ملتقى طلاب وطالبات جامعة الملك فيصل,جامعة الدمام

اقتباس:

توضيح بسيط :

أنظمة الجامعة تنص على أنه يسمح للطالب بتغيير تخصصه لمرة واحدة فقط طيلة مدة دراسته الجامعية .

طريقة تقديم طلب تغيير التخصص :

1- تقوم بتقديم طلب تغيير التخصص (وذلك عند استيفاء الشروط اللازمة) عن طريق الخدمات الطلابية ولاتوجد طريقة أخرى غير ذلك.

2 - نتائج تغيير التخصص تظهر حتماً قبل موعد تسجيل المواد للفصل الدراسي الجديد

(يعني انت الحين مخطط انك بعد ماتخلص هالفصل الدراسي هذا اللي تدرسه الحين ، مخطط انك تغير تخصصك ، اذا طلعت نتايجك هالفصل تقدم على طلب تغيير التخصص ، وراح يتم تغيير التخصص اذا انطبقت عليك الشروط وبإمكانك معرفة نتيجة طلبك قبل موعد تسجيل المواد للفصل الدراسي الجديد ،

لأن الجامعة عاملة حسابها انك لازم تعرف وضعك قبل ما تسجل المواد ، عشان يكون الطالب على بينة هل يسجل مواد تخصصه القديم أو الجديد ، فلذلك مهما تأخرت نتائج تغيير التخصص فلابد أن تظهر قبل مواعيد تسجيل المواد للفصل الدراسي الجديد )

3- لما تنقبل في تخصصك الجديد ، تدرس مواد هالتخصص من جد وجديد !
لكن تنحسب لك بعض المواد المشتركة بين تخصصك القديم والجديد ، المواد المشتركة اللي نجحت فيها ماتدرسها ، والا الباقي راح تدرسه من الزيرو .

مواعيد تقديم طلب تغيير التخصص تعرفه من خلال التقويم الدراسي (اضغط هنا) لاستعراض التقويم الدراسي واحفظه في مفضلتك

وخلني أوضح لك هالشغلة :

فيه مواد اسمها متطلبات جامعة . حلو ؟

متطلبات الجامعة هذي يعني كل الطلبة في جميع الكليات يدرسونها (كلية الإدارة، كلية الآداب، كلية التربية ...الخ)

وفيه مواد اسمها متطلبات كلية ..

متطلبات الكلية هذي يعني كل الطلبة اللي تنتمي تخصصاتهم إلى كلية واحدة يدرسون هذه المواد .

أضرب لك مثال واقعي عشان توضح عندك الصورة :

كلية الآداب تشمل التخصصات التالية : (تخصص انجليزي ، تخصص لغة عربية ، تخصص تاريخ ، تخصص جغرافيا ، تخصص علم إجتماع ،تخصص دراسات إسلامية)

هذي التخصصات تنتمي إلى كلية وحدة اللي هي كلية الآداب .

لما تغير تخصصك من لغة انجليزية إلى لغة عربية أو إلى أي تخصص آخر داخل تخصصات هذي الكلية ويكون هذا بعد فصلين دراسيين ماتكون راحت عليك مواد كثير ،

لأن كل هالتخصصات هذي يدرسون نفس المتطلبات ، ومعروف ان أول سنة اللي هي فصليين دراسيين الطلبة يدرسون فيها بعض متطلبات الجامعة + متطلبات الكلية .

فلذلك لما تغير تخصصك بتشوف انك تبدأ تلقائياً من المستوى 3

لأن كل المواد اللي في المستوى 1 والمستوى 2 حق تخصصك الجديد انت دارسها في تخصصك القديم .

ليه دارسها ؟

لأنك مارحت بعيد ، من تخصص إلى تخصص داخل نفس الكلية .

ـــــــــــــــــــــــــــ

لكن لو رحت مثلا غيرت تخصصك من لغة إنجليزية إلى تربية خاصة ، أو من علم إجتماع إلى إدارة أعمال .

التربية الخاصة في كلية التربية

واللغة الإنجليزية في كلية الآداب

وإدارة الأعمال في كلية الإدارة

لما تحب تغير تخصصك بعد مرور فصلين دراسيين ماراح تلاقي مواد كثير مشتركة بينهم .

ليه ؟

لأنهم راح يشتركون فقط في متطلبات الجامعة وهي قليلة في أول سنة ،

بتلاقي نفسك مخلص مادة أو مادتين أو ثلاث على الأكثر ، والباقي كله راح تدرسه من جديد لأنها اصلا مواد جديدة عليك .

فالموضوع يفرق إذا بتغير تخصصك داخل الكلية نفسها ، أو بتروح كلية ثانية .

اتممممنى افدددتك يآعسسل :wink: