|
وش التخصصات اللي ممكن لخريج ثانوي ادبي دراستها
السلام عليكم
انا في ثالث ثانوي / ادبي و بمشيئة الله راح اتخرج هالسنة ارغب في دراسة هندسة الحاسب الآلي هل في مجال بما اني دارس ادبي ؟ و وين تنصحوني اسجل و لو مافي هالتخصص وش التخصصات اللي ممكن لخريج ثانوي ادبي دراستها هنا في الشرقية ؟ و يعطيكم العافية :004: |
رد: وش التخصصات اللي ممكن لخريج ثانوي ادبي دراستها
وعليكم السلام والرحمه
هنسة حاسب في الغالب لطلاب العلمي والتخصصات اللي للادبي ممكن .. تربية خاصه \ اجتماعيات \ دراسات \محاسبه \ اللغات والترجمه \اصول دين \ شريعه \ مكتبات \ عربي \ فلسفه \ اعلام حقوق \ قانون \ الاداره \ علم النفس والاجتماع \ تسويق وجميع الاقسام الادبيه تخصصات كثيره لكن هذا كله يعتمد على وجود التخصص في الجامعه اللي انت تبي تسجل فيها |
رد: وش التخصصات اللي ممكن لخريج ثانوي ادبي دراستها
شكرا اختي ما قصرتي بارك الله فيكي
........... اذا ممكن بس لو تساعدوني في حصر الجامعات اللي بالمنطقة الشرقية و تقبل التخصص الادبي اللي اعرفه جامعة الدمام و جامعة البترول والمعادن و هذي للآن محد أكد لي هل تقبل التخصص الادبي او لا ! و جامعة الملك فيصل بالاحساء هل في جامعات اخرى؟ و اكون شاكر و ممتن لكل من قدم لي المساعدة :rose: |
رد: وش التخصصات اللي ممكن لخريج ثانوي ادبي دراستها
الشرقيه بس فيها جامعتين الدمام والملك فيصل
وكل جامعه لها فرووع البتروول اعتقد ما تقبل الادبي فقط للعلمي بالاضافه لبرنامج cpcارامكوا ايضا ما يقبل الا العملي فيه عندهم برنامج ثاني برانتوس مدري اذا يقبلون ادبي او لا بس دراسه سنتين يعني دبلوم شهادته تخصصات الادبي لي عووده فيما بعد بعطيك شرح مفصل عنها باذن الله |
رد: وش التخصصات اللي ممكن لخريج ثانوي ادبي دراستها
ربي يجزاكي خير اختي
عارف اني تعبتك معاي بس مالي غيركم هنا يعطيكي العافية اختي الكريمة ما قصرتي ربي يوفقك |
رد: وش التخصصات اللي ممكن لخريج ثانوي ادبي دراستها
مافيها مشكله اخووي
بخدمتك |
رد: وش التخصصات اللي ممكن لخريج ثانوي ادبي دراستها
تفضل هذا جوابك
هلا اخووي حسين التخصصات الادبيه فقط باربع كليات الدراسات التطبيقية وخدمة المجتمع وطبعا التسجيل فيها برسووم ولمده سنتين دبلوم اذا جبت في هالسنتين معدل اكثر من 2 وثلاث ارباع تقدر تكمل بكالريوس في كلية العلوم الادارية وتصير عندك شهادة بكالريوس كلية التربية وتقدم شهادة بكالريوس 4 سنوات كلية ادارة الاعمال وتقدم شهادة بكالريوس 5 سنوات ( سنة تحضيريه + 4 سنوات دراسه ) كلية الاداب وتقدم شهادة بكالريوس 4 سنوات دراسة واذا جاب تعرف اكثر هنا رابط الكليات واقرا وتعرف اكثر على انظمتهم واي سوال بالخدمه http://www.kfu.edu.sa/ar/Colleges/pages/home.aspx وبالتوفيق |
رد: وش التخصصات اللي ممكن لخريج ثانوي ادبي دراستها
شاكر لك اختي ما قصرتي
ربي يوفقك |
رد: وش التخصصات اللي ممكن لخريج ثانوي ادبي دراستها
العفوو
طبعا ممكن يكوون فيه تغيير او زياده بالكليات ننتظر اعلان الية القبوول التي ستعرضها الجامعه لنتحقق اكثر والله ييسر الامور |
| All times are GMT +3. الوقت الآن حسب توقيت السعودية: 05:49 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام