|
طريقة الانسحاب عن الجامعه
السلام عليكم
كيف الحال يا اخوان ويا اخوات بصراحه جتني عقده نفسيه من ذي الجامعه ولا ني فاهم شي بالذات من هذا المستوى المستوى الثاني الرياضيات ماده تافهه و الدكتور الطاهر ابراهيم ما افهم منه شي وكذلك المواد ما ادري وش تبي والسستم حق الجامعه لحد الحين ما حملت ولا محاضره من التعليم الافتراضي حسافه شديت حيلي المستوى الاول وجبت معدل 4.3 الرياضيات المستوى الاول صعبه حيل بس اخذت الدرجه الكامله عند الدكتور حنفي الله يوفقه اما الحين جاتني عقده نفسيه من ذي الجامعه وناوي افصل رجاء كيف طريقة الانسحاب افيدوني تكفون |
رد: طريقة الانسحاب عن الجامعه
ياخوي اذكر الله وش له تفصل
اذا مشكلتك الرياضيات بس باذن الله محلوله لازم تواجه لك مصاعب في حياتك كون اقوى منها واما المحاضرات ادخل وقت الفجر يكون الظغط قليل |
رد: طريقة الانسحاب عن الجامعه
ياخوي اذكر الله وش له تفصل
اذا مشكلتك الرياضيات بس باذن الله محلوله لازم تواجه لك مصاعب في حياتك كون اقوى منها واما المحاضرات ادخل وقت الفجر يكون الظغط قليل |
رد: طريقة الانسحاب عن الجامعه
انت موظف اكيد
|
رد: طريقة الانسحاب عن الجامعه
حرامك عليك معدلك وطموحك يرووووووووووووح في رمشت عين ( السنين تمشي والله )
مددو فترة البلاك الى 7-2 ،، كل يوم ماده اخلص يمديك براحه اسال عن كل شيء الا طريقة الانسحاب ماحنا معلمينك فيها :14: |
رد: طريقة الانسحاب عن الجامعه
انا مو مشكلتي رياضيات بس مليت من ذي الجامعه المقرفه بصراحه قرف الجامعه ذي
الله يخليكم كيف طريقة الانسحاب |
رد: طريقة الانسحاب عن الجامعه
اهلاوي اخوي كلنا نمر بظروف صعبه وكلنا نحس انوه نفسيتنا زفت مااقولك انا نفسيتي زفت كثير هذا السمستر
بس هذا مايعني انوه انسحب لا وبعد مابذلت مجهودبسمستر الاول اجي الحين انسحب ليش .؟! ليش درست وانت تبي تنكسر من اول صعوبه تواجهك.!؟ لاتخلي الاوضاع تاثر عليك خليك اقوى من كل شي بنسبه لتحميل تقدر تحمل نسخه الجوال بسرعه تتحمل وبتقي عندك وقت ممكن تخلي اي احد يقرب لك يحمل لك وانت تذاكر كل شي بيصعب عليك راح تلاقي ناس هنا تساعدك وهذا الشي انت تعرفه عن هالملتقى من السمستر الاول تكميل دراستك يحقق ذاتك قبل كل شي قبل الوظيفه قبل كل شي انت ماودك بشهاده ماتحلم فيها ماهي هدفك ليش تضعف من اول صعوبه كلنا نفس حالتك مااقولك مريت بحاله انوه اترك وكذا لاكن الاصحاب المحفزين هم الي ساعدوني انوه اتمسك باحلامي واهدافي بدراسه هذي لازلت مهمله بعض الشي لاكن حتى لو حملت راح اكمل السقوط يعلم كيفيه الوقف من جديد وتفادي الاخطاء اتمنى تواصل معناا اولا عشانك ثانيا عشان ماتتحسر على باقي حياتك لما تشوف احد من دفعتك مخلص وانت جالس كمل دامك بديت حتى لو حملت مره وثنين المهم تحقق ذاتك :2::2: |
رد: طريقة الانسحاب عن الجامعه
الحمد لله والشكر رجعت لعقلي وصوابي
والحمد لله انكم ما قلتو لي طريقة الانسحاب ولا كان انسحبت من زمان اشكر كل الاعضاء لي نصحوني وهذه حاله تجي اي واحد مهموم من الاختبارات والدوام والقلق انشاء الله اني ابذل قصار جهدي حتى لا يطيح معدلي الف شكر للاخوان مجودي وبحر العطا وجنوني والله يوفقكم دنيا واخره |
رد: طريقة الانسحاب عن الجامعه
:21:برافوا عليك ربي يوفقنا جميعا
|
رد: طريقة الانسحاب عن الجامعه
شد حيلك , فالك التوفيق من ربي
حنا قدها :17: |
| All times are GMT +3. الوقت الآن حسب توقيت السعودية: 05:53 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام