ملتقى طلاب وطالبات جامعة الملك فيصل,جامعة الدمام

هذا ماحصل بين احد وبعض الدكاتره في الجامعة

__________________________________________________ ____
بسم الله

رحت و اول ما شفت مكتب الدكتور احمد رجب . دخلت و سلمت و حطيت الفلاش ميموري على

الطاوله و قلت له حط لنا محتوى الاضطرابات السلوكيه و تعديل السلوك . رفع راسه و قال لي انت

مين . قلت له انا طالب عندك في المستوى الرابع . قال لي روح جيب ورقه مختومه و موقعه بهذا

الطلب من عند العميد لأن العميد رافض اني اعطيكم المحتوى دفعه وحده . قلت له يعني ما راح

تعطيني ذا المحتوى . قال لأ . بعدين قال لي ارجع السبت اكون اقنعت العميد و نعطيكم محتويات

المواد كلها . و شكرته و سلمت و مشيت . بصراحه الرجل قمة الأخلاق .

رحت للدكتور عبدالله النجار عشان اقنعه يعطيني محتويات المواد قالوا انتهى دوامه .

خذت لفه شفت مكتب الدكتور مصلح مفتوح . دخلت و سلمت و كان هذا الحوار بيني و بينه .

متى تصلحون البلاك ..... قال لي بياخذ وقت و عموما البلاك بورد شغال بس عليه ضغط .

ما يشتغل يا دكتور ....... قال بلى يشتغل بس على متصفح الكروم .

قلت له طيب و الحل ....... قال الليله او بكره بنفعل ايقونة مركز التحميل السريع استخدموه لين

نضبط البلاك بورد و عشان ما يكون عليه ضغط .

قلت له تنحسب لنا الدرجات اذا حملنا من مركز التحميل السريع ....... قال نعم تنحسب لكم

الدرجات .

قلت له طيب و الواجبات و المشاركات ....... قال لا تشيلون هم راح نمدد لكم الوقت الى اخر

الاختبارات . بس اهم شئ لا تتزاحمون في البلاك ما دام عندكم مركز التحميل . ذاكروا و اجتهدوا

و احنا نتحمل مسؤولية خراب البلاك بورد .

قلت له يعني راح تعطونا وقت الى الاختبار ....... قال لي يمكن بعد الى ما بعد الاختبار و راح

نعطيكم اكثر من محاوله لحل الواجبات .تطمن .

قلت له ترا راح أكتب موضوع للطلاب . لأني مرسول من المنتديات لتقصي الحقائق ...... قال لي

أكتب لهم نفس اللي قلت لك و طمنهم .

سلمت عليه و مشيت . بس هذا اللي حصل .

موفقين باذن الله

*: http://www.ckfu.org/vb/t236711.html#ixzz1b2tsza78