ملتقى طلاب وطالبات جامعة الملك فيصل,جامعة الدمام - شعر قصة بنت تناظر واحد بعين قويه

السلام عليكم ورحمة الله وبركاته

قصة بنت تناظر واحد بعين قويه المهم الرجال طلع شاعر وماقصر فيها
عطاها كم بيت عشان تتأدب لكن المفاجاءه هي؟

اترككم مع الشعر

شبر بهالوسيعه ملك ربي تعلمين
واعلم ان اللي خلقني هو خلق لك هالعيون

لكن انتي من جلستي وانتي فيني تحدقين
كن مابه ناس غيري بهالكراسي يجلسون

لوسمحتي عاد اسمعي وحتى لو ما تسمحين
المهم اللي بقوله تسمعينه ويسمعون

ع الاقل ليا نظرتك سوي روحك تستحين
غضي طرفك مثل غيرك خوف ربعي يلمحون

الركاده عاد زينه والحياء في البنت زين
وفيك جازم لا ركاده و لا حياء يذكرون

تعرفيني ؟ أعرفك؟ ما أذكر انا ملتقين
لا اعرفك من تكوني و لا تعرفي من اكون

وأطمأني كان قصدك بس فيني تشبهين
ماهو انا اللي تعرفيه والبشر يتشابهون

مادريتي من التشابه يخلق الله اربعين
واعرف اربع يشبهنك بس والله يستحون

وان كان قصدك شي ثاني عاد قولي وش تبين
خايف انا نصير فرجه واللي ماشتروت يتفرجون

واذا ببالك عاجبتني لا يحوشك تحلمين
صح ربعي من جمالك فيك صارو يمدحون

بس وش لي في حلاتك دام فيها ترخصين
حشمة البنت وحياها والكرامه يلفتون

ولو توفر فيك هذا مع حلاتك تبشرين
ماهو انا الف غيري باب بيتك يطرقون

وش علامك رغم كل اللي اقوله وتسكتين
مو طبيعي هالسكوت وهالبرود وهالسكون

أنتي خرسا أسألك ولا منتي تسمعين؟؟؟
قالو ربعي ذي كفيفه قلت لا لا تمزحون

لين شفتك يوم رحتي يمسكونك باليدين
مادريت الا عيوني اربع اربع يذرفون

اه ياني منه مشهد يوم شفتك ترحلين
جيت اشوف عيون ربعي لقيت الكل يدمعون

قلت سنة هالحياة وحن ترانا مؤمنين
الله اللي مسيرنا بين كاف وبين نون

وكل ابونا نختلف مع اننا من اصل طين
سبحان يلي مصورنا ولله في خلقه شؤون

يعني حنا كل ابونا عاد اسمنا بنادمين
وليا قضى ربك امر وقال له كن فيكون

فينا يلي رازقه خير رب العالمين
وفينا يلي هو لعطفة بحاجة القلب الحنون

وفينا يلي ما شكى من علة كالاخرين
صم وبكم وعمي فهم لايفقهون

بس قليل عاد فينا للنعم هم شاكرين
والله يرزق هالخلايق من حيث هم لايعلمون