|
تكفوون انا من الرياض وبنقل للشرقيه محتاجه مساعدتكم
السلام عليكم
بس حبيت اسألكم عن جامعات الدمام والخبر والكليات واذا فيها تخصص علم نفس - تربيه خاصه -رياض اطفال وكم النسب اللي يقبلون فيها واذا فيه اهليه كم بتكون الاقساط بالعاده والله يجزي خير اللي يرد علي وله من القلب دعوه وعلى فكره انا من الرياض وبننقل للشرقيه بشهر 10 ومره خايفه اروح وماالقى شي :bawling: وانا ادبي ونسبتي عاااليه والله حرام اسجل بعربي ولاجغرافيا وتاريخ لاني حلمي وحده من التخصصات اللي فوق :011: الله يوفق اللي يرد علي ويريح بالي :Cry111: :d7: |
رد: تكفوون انا من الرياض وبنقل للشرقيه محتاجه مساعدتكم
هلا ولله فيك أختي .. طبعا عدد الكليات وتنوع التخصصات بالشرقيه لايقارن بمنطقة الرياض .. لكن اح اعطيك فكره عن التخصصات المتاحه لك .. عندك كلية الاداب للبنات بالدمام .. وتخصصاتها ../ 1- لغه انجليزيه 2-عربي 3-جغرافيا 4-تاريخ 5-دراسات اسلاميه كلية المجتمع بالقطيف ../ دبلوم الحاسب الآلي كلية التربيه بالجبيل ../ 1- رياض اطفال 2- انجليزي ( وتخصصات الفيزيا والرياضيات والحاسب للعلمي *) عندك كلية الدراسات التطبيقيه ووخدمة المجتمع وتخصصاتها ../ ( 1- المحاسبه 2- نظم المعلومات 3- التسويق ) جامعة الامير محمد بن فهد الاهليه .. " ماعندي ولله معلومات كافيه عن تخصصاتها لكنها متنوعه وكثيره ورسومها بالسنه 55 الف ريال ومدة الدراسه فيها 5 سنوات .. الجامعه العربيه المفتوحه .. / ( ادارة الاعمال - تقنية المعلومات - التربيه الخاصه - ادب انجليزي ) بالنسبه لتخصصات مثل علم النفس والاجتماع .. على حسب علمي مو موجود بالمنطقه مثل هذي التخصصات .. والله يوفقك حبيبتي وتدخلين التخصص اللي تبينه .. |
رد: تكفوون انا من الرياض وبنقل للشرقيه محتاجه مساعدتكم
هلا اختي
اتمنى رورو افادتك بشيء بس اللي اعرفه ان تخصص رياض اطفال و تربيه خاصه موجود بالاحساء اما علم النفس مش موجود ب الشرقيه وفي علم اجتماع بس بعد ب الاحساء وبعدين اذا يتكزنين ب الدمام يعني قريبه للأحساء وفي سكن طالبات اتمنى افدتك . |
رد: تكفوون انا من الرياض وبنقل للشرقيه محتاجه مساعدتكم
جزاكم الله كل خير والله يعطيكم الف الف الف عااافيه وربي ساعدتوني كثيييييييير
الله يوفقكم ياااارب ويحقق لكم كل اللي تبونه :praying: |
رد: تكفوون انا من الرياض وبنقل للشرقيه محتاجه مساعدتكم
طيب بسألكم وادري ثقلتها عليكم
بس بعرف كلية التربيه بالجبيل حكوميه ؟ وعلى كم تقبل النسب رياض اطفال ؟ |
رد: تكفوون انا من الرياض وبنقل للشرقيه محتاجه مساعدتكم
لا ثقلتيــها ولا شي الله يهديــكـ :119:
كلية التربية للبنات بالجبيــل حكومية .. ومن كليات جامعة الملك فيصل ورياض اطفال يطلبون من 85 وفوق بالتوفيــق |
رد: تكفوون انا من الرياض وبنقل للشرقيه محتاجه مساعدتكم
اذا حابه تسجلي بجامعة الأمير محمد بن فهد
وهي من أقوى الجامعات الأهليه و أرقاها وشهادتها قويه جداً وتخصصاتها جميله جدا ومتنوعه السالفه اللي أحب أوصلها لكي >> بدري :cheese: انو تقدري تقدمي على بعثه داخليه حكوميه لجامعة الأمير وتدفع لك الحكومه تقريبا 40 ألف من الرسوم يعني بصراحه عرض خيالي :o3: وحياكي يا حلوه في الشرقيه وبياكي بيتك ومطرحك نورتينا :119: بالتوفيق :praying: |
رد: تكفوون انا من الرياض وبنقل للشرقيه محتاجه مساعدتكم
الله يوفقكم ويسعدكم قوولووو امييييييييين
وربي ريحتووني الله يريحكم ان شاء الله والله يبعد الضيق والهموم عنكم مثل مافرجتو ضيقتي وهمي الندى : هاذا من طيب اصلك يالغاليه والله يحيك ولي الشرف اجي عند ناس مثل بياض وطيبت قلوبكم :bye: |
رد: تكفوون انا من الرياض وبنقل للشرقيه محتاجه مساعدتكم
طيب سؤال يقولون الاوليه لسكان الجبيل وماراح اقدر ادخل الا بحب الخشوم << على قولة صديقتي :cheese:
ابي اسأل اذا تعرفون احد من سكان الدمام ودخلها :( وللمعلوميه خالي من سكان الجبيل يعني فيه امل والله تحطمت :bawling: ادري اسألتي كثيره بس اعذروني وربي ماعرف شي :000: وانا اخاف اني اجيب العيد بإختبار القدرات يعني لو كان مجموعي 80 فيه امل اددخل الترم الثاني ؟ وعلى فكره نسبتي بثاني 84 وثالث 99 |
رد: تكفوون انا من الرياض وبنقل للشرقيه محتاجه مساعدتكم
تقبل على حسب المتقدمين...
|
| All times are GMT +3. الوقت الآن حسب توقيت السعودية: 05:27 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام