ملتقى طلاب وطالبات جامعة الملك فيصل,جامعة الدمام

- إدارة أعمال 6 (https://vb.ckfu.org/forumdisplay.php?f=364)

- - مشورتكم تكفون (https://vb.ckfu.org/showthread.php?t=358510)

مشورتكم تكفون

طمنوني انا اخذت مادة ادارة الاعمال الدوليه وادارة العمليات
من مستوى خامس
واخذت معهم السلوك التنظيمي وادارة الموارد البشريه ومهارات اتصال وصحه ولياقه ورياضيات 2
الدكاتره مكتوبين عندي اذا ماتغيرو كالتالي
ادارة العمليات دكتورها مكتوب انه اسمه عيسى جديد علي طبعا
ودكتور ادارة الموارد البشريه الدوغان :Cry111: يلخبط اوم السالفه يلحس المخ لحس بالتحوير واسلوبه بالاسئله
السلوك التنظيمي مكتوب اسمك الدكتور مدري وشو سملالي :biggrin: المهم اني ماعرفت اقرا الاسم يحضيه مدري ياحظكم اللي يجي
وادارة الاعمال الدوليه دكتورها احمد بلالي وبيعطيني بعد مهارات الاتصال مادتين له عندي
وحق الرياضيات السوداني مايهم والصحه مدري منهو نسيت اقراه لكم بس مايهم بعد

خايفه من الدوغان مع اني جبت معدل بس طريقة اسئله مو شي ابداااا يحب الحوسه
وماجربت سملالي ولا بلالي
انتو جربتو وبتعلموني ان شاء الله :(204)::wink::biggrin:

طبعا انا اخذت هالمواد العبيطه حبيت انها تفيدني كـ مسميات لما اخذ سجلي الاكاديمي بعد كل مستوى واتقدم لوظائف بيساعدني كمسمى بالتوظيف مع شهادتي البكالريوس السابقه :sm1:( الرياضيات المشؤمه اللي ماوظفتني 5 سنين انتظر )
راح استفيد منكم كثير

كتبت موضوعي بهالمستوى لاني اخذت من مواد مستوى خامس ادارة الاعمال الدوليه و ادارة العمليات فتوقعت انه اغلبية موادي مرت عليكم بالمستوى اللي قبل

بس ابيكم تعطوني رايكم بوجهة نظري وبموادي

شورو علي اخواني وخواتي هل بقدر وهل جدولي كويس وهل موادي مهيب شينه :060:
طبعا عندي الرياضيات 2 والصحه واللياقه بيكونون بيوم واحد وماعندي مشكله بالاثنين
خاصه اني خريجة رياضيات مابهتم بالرياضيات كماده
فلاتحطون لهالمادتين اي اعتبار كنهم مو موجودات

انتظر ردودكم عسى فالي وفالكم الــ A+
يااارب

رد: مشورتكم تكفون

كل هالمواد لا تشيلين همهم

سهلات وحتى لو كانوا بمادة ثانيه معهم

توكلي على الله وخذي اللي تبي

والافضل تمشي على نفس المواد المقررة لك

موفقه خير

رد: مشورتكم تكفون

الدوغان بالعكس اسئلته حلوة :004:

العمليات يبي له شوي ويفضل تأخذين قبله مواد لأنه فيه منها وبيسهل عليك :004:

موفقة

رد: مشورتكم تكفون

اقتباس:

المشاركة الأصلية كتبت بواسطة alali (المشاركة 7039237)

تسلم ربي يسعد قلبك عالرد ويوفقك ويكتب لك كل خير

اقتباس:

المشاركة الأصلية كتبت بواسطة صَمْتّ مُؤْلِمْ (المشاركة 7039637)

الدوغان بالعكس اسئلته حلوة :004:

العمليات يبي له شوي ويفضل تأخذين قبله مواد لأنه فيه منها وبيسهل عليك :004:

موفقة

هلا بك ياصمت
كنت انتظر ردك واتمنى ان احظى برد منك :004:

صمت يعني تنصحيني الغي مادة ادارة العمليات
شكلي راح احط بدالها ماده عامه لاني قررت ماعادل مواد عشان استوفي شروط مرتبة الشرف
او تنصحيني بتخصص بداله مثلا احط محاسبه2 لاني مااخذتها ؟! :004:

رد: مشورتكم تكفون

اعتمدت اللغه الانجليزيه بدال ادارة العمليات
حلوه وسهله وراح تساعدني بالمعدل وتكون عندي ماده ثالثه سهله او بالاحرى رابعه ترفع معدلي ويكون المواد اللي عندي دسمه ويبي لها 3 مواد
ادارة الموارد البشريه وادارة الاعمال الدوليه والسلوك التنظيمي

والبقيه ان شاء الله انها سهله

شكرا كثير لكل اللي ردو علي وشارو علي
وشكرا اختي صمت :004:

يسعد قلبك ياارب

ربي يوفقكم جميعا

رد: مشورتكم تكفون

بالنسبة لمرتبة الشرف والمعادلة

اقتباس:

المادة الثلاثون:

تمنح مرتبة الشرف الأولى للطالب الحاصل على معدل تراكمي من (4.75) إلى (5.00) من (5.00) أو من (3.75) إلى (4.00) من (4.00) عند التخرج، وتمنح مرتبة الشرف الثانية للطالب الحاصل على معدل تراكمي من (4.25) إلى أقل من (4.75) من (5.00) أو من (3.25) إلى أقل من (3.75) من (4.00) عند التخرج.
ويشترط للحصول على مرتبة الشرف الأولى أو الثانية ما يلي:
أ- ألا يكون الطالب قد رسب في أي مقرر درسه في الجامعة أو في جامعة أخرى.
ب- أن يكون الطالب قد أكمل متطلبات التخرج في مدة أقصاها متوسط المدة بين الحد الأدنى والحد الأقصى للبقاء في كليته.
جـ- أن يكون الطالب قد درس في الجامعة التي سيتخرج منها ما لا يقل عن (60%) من متطلبات التخرج.

متأكدة من كلامك ؟

إذا مو متأكده اتصلي استفسري

الهاتف المجاني
8003030308
من 8 صباحا حتى 2 ظهرا
دوام رمضان: 10 صباحا - 3 ظهرا

__________

حلو اختيارك للـ e

موفقة يارب :004:

رد: مشورتكم تكفون

مافي مواد سهلة و مواد صعبة إن شاء الله كل شيء بتمشين فيه

بس ما أنصحك تاخذين من مستويات متقدمة إلا لو اضطريتِ خذي من المستوى اللي بعدك بس
خذي كل مواد مستوى ثاني و أجلي بس مادة واحدة الإنجليزي أو الصحة و اللياقة
المحاسبة ٢ خذيها لأن وراك محاسبة تكاليف بمستوى ثالث إن شاء الله
و الدولية ليه ناخذينها من الآن الأفضل تدرسين قبلها إدارة مالية
إدارة العمليات المفروض تدرسين قبلها الأساليب الكمية

الله يوفقك يارب

رد: مشورتكم تكفون

اقتباس:

المشاركة الأصلية كتبت بواسطة صَمْتّ مُؤْلِمْ (المشاركة 7040149)

بالنسبة لمرتبة الشرف والمعادلة

متأكدة من كلامك ؟

إذا مو متأكده اتصلي استفسري

الهاتف المجاني
8003030308
من 8 صباحا حتى 2 ظهرا
دوام رمضان: 10 صباحا - 3 ظهرا

__________

حلو اختيارك للـ e

موفقة يارب :004:

اقتباس:

جـ- أن يكون الطالب قد درس في الجامعة التي سيتخرج منها ما لا يقل عن (60%) من متطلبات التخرج.

هذا اللي انا اقصده
يعني لما اخرج بتنخصم مني الساعات اللي عادلتها وربما انها تكون تعادل اكثر من 40%
عشان كذا انا خفت اعادل وتكون معادلتي تفوق الـ 40% وتروح علي مرتبة الشرف

فهمتي قصدي الان
رغم اني درست في جامعة الملك فيصل التخصص السابق وتخرجت منها بتخصص الرياضيات
بس اخاف يعتبرونها كلية التربيه وهذا كلية ادارة الاعمال

عالعموم بستفسر من الجامعه نفسهم اذا الموضوع فيه اشكاليات لاني انا درست انجليزي وصحه وعقيده فحرام ارجع من جديد ادرسهم

رد: مشورتكم تكفون

شكراً غدو :004:

شكراً صمت مؤلم :004:

اسعدني حظوركم هنآ :106:

رد: مشورتكم تكفون

اذن الان غيرت بالجدول واصبح جدولي كالتالي

الخميس
سلوك تنظيمي

السبت
مهارات اتصال

الأحد
e

الخميس
مباديء اقتصاد كلي :004::004:

السبت
اداره ماليه

الأحد
مباديء رياضيات 2 + صحه ولياقه

بدلت ادارة الاعمال الدوليه بالاداره الماليه زي ماذكرتو لي انها تساعدني وتفيدني اني اخذ الماليه 1 و2 قبل الاعمال الدوليه
واضظريت اني اغير بالجدول واضيف الاقتصاد الكلي بدال ادارة الموارد البشريه