ملتقى طلاب وطالبات جامعة الملك فيصل,جامعة الدمام

حنـا العـرب يـا مدعـيـن العـروبـة

و حنا هل التوحيد وانتم له اجنـاب
و حنا شروق المجد وانتـم غروبـه
وحنا هل التاريخ و أنتم به أغراب
يـوم الفقـر شلتـوا عليـنـا عيـوبـه
واليوم عقب النفط جيتوا لنا أنساب
ويـوم الفقـر فينـا البـداوة سبـوبـة
واليوم صرتوا مثلنا بـدو واعـراب
لـو الهـوى منـكـم منعـتـم هبـوبـه
لا شــك رزاق الـمـلا رب الأربــاب
و لـو المطرمنكـم منعـتـم صبـوبـه
لا شك رزق الخلق من عنـد وهـاب
جيش الحسد سقتوا علينـا حروبـه
كل يبـي يـزرع علـى جسمنـا نـاب
حرب على المحسـن تراهـا عقوبـة
بالله عساكـم مــا تفـيـدون حــراب
يـامـا عطيـنـا مــا نــدور مـثـوبـه
الا مـن اللـى مـن ترجـاه مـا خــاب
و ياما نصرنـا صاحـب ضيقـوا بـه
عاداتنـا نقـدم الـى مـا لـردى هـاب
و يامـا نصانـا مـن تعـثـر دروبــه
يدخل حمانا مـن تعذرهـا الأصحـاب
حـنـا بنيـنـا دارنــا مــن طـيـوبـه
و انتم سلبتوا داركم كـل مـا طـاب
الله سقـانـا مــن بـحـرنـا عـذوبــه
و انهاركم مثل البحر هـدر تنسـاب
حنا زرعنا الحـب بـارض خصوبـه
و أنتم زرعتوا كره الأجيال بتـراب
وحنـا دعينـا السلـم نوبـه ونـوبـه
وانتـم حمـام السلـم بعتـوه بغـراب
يا من دعا للحرب ما ادراك خطوبه
لا تحسب أن الحرب تهديد وخطـاب
من شب نار الحرب يصلـى شبوبـه
ومن ثور الفتنـة تعـرض للأسبـاب
مـا يستـر الرجـال ملـبـوس ثـوبـه
الديـن وافعـال الكرامـة لــه ثـيـاب