اسألها ماددري ليه؟ والحمدلله تم سحب ملفي بالسلامه احس شهادتي تقولي اخيرا حسيتي فيني!! صار لي سنتين مخنوقه سامحيني ياشهادتي<<<استجنت وقعدت هالبونيييه |
رد: سؤاااااال مهم بخصوص سحب الملف
:biggrin:
حبيت اسجل لي مرور لا اقل عشان ماتقولين محد يرد :tongue: الحمدلله على سلامه ملفك مايشوف شر :lllolll: |
رد: سؤاااااال مهم بخصوص سحب الملف
صباح الخير
حبيبتي لووون الجوررري ممكن تقوولين لي بالتفصيل كيف سحبت ملفك يعني من اي مبنى ووشنو وديتي معاك ورحتي لمين وكم قعدتي ياليت تردين علي ضروووري لاني ان شااء الله بسحب ملفي يمكن بكره او اي احد تعررف كيف الله يسعدد ويووفق اللي تررد علي |
رد: سؤاااااال مهم بخصوص سحب الملف
عزيزتي
تاخذين كرت العايله الاصل مع صوره فقط تروحين للمكتبه تسوي اخلاء طرف عبباره عن ورقه تودينها كذا مكان عشان يختمون عليها اذا اخذتي الورقه تروحين مكتب موجود في مبنى العميده يقولون لش عنه يختموها لك يعدين ترجعين هم لمكتب ثاني نسيت وش كان مكتوب ع الباب تعطينهم ورقة اخلاء الطرف ويطلعون ملفك من الكراتين المصفوفه على بعظها جنبهم>>>لا دواليب ولا يحزنون لو كل وحده في هالغرفه تعمل قطيه 50 ريال ويجيبون دولاب للملفات حتى لو ان من باب شكل الغرفه العام مو من باب الاهتمام بالملفات وخلاااص بس انصحك لاتروحين قبل الساعه تسع لانهم يماطلونك من تسع يبدا الشغل الجد عندهم ادعي لي عاااد لاتنسين هههههه |
رد: سؤاااااال مهم بخصوص سحب الملف
لا تحاتين
ماراح تطولين>>>هذي الحسنه الوحيده اللي شفتها في الكليه يوم رحت لهم يعني اللي بوديك خليه ينتظرك لايروح ويرجع لك انا عن نفسي ضليت من ثلث الى نص ساعه |
رد: سؤاااااال مهم بخصوص سحب الملف
زين انك انقذتي شهااادتك من يدينهم << حسيت وحوش :biggrin: والله شوفي طال عمرك انا اتوقع انو في سحب الملف مايقصرون ولو تطلبين قهوه جابوا لك لانهم مايصدقون ان في احد بينحاش بس لما تجين تسجلين ماده او شي يطلعون لك قروووون :(284): |
رد: سؤاااااال مهم بخصوص سحب الملف
يعطيك الف عافيه ماقصررررتي الله يوووفقك ويحقق لك اللي تبين
بس انتي قصدك اول مادخل ع طول اروح المكتبه اللي اول ماتدخلين الصاله واقولهم اخلاء طرف طيب انا سمعت انه لازم اسوي طي قيد >>> ايش هذا وبسالك بعد خاتمين ع شهاداتك ؟؟؟ والله يسعدك يااااااربي |
| All times are GMT +3. الوقت الآن حسب توقيت السعودية: 09:15 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام