|
نبدأ بكره ؟؟
السلام عليكم ورحمة الله وبركاته اللي بيده شي اليوم يحاول يطقطقه وينتهي منه راح نبدأ ان شاء الله من بكره مذاكرة اخيره يعني ما فيها قومه من الكمبيوتر يعني من غرفة المذاكرة لقاعة الاختبارات يعني فلته وهمله ما فيه ما قدامكم الا الاسبوع هذا يعني عشان نضمن نجاح 4 مواد من 5 ان شاء الله ((مع الاهمال اتمنى ما يكون فيه رسوب الترم هذا خصوصاً بالدولية)) نبي نركز الاسبوع هذا على مادتين بس اللي هي النقود والبنوك والسلوك التنظيمي السبت والاحد والاثنين نقود وبنوك ومنها ندخل على السلوك التنظيمي لين يوم الاختبار هذا اخر شي نقدر نسويه على شان نتدارك الوضع والله انا اكثر واحد الترم هذا مضيع الدنيا وشوفوا انتم ايش اسهل طريقة للمذاكرة ودكم نجتمع نحط اسئلة اختبر نفسك ما فيه مانع بس يكون بوقت محدود وسريع ما نبي نضيع وقت نبي تفاعل جاد هالمره تعبنا |
رد: نبدأ بكره ؟؟
انا ناويه احط هالخمس الايام بماده وحده السلوك التنظيمي
بالتوفيق |
رد: نبدأ بكره ؟؟
لالا بدون مبالغه ترا المادة نظريه وسهلة وممكن تنفهم بسهولة
يعني لو بتشوفين المحاضرات تحتاجين 14 ساعة لا تاخذي فرصة مادة ثانيه هذا رأيي خصوصاً ان المادة الثانيه السبت بعدها بيوم على طول يعني تاخذين بالسلوك خمس ايام وبالنقود يوم ؟؟؟؟ اوزنيها صح يا هنوفه بالتوفيق |
رد: نبدأ بكره ؟؟
والله مدري انا الى الان مافتحتها ولا ادري عن وشو تتكلم لكن الاغلبيه قالت يبيلها 5 ايام
النقود خلصتها ع السريع وعندي كم شغله ماعرفتها اذا بتراجعونها سألتكم |
رد: نبدأ بكره ؟؟
اجل اسمعي مني وان شاء الله بتلحقي خير
السبت والاحد خليها نقود وبنوك ومن الاثنين ليوم الاختبار خليها سلوك تنظيمي اتوقع كذا عدلتي وكسبتي المادتين المادة قريتها على السريع انا وما فيها شي زود كلها امور مفهومه يعني وسهله وواضحه والدكتور اعفانا من الاسماء والتعريفات الكثيرة هذا شوري والرأي لك |
رد: نبدأ بكره ؟؟
انا قلت لكم بكره لاني مسافر وراجع بكره لكن اللي حاب يبدأ اليوم يشد حيله والله لا يضيع وقت ما باقي شي على الاختبار
|
رد: نبدأ بكره ؟؟
سؤال يحتاج لإجابة سريعة !
النقود والبنوك تحتاج مشاهدة محاضرات؟؟ |
رد: نبدأ بكره ؟؟
اول المحاضرات انا شفتها هي فهم وكلام وشرح الدكتور ممتاز يسهل المعلومة
|
رد: نبدأ بكره ؟؟
اسمع مني يالعلي
النقود والبنوك يكفي لها يومين السبت والاحد ومن الاثنين وطالع خلوها للسلوك التنظيمي هي سهله وممتعه بس التعاريف كثيرررر تلخبط ولا جاتك الخيارت عاد في الامتحان وضعت من بينها :33_asmilies-com: وانتو براحتكم انا خلصت كل شي والحين ماسكه السلوك وباقي لي الاكترونيه لين وقتها خليتها وبس |
رد: نبدأ بكره ؟؟
انا خلصت النقود والبنوك بيومين بالراااااحه الماده مره حلوه ومهضومه
وقلت اليوم وبكره بخليه للدوليه مع اني والله العظيم مو قادره اذاكر مادري شفيني بصراحه الدوليه ماده نحس وحاطين لها يوم بس مادري كيف بنعديها ذي الله يستر والله حامله همها بجد ومن الاحد الين الاربعا بخليه للسلوك |
| All times are GMT +3. الوقت الآن حسب توقيت السعودية: 10:13 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه