ملتقى طلاب وطالبات جامعة الملك فيصل,جامعة الدمام - طيب للي متعبه البلاك واخوه النظام الافتراضي تعال ( ختامها مسك )

- إدارة أعمال 1 (https://vb.ckfu.org/forumdisplay.php?f=310)

طيب للي متعبه البلاك واخوه النظام الافتراضي تعال ( ختامها مسك )

طبعا انا هذه الامور اعرفها بطبيعة تخصصي وعملي
ولكن بما انها نهاية السمستر حبيت اطرحها لكم لاني لو قلتها من البداية كان الناس ما اجتهدت في التنزيل والمشاهدة :

س : هل لازم ادخل اشوف المحاضرة وانزلها علشان تحسب لي الدرجة
اجابة الجامعة : نعم لازم تشوفها اوتحملها علشان تحسب لك الدرجة
اجابتي : لاع فقط ادخل على جزء المحاضرة ويحتسبها النظام
http://im11.gulfup.com/2011-11-22/132194645651.jpg
سواء كنت في مركز التحميل السريع - البلاك بورد - النظام الافتراضي
بس اول ما تدخل على المحاضرة من هنا
يعني بالعربي اول ما تقوم بالنقر على الرابط في الصورة اعلاه اللي فيه اسم المحاضرة مثلا " المحاضرة الرابعة عشر " انحسبت لك الدرجة ، لكن الجامعة ودهم انك تدخل وتشوف وتنزل المحاضرة واشكرهم على مشاعرهم :24_asmilies-com: بس لو كان السيرفر يتحمل الضغط ومافي داعي كل يوم ينعمل له ريسترات لان كل يوم بسبب التعليق وعلشان كذا مايكون فيه احد يوم الخميس والجمعه وتروح عليهم :017:

طبعا مثل مايقولن في نشرة ادوية الاطفال
تطبيق هذه الطريقة على مسئوليتك الشخصية دون ادنى مسئولية علي :(284):
انتهى الموضوع الفرعي :lllolll: نجي للاساسي

انا حطيت راسي من السمستر اللي فات اسجل في الجامعة
وكنت متحمممممس مره
المهم اول مافتح التسجيل خويكم مثل الاهبل طرت على موقع الجامعة وسجلت
وبعد ما انتهى التسجيل رحت وشريت الكتب وطبعت الملخصات وجلست اذاكر

طبعا حرمنا المصونه خريجة سادس ابتدائي من وجهة نظري مع انها تقول انها جامعية :(284):

جلست تحطم فيني ماراح يقبلونك يالشايب :33_asmilies-com: وثانيا انت جامعي ليه تدرس من جديد :mad: روح ذاكر للعيال بنتك الحين في الثانوي ولازم متابعه لها :hhheeeart4:

طبعًا ومن منطلق اني رجال البيت واقوى واحد في الحارة :41jg: قلت لها اقلبي وجهك بيقبلوني غصبا عن ابوك سواق التاكسي :(284):

طبعا عندي الولد ملقوف حبتين وراح نقز على التلفون وكلم جده وقاله ابوي يغلط عليك وعلى امي :(177):

وهنا انتهت السالفة الاولى لاني انمسح ببرستيجي السيراميك من سواق التاكسي :bawling:

قبل ظهور النتايج بيومين رحت البنك وسددت الرسوم
طبعا بتقولون كيف سددات واصلا النتايج ما نزلت
اقولكم النتايج نازله في الموقع من اكثر من اسبوع
بس كانوا مخفين الرابط الخاص بصفحة الاستعلام عن النتايج
دخلت الرابط ولقيت اسمي ورحت سددت وانتظرت يوم ظهور النتايج علشان اطبع قسمية البريد وارسل الاوراق :d5:

حسيت اني اقوى واحد وان مافيه شيء يوقف قدامي ابدا الا سواق التاكسي ابو زوجتي :017:

