احم احم ..
معاكم اخوكم ابوها لـ صِبــا

مقدّمه .. اشتقت لصبـّـو .. يابعد روحي وانا اللي قايل فيها
لو كنت ليبي وانتي القذّافي !
ماكان صار بـ ليبيانا ثوره ..
وبعد
ياللي على خفّاق صدري تماديت
خلّه معك ضي الليال وقمرها

والا تعال وشيّد بداخله بيت
يحميك من شر الحياة وخطرها

:106:

مدخـــل :

يالربع وبالربعات :biggrin:

خلونا نتفائل .. فاليوم الاثنين منتظرين اخبار حلوه ان شاء الله من الله ثم مجلس الوزراء
واليوم كلاسيكو المتعه الزعــــيم vs العمــــيد

واختبار الرياضيات بيكون امتع منهم كلهم باذن الله .. فـ روقوها


اليوم ان شاء الله نبي نحرم ابو سبعان من قبلاته الـ .... ههههه يالله لا تبلانا :biggrin:

كل هلالي يتخيل ان اسئلة الرياضيات اصفر واسود ويبدع ويسحبها تسحيب ..
وكل اتحادي يتخيل الورقه ازرق وابيض ويحاول انه مايغرق << مشكله متعصب :biggrin:


اليوم والليله فرح يارب واحلامي تزيد
يمقن ابو متعب يرش من الفلوس الزايده

شعبه تعب كن الفضا اضيق من حدود الوريد
وكن المعيشه بالبلد تجهل اصول الفايده

حتى العلم ذابل خضاره يشبه بعيني جريد
من عقب ماكنا علم وسط السنين البايده

ابسأل المسؤول من جوع البشر وش يستفيد
من حب باجه ماجنينا غير بتر الزايده

هم البطاله والفقر والموت والحس البليد
وبترولنا تصرف على كل الامم عوايده !!

وان ماحصل لا تنتظر منا وفا يوم ٍ شديد
وشلون ياقف منهك بجسمه جروح ٍ كايده

ماهو يفرحني سوا محبوبي البحر العتيد
ازرق مثل مزن ٍ تحمّل بالمطر زوايده

الليله الليله فرح نرقص على دمع العميد
بنعوّد اللي مانسى الخمسه على عوايده

حنا الفخامه والزعامه والسياده والأكيد !
انّـا هرم والغير ناس ٍ من هرمها بايده

وختامها يارب عفوك لـ صْرَخَت هل من مزيد
وانك توفقنا هنا للمصلحه والفايده

والاختبار اللي زرع بستان بالراس البليد :biggrin:
يارب خله زي ضرب الخمس وسط المايده !! :biggrin:


وسلامتكم :biggrin:


** انا فتحت موضوع وكان في بالي اكتب فرح .. لكن يمكن الواحد بهالوقت ينسى شلون يفرح !

والعذر اذا فيه تكسير او شي ان وجد لاني كتبتها وماراجعتها ع طول من القلب الى اللسان ثم المتصفح :love080:


والله يوفقنا جميع .. وان فاز العميد فـ مبروك ( من دون نفس ) :biggrin: وان فاز الزعيم يهون حتى الرسوب :biggrin:

بس عاد ينهزم وارسب بـ تجلّط :biggrin:


وسلامتكم :biggrin: