ملتقى طلاب وطالبات جامعة الملك فيصل,جامعة الدمام

السلام عليكم ورحمه الله وبركاته .
قريت كثير من المواضيع اللي طرحوها اخواني واخواتي واللي تدور حول احتيارهم في بعض الامور وللامانه ماشجعني على كتابه موضوعي سوى ردودكم على مواضيعهم .
انا طالب في الصف ثالث ثانوي ومن كان عمري 11سنه عرفت اني ماراح اطلع من تخصصين اللي اهم الطب النفسي او علم النفس
وكنت محتفظ بهذه الرغبه لنفسي حتى قبل اسبوعين , قلت لاخوي عن هذي الرغبه وكيف اني متحمس وابغى الترم يخلص عشان يسموني كل الناس الدكتور عسّــاف .
قبل لااقولكم رايه في الموضوع حاب اقولكم ليش انا اصلا كتبت .مشعل بالنسبه لي مو توأمي وبس
مشعل هو الاب الروحي بالنسبه لي وصدقوني ماابالغ >>> حسيت اني ويش بس لو تشوفون فيسي:060:.
المهم انه عارض كثير ويقولي انك ماتعرف نفسك كثري .>>وهذا اللي خلاني الجأ لكم من بعد الله .
كلامه بالضبط كان(ان الطب صعب ومايبيله ناس مثلك يملون بسرعه وبعدين وش الحياه اللي بتعيشها وانت دكتور يابابا الدكتور عايش حياته لغيره مو له .وبعدين الطب دراسته تطول متى راح تعيش حياتك وتتوظف اذا7سنين طب عام و3 تخصص ووش هالتخصص اللي تبيه !؟ طب نفسي من يوم ماتصحى الين تنام وانت بس تسمع مشاكل واذا رجعت خذ المشاكل اللي بتجيك بكره من زوجتك ولا عيالك ولا ولا....انت بس اسال نفسك هذا السؤال تبي هالشي من قلبك ولا عشان اللقب .:119:
طبعا انا انصدمت لان مشعل عمره كله ماعارضني بالعكس ماكان يناديني الا باخوي الدكتور عسّــاف حضر.
طلعت من المجلس ورحت لغرفتي وجلست افكر في كلامه كثير :(107):... بس انا احب اسمع مشاكل الناس ...احب اساعدهم ...احب انصحهم ...احب شعور انك تكون المنقذ ساعات من اوقات الهم وكل الظروف النفسيه الصعبه ....جربت هالشعور من اللي حولي ...لما يلجأون لي افرح كثير ...
انا صح احب علم النفس بس بعد احب اعالج يعني اوصف دواء وهذي الشغلات .
لكن كلامه خلاني اندم اني خبرته بشعوري :007:.
والحين ياهل الخير شورو علي والله اني ماني عارف افكر ومافيه شخص اثق فيه كثر مشعل وعارضني:Cry111:.
وبعدين انا صح انسان ملووووول كثير بس هذا مايعني اني انسان ما عنده احساس بالمسؤوليه .
اللي ابيه منكم وش الفرق بين الطب النفسي وبين دراسه علم النفس .
واللي درسوا الطب وش الصعوبات اللي واجهوها في اول سنه وشهي نصيحتكم للي مثل حالتي اسبوعين والارق ماخلاني اعيش مثل الناس واي شي تعرفونه وتحسون بيفيدني ارجوووكم لاتبخلون علي .
واخر سؤال هل يوجد في جامعه الملك فيصل قسم يدرس علم النفس ؟؟

..لكم كل ودي واحترامي ..
.
.
... أخوكم...

عسّـــــاف الهـــــــاجري :53::004:

:004: