|
اهمال اكاديمية الاحساء لطالبها.....
السلام عليكم ورحمة الله وبركاته بدون اي مقدمات راح ادخل لكم على الموضوع... انا طالب في اكاديمية الاحساء بنين تخصصي فني تخدير هذا السمستر الثالث لي بالأكاديمية وكل سمستر تطلع فيه فضايح الاكاديمية وبقووووووة السمستر الاول تم تسليمنا الكتب بعد شهرين من الدراسة بسبب عدم توفرها بالمملكة كل يوم يصورون لنا الدرس لين صار معنا اطنان من الاوراق السمستر الثاني تم تسليمنا الكتب بعد الدراسة بأسبوعين وهم السبب لاتوجد كتب قلنا ماعليه بنمشيها وتم تغيير الدكاتره لأسباب محد يدري عنها وجات الاختبارات النهائية واختبرنا وخلصنا وتم تسليم النتائج لجميع التخصصات بالاكاديمية ماعدا التخدير وكل يوم بالاجازة الصيفية اتصل على الاكاديمية يقولون لي بأن البرنامج عطلان والى يومك هذا الموافق23-10-1433 لم يتم تسليمنا النتائج ونسألهم وعن السبب يقول لنا الوكيل انسوا انكم تشوفون المعدلات وبكل برود وانانية والاهل يبغون يعرفون معدلنا ولا طلع يفكرونا نكذب عليهم انو ما استلمنا النتائج والآن السمستر الثالث امس استلمنا الكتب بعد المعاناة ولا يوجد غير دكتور وااحد حق التخدير وعدد الطلاب38 طالب مجتمعين في قاعه كبيرة والفهم والاستيعاب قليل بسبب عدم وجود الفرصة الكافية للمحاورة مع الدكتور وازيدكم من الشعر البيت لايوجد معمل للتخدير بالاكاديمية يبقونا نروح معمل التمريض و طب الطوارئ والدكتور رفض واليوم معنا مادة تتكلم عن تحضير اجهزة التخدير لكن للأسف الدكتور يشرح في وادي والطلاب في وادي بسبب عدم وجود الاجهزة ومعرفة خصائصها واسمحولي اذا كثرت بالكلام بس لازم اقول اللي بقلبي لانو الساكت عن حقه شيطان اخرس واتمنى انكم تتفاعلون مع الموضوع بجدية ترى كل الطلاب عايشين جو دراسي موحش وبقوووووة نسألكم الدعاء والتوفيق:ايمن العلي |
رد: اهمال اكاديمية الاحساء لطالبها.....
لاحول ولا قوة الا بالله
الاداره فااااااااااااااااااااااشله انا عندي اسلوب نقاش ومحاوره بس لمن بنشكي :139: بنات غير عن الشباب انا لو اسوق :017: مسكت خط الرياض ووجهي للاداره العامه حقت الاكاديميه وقدمت شكوى نظام فاشل بكل شئ من كل نواحي سواء الاحساء او الدمام |
رد: اهمال اكاديمية الاحساء لطالبها.....
اليوم قلنا للدكتور بنروح نشتكي في الهيئة الصحية قال لنا مو من صالحكم لانو لو جات الهيئة وشافت عدم توفر شروط الدراسة راح تسكر التخصص وبنطلع احنا الخسرانين فا راح ننطر فترة ونشووف شنو الاوضاع تصير في الاكاديمية انا واحد تعبت ومليت اني اطارد ع كل حااجة بس للأسف لاحياة لمن تنادي
|
رد: اهمال اكاديمية الاحساء لطالبها.....
كل اللي صار معك صار معنا باستثناء النتايج
احنا ما استلمنا الكتب الا نهاية السمستر حتى دكاترتنا منقرضين مافي ولا دكتورة اناتومي على الله على باب كريم مالنا الا الصبر انتوا في الاحساء مثلنا في الدمام وانا اشوف الافضل ان تتقفل الاكادمية وحمدا لله اننا آخر دفعة غير كذـآ الغلط مو من ادارة الاكادمية فقط الغلط من الادارة العامة في الرياض ليش ماترسل مراقبين؟ الله يعين ويصبرنا اصبر ياخوي مو عشانهم عشان نفسك وشهادتك ووظيفتك تحياتي |
رد: اهمال اكاديمية الاحساء لطالبها.....
الله يكون بعونكم لآتستكون لهم يأخذون من الفلوس وعجزآنين يوفرون لكم مطآلبكم نصيحه لأأحد يسكت لأن بآلأخير آلأكاديميه هي آلربحآنه ويـآريت بيكون فيه وظآئف بعد مآتتخرجو إلآ تحطيم .. موفقيين خخير .. |
رد: اهمال اكاديمية الاحساء لطالبها.....
"عشقي تخدير"مو مشكلة احنا نصبر شهر وشهرين بس اما مايكون في استجابة من الاكاديمية لطلباتنا هذا شي ثاني يحسسونا انو احنا طلاب حالنا حال اللي بالشارع يدور مافي اهتمام مافي مسؤولية اكثر شي يدققون عليها الدفع لقسط الاكاديمية هذا ماينسونه ولا بعد يحطون لك ورقة على باب الكلاس يعني وين ومتروح بالاكاديمية تلاقي هالورقة لكن بصبر وبستحمل مو مشانهم لاوالله مشان مستقبلي
|
رد: اهمال اكاديمية الاحساء لطالبها.....
"ملكة الحزن" احنا من دخلنا الاكاديمية الى يومك هذا ما احس اني مرتاح الا كل يوم اقول الله يستر من الاخبار اللي اسمعها بالمنتدى عن مشاكل الاكاديمية وخصوصا الآن(فترة التدريب"الامتياز")هذي مشاكل فيها كثير لكن لاحياة لمن تنادي اخذ فلوسك وامشي لكن مع الايام معي تصرف آخر معااااهم هذي الاكاديمية الفاشله
|
| All times are GMT +3. الوقت الآن حسب توقيت السعودية: 02:31 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام