ملتقى طلاب وطالبات جامعة الملك فيصل,جامعة الدمام
صفحة 1 من 4 1 234
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى المواضيع العامة (https://vb.ckfu.org/forumdisplay.php?f=3)
-   -   ايقونة الإعجاب وش رايكم فيها (https://vb.ckfu.org/showthread.php?t=278255)

NOW OR NEVER 2012- 1- 8 04:42 PM
ايقونة الإعجاب وش رايكم فيها
 
السلام عليكم ورحمة الله


مساء الخير


بغيت اطرح موضوع وودي آخذ رايكم فيه


وموضوع عن ايقونة الاعجاب وش رايك فيها وهل انت معها او ضدها وليه :mh12:


واذا جيت تحط اعجاب يعتمد على ايش هل الكاتب او المحتوى :wink:

يعني مجرد انك تعرف صاحب الموضوع او الرد تحط له اعجاب :mad:


او ان محتوى الموضوع او الرد ويستاهل بغض النظر عن الكاتب :(204):

وهل الاعجاب عندك يعتبر رد موجز على الموضوع او الرد وموافقته لرايك ؟

وهل سبق انك حطيت اعجاب ورجعت وغيرت رايك وشلته :mad:

طيب ليه وش اللي ممكن يخليك تعجب برد وبعدها تغير رايك وتهون:icon9:


تمن يعني :hhheeeart4:

او تهاوشت مع صاحب الموضوع وحاب تنتقم منه :41jg:


مرات ادخل والقى اعجاب من شخص على احد الردود ولما ارجع واقرى ردي القاه شكرا او جزاك الله خير او فالك التوفيق .....

ولو كان صاحب الموضوع هو من حط الاعجاب اوك ما فيه مشكله .

لكن القى صاحب الاعجاب اصلا ما شارك بالموضوع وحط اعجاب على كل الردود من اولها الى آخرها

يمقن يحسبها منتدى النقاس :hahahahahah:ويمقن لا

مع العلم اني لا اطرح تصويت على ازالة هذه الخاصية من منتدانا وانا معها :(204):


رايكم يهمني

وفالكم التوفيق والنجاح بالدارين

سوسو الرياض 2012- 1- 8 05:14 PM
رد: ايقونة الإعجاب وش رايكم فيها
 
يمسيك باالخير اخي الفاضل

عاد تصدق حبيت هالميزه هذا اول منتداء اشوف فيه لايك مدري يمكن لاني جديده في عالم النت

متى اسوي لايك ؟

اذا جازلي الحتسي سواء كان الموضوع نفسه او الردود واحيانا تكون الردود احلى واكوس وابلغ من الموضوع بحد ذاته

نهاائيا مايهمني صاحب الموضوع او صاحب الرد اساسا احنى مانعرف بعض معرفه شخصيه يعني اكيد اعجابي هو في الحروف اللي انكتبت وليست لصاحب طقطقة الكيبورد

اشك اني قدرت اوصلكم مااي اي ديه :biggrin:

اما اني اسوي لايك وبعدين اكنسله لالا ماقد سويتها ابد والله اللايك يفرح الشخص اللي تلقاه خلوه يفرح ترى اللايك ببلاش والدنيا بخير

أستمتعوااا بوقتكم

:love080::love080:

الفراق الصعب 2012- 1- 8 05:14 PM
رد: ايقونة الإعجاب وش رايكم فيها
 
حلوه

اذا مالك خلق ترد تعطي اعجاب

او اعجبك موضوع

ۅح ــيٌ .. ! 2012- 1- 8 05:16 PM
رد: ايقونة الإعجاب وش رايكم فيها
 
- اذا الموضوع اعجبني احط ( اعجاب )

بغض النظر عن صاحبه ..

- واوقات اكون وصاحب الموضوع في حرب داحس والغبراء في الردود :biggrin:

لكن بـ موضوع ثاني يعجبني طرحه او ردهـ فـ احط ( اعجاب ) ..

