|
استفسار : هل شهاده الانتساب لها مستقبل وظيفي ؟
السلام عليكم
بصراحة مادري وش اقول كنت فرحانه بالقبول لا بطير من الفرح ومجهزه اوراقي برسلها للجامعه ولآ اليوم اروح لعزيمه واقول انا انقبلت في جامعة فيصل انتساب قال ايش ابي ابشرهم الا يصدموني بالخبر الي ضيق صدري بغيت اجلس ابكي في العزيمه :bawling:من القهر تبخرت احلامي انو الانتساب ماااااااااااله مستقبل ولا تقدري تتوظفي بها يعني 4 سنوات من التعب يعني وشلون ابطل منها بس :icon9: ياليت الي يعرف احد توظف بها يبلغني خاصه للبنات |
رد: يافرحه ماتمت وش ذا الحظ
برايك ان تبقين ع شهاده الثنويه افضل من شهاده انتساب من جامعه الفيصل ؟
ومن سنين البنات يتخرجون من الكليات بشهاده انتساب ومتوظفين باعلى المراتب منهم امي :004: وكثير بنات متخرجين جديد من الانتساب العادي وموظفات وانتي عارفه شهاده الانتساب المطور اقوا من العادي :106: |
رد: يافرحه ماتمت وش ذا الحظ
اقول بنات جماعتك م عندهن سالفه يبونك مكانك سر :)
لو فيهم خير باركولك وشجعوك مهو يحبطونك ويحومون تسبدك وشكلك من الغبنه م تعشيتي :) بغض النظر عن الوظيفه يكفي انو معك شهاده جامعيه وم تقلين عن غيرك ابد ابد اجل البزارين اللي توهم طالعين جامعين وانتي ملحطه ب شهادة الثانوي :) وبعدين كثير عالم انتظام وتعبو وكرفو وفوق هذا م توظفو سنين للحين الوظيفه توفيق ورزق من الله وتسخير واذا لك حظ لاتخافين :) بعدين الدول اللي برا منذو مبطي متبعين نظام التعليم عن بعد وعادي والحين العالم تطور واول الخير شهادة الجامعه الالتكرونيه معتمده وهي تعليم عن بعد ام فيصل قريت انوه معتمده بس ب الوظايف التعليميه لا وعموما الواحد يدرس ويكمل من باب العلم مهو الوظايف :) |
رد: يافرحه ماتمت وش ذا الحظ
معك حق سعوديات :53:
الشهاده تزيد منك ماتنقص منك والدراسه دايم تكون لطلب العلم بس الوظيفه دايم اقول نصيب وماعليك من كلام البنات اللي مايودي ولا يجيب والله يوفقك :060: |
رد: يافرحه ماتمت وش ذا الحظ
اوك اجلسي بالبيت
بعد اربع سنين شوفي نفسك قبل اربع سنين وش سويتي هل عملتي الأسباب !!! ياحبيبي الغيوم عندما تناظر لها فهي تمشي وانت الواقف!!!! الله يوفقك كملي |
رد: يافرحه ماتمت وش ذا الحظ
كملي الطريق الى انتي بتديتي فيه وربي يكتب لك الخير...
يكفي انو يكون معك شهاده جامعيه وتزيدين معلوماتك افضل من انك تجلسين بدون شهاده وبعدين تندمين على عمرك الى راح بدون لاتدرسين يابنت كملي فرحتك وخليك قويه وياجبل مايهزك رييح ....:rose: |
رد: يافرحه ماتمت وش ذا الحظ
:wink:شوفي اذا على الناس ماراح يرضيهم شي لو ماكملتي بيقولون ليه ماكملتي ولو كملتي قالو مو معتمده انتي حطي في بالك انك ماتدرسين عشان الناس انتي تدرسين لنفسك وخلي عنك كلام الناس
خصوصا انو التعليم عن بعد راح يتقفل بعد 5 سنوات يعني قدامك فرصه لاتفوتينها وزي ماقالو اذا مو معتمده ليه فتحو الجامعه الاكترونيه انا من 12 سنه متخرجه وتوني اتحسف اني ماكملت الحين اللي مامعها بكالوريوس تعتبر اميه يكفي انك لماتتعرفين على احد اول شى يسألونك وش تخصصك مايقولون كملتي او لا يعني بالعربي انتي كملي عشان تريحين ضميرك وانا بالعكس متفائله يه الشهاده كثير وان شاء الله لما اخلص ابكمل ماستر يأذن الله والله يوفقني ويوفقك ويوفق الجمع |
رد: يافرحه ماتمت وش ذا الحظ
مآقصرررررو الي قبلي :004:
|
رد: يافرحه ماتمت وش ذا الحظ
من جد كلام الاعضاء صحيح ميه بالميه:rose:
الناس مايعجبهم العجب. اذا مادرستي قالو ليه و و و كأنك انسانه جاهله انا سراحه جابلي الهم كلام الناس :mad: لكن ولله الحمد انقبلت وراح اكمل مشواري التعليمي سوآء له مستقبل او ماله مستقبل. اهم شي ارضي ضميري وارضي نفسي. مو عشان الناس اللي أهمها بس تحطمك وتقلل من قدراتك مثل ماقالو اخواتي. توكلي على ربك واكملي دراستك :rose::004: والله يوفقنا جميعاا:106: |
رد: يافرحه ماتمت وش ذا الحظ
ماعليك منهم ولايهمونك ولاتتركين
السلبيات تاثر فيك فكري بمستقبلك واختاري الافضلـ اما تكون معك الشهادهـ الثانويه او انك تكونين جامعية ومعاك بكالوريوس والناس صدقيني الاغلب مايحبون لاحد الخيرر اذا ماكملتي بيقولون عنك فاشله ومامعك غير الثانوية واذا كملتي ماراح ترتاحين منهم صدقيني الشهادهـ الجامعية مهمممممممه واذا على الوظيفه ترا كثير متخرجين انتظاام ولاتوضفوا انتي خلي تفكيرك اكبررر من اللي يحطمونك استخيرررري وفكري زين ولاتضيعين هاالفرصه ترا تعبنا وصبرنا علشان يقبلوننا خصوصا الدفعه الثالثه يمكن لو انسحبتي ماتتاح لك الفرصه مرا ثانيه باالنسبه لي الوضيفه اتمناها لاكن اتمنى اكثرر الشهادهـ الجامعية وباذن الله ربي يكتب اللي فيه الخيرر لو قررتي تكملين ابعدي عن اي احد يحاول يحبطك خليك متفائله وان شاء الله ربي يكتب لك اللي فيه الخيرر :rose::rose::rose::rose::rose: |
| All times are GMT +3. الوقت الآن حسب توقيت السعودية: 06:45 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه