ياترسلوا الرقم السري او نهجم عليكم
 

اشوف مواضيع الرقم السري كثرت سالفه ماوصلنا ومالقينا بياناتنا وبعدين معكم :mh35:

طبعا انا بعد من ضمن الشله اللي ماوصلها الرقم وارسلت اوراقي من 24/9/1432

طيب اليوم خميس وبعده جمعه وبعد السبت اجازه وبعدها الاحد انا ماصار شئ على نهايته

انا بسوي هجوم عليهم عن طريق الايميل وعن طريق جوالاتهم اللي مايرد برسله مسج

ماخلي احد مارسله حتى الحارس برسله اما يخلصوا موضوع القبول او يرجعوا فلوسي

ويرجعوا اوراقي يدبروا عنواني ويرسلوها مو شغلي

واما ان شاء الله اذا انا مقبول بعد بهجم عليهم احد قالهم يحطوا مدخل البيانات سوداني

ويسمحوا له يفطر كمونيه هذه مشكلتهم كان بامكانهم يدخلوا البيانات مره وحده لكل الطلبه

ويرسلوا على الجوال مره وحده اما قصه دفعات هذه اسمها حرقه اعصاب وسوسه

والا نعنبوا ابليسكم اتصل على تلفونكم 24 ساعه مشغول حتى الساعه 4 الفجر

ليه متصل على مطعم والا رقم مباشره كله رقم ويقولك حط التحويله ابلشتنا الجامعه

في الصيف نقول متى يفتح التسجيل ولما يفتح نقول متى القبول ولما ننقبل نقول

متى الارسال ومتى يقفل ولما نرسل نقول متى توصل ولما توصل نقول متى يجي الرقم

ولما يجي الرقم نص يوصلهم والنص يقول انا ماجاني ياجامعه اما ترسلي لنا الارقام وهذا المطلب

او ترسلي تعلمينا الزبده اما كذا كلا وكلا الفلوس اللي عندكم في ناس كانت بتعيد فيها وتستانس

يله طولت عليكم المهم لاتنسوا ازعاج على الايميلات وازعاج على الجوالات ومسجات

حتى وقت صلاه الفجر ارسلوا لهم اللي سهران وياليت القدامى او اللي وصلهم الرقم

اذا لقط واحد رد عليه يسال بالنيابه عننا او يسال في منتدى الجامعه بالنيابه عننا يكسب اجر

وشكرا

رد: ياترسلوا الرقم السري او نهجم عليكم
 

غريب والله للآن ماوصلكم :000:

رد: ياترسلوا الرقم السري او نهجم عليكم
 

لا ماوصلنا تدرين ماعندنا واسطه :mh35:

رد: ياترسلوا الرقم السري او نهجم عليكم
 

خخخخخخخخ وش دعوهـ حنا اللي عندنا واسطه !

طيب هل اوراقكم وصلت لصالح سيف ؟؟؟

وهل مرسلين الشهادهـ الأصل ؟

لأن النسخة لاتقبل ..

رد: ياترسلوا الرقم السري او نهجم عليكم
 

ارسلنا اصل الشهاده وارسلنا فلوسنا دراهمنا واستلمها السيف وكتب ثانكيو

وماوصل شئ لو اني بالاحساء كان ابلط عندهم

رد: ياترسلوا الرقم السري او نهجم عليكم
 

طيب اخوي ودك تطلع الرقم السري اتبع الي اقولك شوف رقم في ورقة البريداكتبه بدون الاحرف وسجل المدني ثم يطلعلك الرقم السري بتوفيق ان شاء الله:mh12:

رد: ياترسلوا الرقم السري او نهجم عليكم
 

لا ماوصلنا :mad:

من جد قلت كل اللي بخاطري اقوله
ماندري اقبلوناو لا شسالفة ؟تاركينا معلقين


من الان بدا ازعاجهم :33_asmilies-com: ونشوف اخرتها وياهم

رد: ياترسلوا الرقم السري او نهجم عليكم
 

خخخ الله يعينكم على مابلاكم :biggrin:

تصدقون ان الي ارسلو بالاسبوع الاخير هم الي جاهم القبول اول الناس < هي معهم هههههه

رد: ياترسلوا الرقم السري او نهجم عليكم
 

استخراج الرقم السري واي طريقه اخرى جربناها ومافي فايده

يقولنا نظامهم بياناتنا خطأ يعني الرقم الجامعي ماله وجود

ولانطقوا عن وضعنا جامعه رايحه فيها وبعدين معلقين لمتى؟؟؟؟؟؟؟

رد: ياترسلوا الرقم السري او نهجم عليكم
 

ويمكن اللي ارسلوا اوراقهم الاخير تنحط فوق اوراق اللي في الاول

وش الجامعه لها سنتين في التعليم عن بعد ومافي تخطيك او دراسه

وفي خطه ثابته يمشوا عليها كانهم جدد على السالفه