وسجلت ولا اخبي عليكم اني تحطمت من انظمة الجامعة الالكترونية واهمالهم في متابعة طلبات الطلاب
لانه ما زالت الامور مختلطة عليهم بين التعليم الاهلي والتعليم الحكومي

يفترض انا دافع قروش لي معامله خاصة اخذ مقابلها " خدمة خاصة " غير عن الطالب الانتظام اللي ياخذ فلوس وموفرين له كل الخدمات

يعني من حقوقي
اني اقدر اكلمهم بالتليفون ------------- خطوطهم مشغولة ومايردون :(269):
ارسلهم ايميل ويردون علي -------------- لا حياة لمن تنادي :(107):
يوفرون لي المحاضرات كاملة بالمحتويات -------------- هذه امور جديدة عليهم:000:
يقدمون خدمات الكترونية متكاملة او على الاقل يتاكدون من عملها ------------- ماعندهم الكفاءة والدليل ان البيانات راحت حتى نسخ احتياطي backup ماعندهم :hahahahahah:

طبعا انا اقولكم هالكلام علشان احطمكم لا ( انت حطمتنا وخلصت :Cry111: )

حبايبي ترى الدنيا تبي لها صبر
ومافيه شيء بالساهل

وهذه الامور اللي قاعدة تصير متأكد ان الكل واجه اقوى منها وانصدم بامور اقوى منها

طبعا ابوي كان يقول :064:
الازمات تصنع الرجال
وطبعا اكتشفت ان ماعنده سالفه :hahahahahah:

كل شوي اقرى مواضيع بانسحب باعتذر باسقط مانفي فاهم شيء مخي مقفل كيف اذاكر كيف احشي الكوسة :tongue:

انت ليه حكمت على نفسك بالفشل ؟
خذ الدنيا بالسهله
تدري ليه ؟
لان كل شيء يتعوض
سقطت باعيدها وانجح ماهي مشكلة مادام الله معطيك في العمر جرب وحاول

على فكرة هذه ثاني جامعة اسجل فيها انتساب :wink:
اول مره اسجل فيها انتساب كان عام 91
جامعة اردنيه فاتحه لها مكتب في الرياض ورحت الرياض
وسجلت عندهم بـ 9000 السنة الدراسية ( المبلغ غير مسترد )
وارسلوني على مكتبة في الرياض اخذ منها الكتب

طبعا الكتب كانت عبارة عن نسخ مصورة من الكتب الاصلية
كان كتاب الاقتصاد وكتاب الرياضيات اكثر من 700 صفحة
اول ما اشتريت الكتب
رجعت الشرقية
وبديت اذاكر
طفشت
ولقيت المواد ماهي راضية تمسك في المخ
حسيت نفسي سخيف :53: ليه اسجل في جامعة مره ثانيه :mh12:
رجعت لهم في الرياض قلت لهم بانسحب
قالو ا لي الله معاك
قلت لهم القروش
قالوا " روح يا زلمة فشي مصاري "

طبعا سمعت كلامه ورجعت الشرقية
بعد ثلاث سنين لقيت واحد اعرفه كان مسجل معاي في نفس اليوم من الشرقية
قلت له ها وش وضعك قال باقي سنه واخلص ان شاء الله

تدرون في هذه اللحظة حسيت بالتحطيم وش الفرق بيني وبينه ؟
الارادة هي الفرق بيني وبينه

طولت الهذره
لكن يا اخوان شدوا حيلكم والموضوع بسيط وترى الاربع سنين او الخمس سنين تعدي بسرعة ولا تحسون فيها بالمره
ولما تتخرج بتشوف انك حققت اعظم انجاز في حياتك بعد الطلاق :lllolll:

لاحد يرد على الموضوع لانه كل اللي انكتب اعلاه من تاثير بذور الكاكاو
http://ecx.images-amazon.com/images/...500_AA300_.jpg
سلام يا كرام