- اذا صاحب الموضوع او الرد اضاف لي معلومه جديدة احط ( اعجاب )

- اذا صاحب الموضوع او الرد يشابه لتفكيري او وجهة نظري احط ( اعجاب )

- بعض المواضيع و الردود تضيف لي البسمه فـ احط ( اعجاب )

ولاحظت شي للامانه ان به ماشاءالله بعض المجموعات صايره مثل الاحزاب ماتقيم الا اللي تعرفها ..

بـ معنى آخر يمشون بـ مبدأ شد لي واقطع لك :biggrin:

حتى لو ماشاف الكلام اللي كاتبه هذا العضو يناسبه او لايحط ( اعجاب ) لانه يعرفه ..

ولو تلاحظ زمان ايام ايقونة ( التقيمات ) كان نادر الاعضاء يستخدمونها ..

ووين ووين ليما يجيك تقيم ..

بس من حطوا ايقونة ( الاعجاب ) والكل ادهر فيها وبـ ظني السبب انها ظاهرة و مش مخفيه مثل التقيمات ..

وممكن لانها شيء جديد والكل فرحان بها ..

مصير الشعب يتركه مثل ماتركوا موضة ( التقيمات ) :biggrin:

ابونوآآآف 2012- 1- 8 05:18 PM
رد: ايقونة الإعجاب وش رايكم فيها
 
والله يا بو الحبيب


كل واحد يستخدم الاعجاب على حسب سياسته الخاصه


وعلى حسب ما يقتضيه امر الحال


بالنسبه لي مرات احط اعجاب لأن مضمون الموضوع عاجبني


ومرات احط اعجاب بسبب اسلوب الرد الراقي


ومرات اشتاق لأحد معين واحط اعجاب على ردوده بعدين


ان شاءالله يكون ردي يعجبك وينال منك اعجاب


ومع الاعجاب بالمره تقييم وتعليق خاص:biggrin:

NOW OR NEVER 2012- 1- 8 05:34 PM
رد: ايقونة الإعجاب وش رايكم فيها
 
وجهات نظر استفدت منها:(204):

تحياتي لكم

ويا دكتور متوكل لا تكبر المسافات بين السطور تعبت وانا انزل بالماوس:mad:

ام فلوة 2012- 1- 8 08:34 PM
رد: ايقونة الإعجاب وش رايكم فيها
 
انا يعجبني الكلام اما اصحاب الكلام اغلبهم ما اعرفهم ولا حتى معي في قسمي

بنت الشمري 2012- 1- 8 08:45 PM
رد: ايقونة الإعجاب وش رايكم فيها
 
باالنسبه لي اكثر شئ احط اعجاب على مضمون الموضوع
بغض النظر عن صاحبه
وكذالك الردود
ابد ماعمري حطيت اعجاب وبعده ازلته لاني مااحطه الا للي يستاهله
مثلا انت ماقد تقابلت معك في موضوع وحطيت اعجاب لانك
فتحت موضوع مهم ويتسائل عنه الكثير
الله يعطيك العافيه

Om Shahad 2012- 1- 8 08:52 PM
رد: ايقونة الإعجاب وش رايكم فيها
 
احط اعجاب اذا اعجبني المحتوى لان مااعرف احد يكتب او ينزل مواضيع :biggrin:

المحتوى يجذبني وطبعا كل شخص اختياره للمحتوى يدل على ذوقه:106:

ثانيا ماقد حطيت اعجاب وتراجعت عنه الا ماحطيت الا بقناعة وانه الموضوع وصاحبه يستاهل التقييم

يعطيك العافية يارب

So0oT AlFgEd 2012- 1- 8 08:54 PM
رد: ايقونة الإعجاب وش رايكم فيها
 
بالنسبه لي لآ أرى فيها اي مشكله او خدش في شخصه


All times are GMT +3. الوقت الآن حسب توقيت السعودية: 07:01 PM.
صفحة 1 من 4 1 234
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه