تبرير واصرار
 

قصيدة أعجبتني فقلت أعرضها لكم لعلها تنال اعجابكم



الحب ماكفر ذنوب المحبين.
عاشوا بحق قلوبهم مذنبيني،

يركز على صدر المولع نياشين.
ويجمع له الحساد والشامتيني،

متبوع فالدنيا ومشروع فالدين.
فطره مع الكفار والمسلميني،

وأنا على سلم الرجال المسمين.
كسابة الثنتين دنيا ، وديني،

اللي ليا قروا تقر الموازين.
فعل ضروبه من قديم السنيني،

وقفت بين العقل والقلب والعين.
وأحترت في عقلي وقلبي وعيني،

أدور الخيره وأنا بين ثنتين.
واللي يجيني من وراها يجيني،

آخذ من نجوم المجره براهين.
وافلج دعاوى الجدي بالفرقديني،

وين أنت يامسرج هجوسي وانا وين
عيت وساع البيد تقطع حنيني

ألف وثلاثميه وخمسه وستين
كيلو متر بالضبط بينك وبيني

كيلتها والقلب مع كل مترين
يقسى على حدب الضلوع ويليني

يابنت اناجيتك على العسر واللين
أرد عن يسراي صفقة يميني

خليني أكتب لهفتي بين قوسين
وحطي تحتهاخط وأستوعبيني

ماعندي إلا قلب....لومعي قلبين
والله لاعلق صورتك فالثنيني

وابدع لحن وأطوح الصوت صوتين
أما على المسحوب وإلا الهجيني.




أما الشاعر فلا أعلم من يكون

رد: تبرير واصرار
 

رد: تبرير واصرار
 

الله الله
صح لسانك اخوي الشاااامخ الله يسلمك
قصيده رائعه
ليس المهم من كتبها بل المهم محتواها
تسلم على النقل
دوم وافي
شكري احترامي اخوي ...

رد: تبرير واصرار
 

الشكر موصول لك على مرورك العطر

رد: تبرير واصرار
 

بوجودك الله يسلمك ...وانتي دايما لبقه في ردودك ...تشرفت فعلا بمرورك