ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   إدارة أعمال 1 (https://vb.ckfu.org/forumdisplay.php?f=310)
-   -   معاناه + مشورة + تفائل (https://vb.ckfu.org/showthread.php?t=331781)

Thamerj 2012- 5- 16 01:04 PM
معاناه + مشورة + تفائل
 
السلام عليكم ..

يسعد مساكم .. بحكي لكم معاناتي اليوم ..

بالامس جاني ارق يهودي عجزت انام الليل ولا كسبت وقتي في المذاكرة
ماغمضت عيني الا ست ونص الصباح .. تسع ونص دقوا الدوام احضر فوراً

انا في العمل الان وبطلع من الدوام للاختبار بحكم بعد المسافة بين البيت ومركز الاختبار ..
المصيبه .. شتت ذهني هالعمل .. التركيز زيرو بسبب النوم .. وامس وقفت عند المحاضره
السادسة ..

أتمنى نصيحه منكم استعيد فيها لو جزء من تركيزي .. ؟

وسبب طرحي للموضوع الرئيسي .. هو أني اقولكم بمشيئة الله رغم هالحوسه
أبعدي الماده وبتعدونها معي .. ماهي صعبة .. الدكتور أفضل من دكتور العام ..

وهذا بشهادة طلاب الترم الاول !

تفائلوا .. وخففوا من كمية السلبيه في ردودكم

وشكراً

امولة المكافحة 2012- 5- 16 01:11 PM
رد: معاناه + مشورة + تفائل
 
واللة منت بلحالك محيوس حتى انا ارهاق وتعب والاجازة من الدوام اليوم الي علي اختبار بس اغيب انا حملت المادة على اربع درجات حسبي عليهم والحين صدق ماشاء اللة الدكتور حاذف اشياء واجد لا ان ملحس مخي من عارفة اذاكر من وين وكيف ماغير احفظ طراطيش الاسيلة مهمة من المنتدى وربي لولا هالمنتدى كان رحت فية لاوكل شوي الكهرب طافي حالة قشرة ارجع انام واذا اشتغل ارجع ادرس هههههه كاني قلت قصة حياتي عموما اللة يوفق الجميع ولايضيع تعب احد يارب :Cry111:

Thamerj 2012- 5- 16 01:15 PM
رد: معاناه + مشورة + تفائل
 
باذن الله بتعدين الماده اليوم ..

ووعدنا هنا بعد الاختبار بمشئية الله

خواطر إنسانه 2012- 5- 16 01:15 PM
رد: معاناه + مشورة + تفائل
 
اذا عملك مكتبي حاول ع الاقل تقرا المحتوى وشوف اسئله السنوات الماضيه وشوف الاخوان مايقصرون كل شي سألوا عنه وكل شي مشروح
تصفح مواضيع واكسب لك كم معلومه

مستجد1 2012- 5- 16 01:15 PM
رد: معاناه + مشورة + تفائل
 
لاتشكي لي اشكيلك :060:

كلنا في الهوا سوا اقول الله يعديها على خير وان شاء الله نعديها

اتمنى التوفيق للجميع

Thamerj 2012- 5- 16 01:28 PM
رد: معاناه + مشورة + تفائل
 
اقتباس:
المشاركة الأصلية كتبت بواسطة مستجد1 (المشاركة 6481384)
لاتشكي لي اشكيلك :060:

كلنا في الهوا سوا اقول الله يعديها على خير وان شاء الله نعديها

اتمنى التوفيق للجميع
هههههههههههه اجل الوضع مطنبح .. !
الا من بدت المحاضرات كنا راقدين وتونا نصحى !!

يالله التوفيق للجميع ..
اقتباس:
المشاركة الأصلية كتبت بواسطة خواطر إنسانه (المشاركة 6481372)
اذا عملك مكتبي حاول ع الاقل تقرا المحتوى وشوف اسئله السنوات الماضيه وشوف الاخوان مايقصرون كل شي سألوا عنه وكل شي مشروح
تصفح مواضيع واكسب لك كم معلومه
انا جايب الاي باد معاي وفيه باقي المحاضرات .. بس العوق الذهن مشتت
زميلي اللي يقوم بنفس عملي ايضاً عنده اختبارات وغير موجود
بس جالس حاول اوفق وبقدر باذن الله

















الا للحين محد شار لي بشيٍ ينشط الذاكرة ويرجع التركيز

اللي حولي قابل ابشر بها وطلع شيٍ من مخباه :mh12:

ابي شي اسلامي ماله عواقب وخيمة:53:


All times are GMT +3. الوقت الآن حسب توقيت السعودية: 06:10 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه