أصدر الممثل وطالب إدارة الاعمال الإنتساب المستوى الاول في / عبدالله الناصر جامعة الملك فيصل بالأحساء أبيات خفيفه موجهه الى إدارة الجامعة , حيث بين في خلالها عن مشاكل البلاك بورد والتعطيل المستمر له وظلم الجامعة لطلابها ومشاكل اخرى .


آلقصيدة :

تسير بفكري هموم وهواجيس وأحلام
بنيتها في مستقبل لي أشك انه اوهام

دخلت الظلم من وين من أوسع الأبواب
لقيت الظلم واعتقدت انه كله سراب

تجرعت الحزن والظلم وضاق الحال
كيف أفرح لجامعة حبها جمع الاموال

كني طفل بدا حلمه على طير صقار
يسابق هنوف الود ويفرح بالإنتشار

كثير يتعب وكثير معنا من الضمان
وناس ما تدري وش هي نواياها

كتبت حرف القصيد لأني ندمان
دخلت جامعة أشك بعقلية إنسان

البلاك عطلان قالها عبدالله العميد
وحنا ضعنا بين محمود واحمد وسعيد

نظام عادل لا لا فعلا نظام إستهتار
لا شكله بالفعل بقلوب الطلاب إستحقار

لا تبكين يالعطالة تراني صاحبك ولهان
مثل ما للخير أهل ترا للشر فعلا أخوان

تظلمنا والظلم ساس البلاء وش صار
تعطيل وتأخير والفلوس صارت للتجار

يا جامعة فيصل ترانا اباء وشيبان
عاونينا جعل ربي يعاونكم يا منان

لا تلومين لا نسحب أعداد واعداد
لانك قتلتي امل هالأيتام والاحفاد

قيلت لا فات الفوت ما ينفع الصوت
والصوت مبحوح من الوجع والسكوت

قلتها من اول وزادت فيني عاده
ذقت الظلم والقهر أقولها وأنا عبدالله


ملآحظة :

الصورة للممثل عبدالله الناصر في قناة الدانة الفضائية مع الإعلامي والمذيع خالد اليمني

فيها مبالغه كثيرررررر

وفعلاً لو فيها ضلم ما خذو العالم معدلات فوق ال 4

لو يدرس في جامعة الملك عبد العزيز عرف انه بخير ونعمه
ومع احترامي للطالب من اللي خلاه هو الطالب الممثل لطلاب المستوى الأول تعليم عن بعد ؟؟؟؟؟ ومن عطاه الصلاحيه انه يطلع ويتكلم عنا
وبعدين القصيده اللي كاتبها مضروبه لا قافيه ولا وزن انواع الكسور

بالتوفيق لجامعة الملك فيصل واقولها دايم فعلاً جامعه راقيه
هذي وجة نظري

يـــالادمـــي هـــــــرج الــقــفـــا لا يـــكــــدرك
خـــل الـــردي فـــي هـرجـتــه لا يـلـهـيـك
الـذم مـن بعـض العـرب مـا يصـغـرك
والمدح مـن بعـض العـرب مـا يعليـك
وان صرت رافع هامتك في مخابرك
هــرج القـفـا عــن هامـتـك مــا يوطـيـك
وان زان منـطـوقـك وزيــنــت خــاطــرك
تثنـي عليـك النـاس لا جيـب طاريـك
وان طاب ذكرك كل الاجواد تذكـرك
وليـا حضرهـم صاحـبـك يفتـخـر فـيـك
نـصــايــحٍ سـطـرتـهــا لـــجـــل ابـــصّـــرك
وصيت من قبلك بهـا وانـت اوصيـك
والــعــلـــم يــهــديـــك الـســبــيــل ويـــنــــورك
ولا الجـهـل يحـجـب سبـيـلـك ويعـمـيـك
والحلـم عـن بـعـض المشـاكـل يكـبـرك
والخوض في بعض المشاكـل يدّنيـك
مــــد الـنـظــر حــتـــى يـقّــديــك نــاظـــرك
قـصــر الـنـظـر يــالادمــي مــــا يـقّـديــك
واذا تــبـــي هـــــرج الـقــفــا مـــــا يــكـــدرك
فالحلـم عـن بـعـض المشـاكـل يكفـيـك

،
،
،

تراه رافعن ضغطي , صدز ابي جوواب على سؤالي
من اللي أذن له او صرح له انه يتكلم على لسانا ؟
انا بالنسبه لي لازم اعرف من سمح له يتكلم ؟ ان كانه بيتبهرج اعلامياً الله يصلحه يدور شي ثاني
وان كان المذيع يعرفه ومتوسطه عشان يرزه في ذا القناة الشرهه مهيب عليه ولا على المذيع
الدعوه سايبه ولا موب كلن من بغى فتح اثمه وقام يبربر

ما اقول الا الله يذكرك بالخير يابوي ويطول بعمرك
قد حجرني في زاويه عقب الفطور في رمضان والله اني اذكرها تسنها امس
قال ياوليدي
الرجال وهم ساكتين كلهم واحد وكلهم رجال , بس اذا حتسو عرفت من فيهم الرجال

اقسم قسم ثلاث ايمان بالله العظيم
الهرج من طبع الردي والطيب من طيب الخصال