ملتقى طلاب وطالبات جامعة الملك فيصل,جامعة الدمام - شعر الحب مثل .. الزرع ~ ووصالنا ماه ~

السلام عليكم ورحمة الله وبركاته
صباح\مساء
الخير
اضع بين اياديكم هذه القصيده ولعل وعسى ان تنال اعجابكم
يقول

ياقلب معشوقـك وغاليـك وش جـاه

عقب الغـلا كنّـي عـدوّن امعاديـه

ونسـاك يومنّـك عجـزت اتناسـاه

وعجزت تصبر يـوم زلّـت حراويـه

واقلبي اللـي لاعـه البعـد واشقـاه

واجرحي اللي مالقـى مـن يداويـه

الحب مثـل الـزرع ووصالنـا مـاه

يمبدلن هاك الوصـل بالجفـاء ليـه

ماغيـرك احـدن بالحيـاه اتمـنـاه

وماغيرك احدن يعشق القـب طاريـه

وياللي تقول اصبر علا الكود فرقـاه

ادمت جروح القلب وافلـت عراويـه

معـذور قلبـي يـوم بانـت خفايـاه

مافيه احد يستحمـل افـراق غاليـه

حن الخفوق اللـي بغـاه او تباطـاه

والغيض يملا الصدر والعيـن تبكيـه

ذكراه بكتنـي وانـا اقـول ابنسـاه

وشلون ينسى القلب شخصن سكن فيه

لـولا الخيانـه ماعرفـت المعانـاه

وبعـد الخيانـه ماتفيـد المشاريـه

مافيه احـد وافـي يسـوي سوايـاه

اللـي ليـا طـاح المصـوّب يخليـه

وباع الذي شاريـه واقفـى ولا جـاه

ونسى زمانـن فـات وانكـر لياليـه

لاكن على المخطي تسجّـل خطايـاه

وكلـن مـن افعولـه تبيـن مباديـه