ملتقى طلاب وطالبات جامعة الملك فيصل,جامعة الدمام

- - كيف اسدد عن طريق البنك العربي (https://vb.ckfu.org/showthread.php?t=392152)

كيف اسدد عن طريق البنك العربي

السلام عليكم ورحمة الله وبركاته ..

انا مسجله للترم الثاني والحمدلله قبلوني .. بس ماعرفت كيف اسدد عن طريق الانترنت
البنك العربي حاولت اتبع خطوات الي مسوينها من بنوك ثانيه بس مايطلع معي اني لازم ادخل الرقم الجامعي

ممكن احد يعلمني جزاكم الله كل خير

رد: كيف اسدد عن طريق البنك العربي

هلابك اخت رهام

الطريقة سهلة جداً بس يبيلها تركيز شوي

راح أشرحها على شكل نقاط وأن شاء الله توصل الفكرة

بعد دخولك على حسابك بالبنك راح تحصلين القائمة على جهه اليمين من ضمنها كلمة ( فواتير الخدمات )

بعد الضغط على ( فواتير الخدمات ) راح تطلع لك قائمة منسدلة ومن ضمنها كلمة ( إضافة/حذف )

بعد الضغط على ( إضافة/حذف ) راح تفتح لك صفحة تكون فيها جميع حساباتك سواء تلفون , كهرباء , وغيرة راح تحصلين تحت مجموعة ايقونات من ضمنها ( إضافة ) أضغطي عليها وراح تفتح معك قائمة ( إدخال معلومات السداد ) راح تكون فيها المعلومات اللي تسجلينها لحساب الجامعة وهي كالتالي :

1- النوع (مفوتر - مسبقة الدفع) تختارين أي واحد فيهم
2- ( الشركة ) بعد الضغط على السهم بجانب المستطيل راح تطلع لك جميع الشركات وتختارين ( جامعة الملك فيصل )
3- ( رقم المشترك ) هنا تحطين الرقم الجامعي
4- ( الأسم المختصر ) هنا تحطين أي أسم تحبين

بعد كذا تضغطين على متابعة وبعدها راح تجيك صفحة التأكيد من تضغطين على تأكيد راح يوصلك رمز التوثيق على رقم الجوال المسجل بحسابك بالنت المصرفي.

حالياً أنتي أضفتي حساب الجامعة على حسابك وتقدرين تسددين بأي وقت بس الخطوة الأخيرة هي تفعيل الحساب وهي تختارين ( جامعة الملك فيصل ) راح يكون موجود بعد الأضافة وتضغطين على كلمة ( Activate Now ) راح تجيك عملية التأكيد راح توصلك رسالة على الجوال المسجل مثل الطريقة السابقة.

بعد ماتأكدين العملية راح يطلع لك ( لقد تم تفعيل المستفيد بنجاح ) بكذا يكون الحساب تفعل معك , وتقدرين تتأكدين بالرجوع إلى ( إضافة/حذف ) وراح تحصلين الحساب موجود

أتمنى يكون الشرح واضح

:)

رد: كيف اسدد عن طريق البنك العربي

الله يوفقك اخ خالد ماقصرت انا سويت كل الخطوات بس رقم الاشتراك قالوا انه نحط 118
وانت تقول احط رقمي الجامعي ؟

رد: كيف اسدد عن طريق البنك العربي

هلابك أختي

188 هو رمز الجامعة بجميع البنوك يكون واضح الرمز مع اسم الجامعه بس
ببنك العربي للأسف مو ظاهر مع المسمى وهذا كلام موظف البنك الخاص بخدمة العربي نت

رقم الأشتراك = الرقم الجامعي

بعد ما تختارين بخانة الشركة الجامعة بيكون رقم الأشتراك هو رقمك الجامعي

الأفضل لك تختارين مفوتر بخانة النوع لأن كل ماجاء وقت التسديد يبين لك كم قيمة السداد
بس ماراح تتفعل معك إلا اذا الجامعة فعلت حسابات الطلاب الجدد

رد: كيف اسدد عن طريق البنك العربي

مشكور ماقصرت الله يجزاك خير
الحين بحاول ان شاءالله يتسدد :2:

رد: كيف اسدد عن طريق البنك العربي

شوف وش يكتبلي سويت نفس خطواتك والمبلغ انا كتبته مانحط من نفسه

http://im13.gulfup.com/n91W1.png

رد: كيف اسدد عن طريق البنك العربي

ياربي ماحد يعرف ايش المشكله يساعدني فيها ..؟

رد: كيف اسدد عن طريق البنك العربي

السلام عليكم

في لك بدال الحل حلين

الأول: تتصلين على الرقم المجاني للبنك العربي 8001244040 و/أو الرقم المجاني للجامعة 8003030308 وتتفاهمين معاهم.

الثاني : السداد عن طريق بنك ثاني (مثل بنك الأهلي عن طريق الصراف حق الأيداع تختارين خدمة سداد و معك كاش وتودعين ) بس يبيلك تتأكدين من سلامة هذه الطريقة من الجامعة عن طريق الرقم المجاني

و الله ييسر أمورنا و امورك،،،،،،،

رد: كيف اسدد عن طريق البنك العربي

اقتباس:

المشاركة الأصلية كتبت بواسطة رهام الغلا (المشاركة 7607537)

شوف وش يكتبلي سويت نفس خطواتك والمبلغ انا كتبته مانحط من نفسه

اقتباس:

المشاركة الأصلية كتبت بواسطة رهام الغلا (المشاركة 7607537)

http://im13.gulfup.com/n91w1.png

هلا أختي

المشكلة هذي تصير معك إذا كنت حاطه الفاتوره مسبقة الدفع
كل ماعليك تسوينه انك تخلين الفاتوره مفوتره وراح يطلع لك المبلغ ضمن المدفوعات وتقدرين تسددين بعدها

من خانه اضافه\حذف احذفي مسبقة الدفع وسوي الاعدادات من جديد واختاري نوع الفاتوره مفوتره وراح تضبط معك ان شاء الله

رد: كيف اسدد عن طريق البنك العربي

كلمت البنك طلعت المشكله من عندهم لاغيين رقمي السري
ولازم احط رقم من جديد وانا ماعندي خبر