ملتقى طلاب وطالبات جامعة الملك فيصل,جامعة الدمام - أستفسار يا أخواني وأخواتي بخصوص المعدل وتأجيل بعض المواد

أستفسار يا أخواني وأخواتي بخصوص المعدل وتأجيل بعض المواد

بسم الله الرحمن الرحيم

السلام عليكم ورحمة الله وبركاته

صباح / مساء الخير

أنا عندي أستفسار يا أخواني وأخواتي وأريد أحد يفيدني فيها علشان أعرف وش أسوي .

الأول / أنا إدارة أعمال مستوى ثاني والمواد ألي كنت دارسها هذا المستوى صحة وللياقة وتقنية معلومات ( 1 ) ومادة من مستوى ثالث علشانها ساعة وحده ألي هي مهارات أتصال , ومادتين من مستوى أول لاني حملتها السمستر ألي راح ألي هي مبادىء رياضيات ( 1 ) ومبادىء محاسبة ( 1 ) ودرستها السمستر هذا ألي طلعت نتايجه أمس وحملتها مره ثانيه المادتيني هاذولي وأنا منقهر والله منهم مرتين أحملهن والثلاث المواد ألي هي الصحة والتقنية والمهارات نجحت فيها أستفساري هو هل أقدر أجل درست المادتين لمستويات أخرى يعني مستوى رابع أو خامس أو أخر مستوى وأضيف طبعنا في المستوى هذا مواد كثيره عدد ساعاته 12 ساعة بدون ما أضيف رياضيات ومحاسبة ( 2 ) لان ناس قالو لي لازم تدري واحد قبل اثنين علشان كذا أقول وإلا لازم أدرس الرياضيات والمحاسبة ( 1 ) ما أقدر أجلها ..

الثاني / أذكر السمستر ألي فات جبت معدل ضعيف الي هو كذا 1.70 وقالو لي من 2 وتحت ما تقدر تسجل الا 12 ساعة اقصى شيء علشان تقدر ترفع معدلك والحين معدلي 1.67 هل نفس الطريقة ما أقدر ألا 12 ساعة ..

الثالث / وش تقترحون علي في تسجيل المواد يعني المواد السهلة والي ترفع المعدل ..

أبي أحد يجاوب على أستفسارتي هاذولي علشان أعرف وش أسوي لان تسجيل المقررات بكره أن شاء الله الساعة 6 بس متى ينتهي التسجيل والتعديل وشكراً ..

رد: أستفسار يا أخواني وأخواتي بخصوص المعدل وتأجيل بعض المواد

يرفع الموضوع علشان تردون علي وشكراً ..

رد: أستفسار يا أخواني وأخواتي بخصوص المعدل وتأجيل بعض المواد

والله حنى انا مثلك مرررره تايهه بالجدول لاني حامله موااد واخاف اتاخر وماادري كيف اسوي ابغى احد يساعدني

بس احب اقولك تقدرين تسجلين اكثر والله الترم الماضي معدلي مثلك وسجلت 19 ساعه اخذت سبع مواد

كلهم قالو لي ماتقدرين لان معدلك نازل وسجلت وماقالو لي شي والله فعادي سجلي

رد: أستفسار يا أخواني وأخواتي بخصوص المعدل وتأجيل بعض المواد

اقتباس:

المشاركة الأصلية كتبت بواسطة أم مجودي (المشاركة 8123204)

مشكوره أختي أم مجودي على ردك علي ..

وفي أنتظار الباقين يردون علي ..

رد: أستفسار يا أخواني وأخواتي بخصوص المعدل وتأجيل بعض المواد

الافضل لك انك تخلص موادك الي حملتها وتضيف عليها مواد ثانيه

علشان ما تعطل نفسك لان رياضيات 1 مرتبطه برياضيات 2 والمحاسبه نفس الطريقه

تقدر تأجل لو انك حامل الانقليزي او العقيده او اي ماده ثانيه مالها متطلب سابق

رد: أستفسار يا أخواني وأخواتي بخصوص المعدل وتأجيل بعض المواد

شوف وأنا أخوك بالنسبة للإستفسار الأول :
تقدر تأجل دراسة المواد الي حملتهم لإي سمستر ماهنا خلاف وهو الأفضل لك عشان لما تنزلها
بعدين تكون نفسياً متهيأ لها . الحين لو نزلتها بتكون مثل الضغط النفسي حتى لو هي سهله

الإستفسار الثاني : عدد الساعات الي تنزلها مربوطه بالمعدل وإن كان معدلك تحت 2 ماتقدر تنزل إلا 12 ساعه ، وتقدر تراجع عدد الساعات في الموقع

الإستفسار الثالث : حآول إنك تنزل مواد سهله عشان ترفع معدلك هالترمين وعقب لا ارتفع معدلك وزانت أمورك بتمشي مع باقي الدراسة . وإنت لاتضغط عمرك بوقت محدد عشان تخلص من الجامعة لإن هذا لحالة ضغط عليك وعلى نفسيتك . أنا احكي إن كنت موظف وآمورك ماشيه والشهادة تبيها لتحسين وضعك الوظيفي .

آخر شي . فيه بعض المواد ماتقدر تنزلها إلا لما تخلص متطلباتها مثل رياضيات 2 ماتقدر تنزلها الا عقب ماتنجح من رياضيات 1 . والاقتصاد الكلي ماتقدر تنزله الا عقب الاقتصاد الجزئي ومحاسبة 2 ماتزلها الا عقب محاسبة 1 . والباقي ماهنا خلاف تقدر تنزله بأي سمستر

موفق:16:

رد: أستفسار يا أخواني وأخواتي بخصوص المعدل وتأجيل بعض المواد

:17:

اقتباس:

المشاركة الأصلية كتبت بواسطة زمآن الصمت (المشاركة 8123307)

أنا ودي أخلصها بس زي ما قلت لك حملتها مرتين ..

صحيح كلامك ..

طيب ما أقدر أجلها بدون ما أدرس رياضيات ومحاسبة 2 ..

مشكور أخي زمان الصمت على الرد ..

وفي أنتظار الباقية يردون علي ..

رد: أستفسار يا أخواني وأخواتي بخصوص المعدل وتأجيل بعض المواد

:42::42: فكرتك بنت معليش

بس احب اكرر ترى والله حاطين الشروط زينه اللي معدله كذا يسجل كذا انا بنفسي مسجله مرتين ومعدلي نازل

ووحده مثلي سجلت 19 ساعه ومعدلها واحد وشوي وماقالو شي

رد: أستفسار يا أخواني وأخواتي بخصوص المعدل وتأجيل بعض المواد

اقتباس:

المشاركة الأصلية كتبت بواسطة عبدالكريم مسند (المشاركة 8123389)

يعني الرياضيات والمحاسبة 1 أقدر أجلها أي سمستر مو شرط أدرسلها الحين وماني دارس رياضيات ومحاسبة 2 صح ..

حلو كلامك بس وش المواد السهلة الي تقترح أسجلها هالسمستر يعني 12 ساعة علشان أرفع معدلي وأبجل الرياضيات والمحاسبة 1 متى ما شفت جاء الوقت المناسب أدرسها درستها وأنا موظف كلامك صحيح أبي أحسن وضعي التعليمي والوظيفي ..

وين الموقع حق المعدل علشان أعرف كم ساعة أخذ ..

عارف أنا بس ألي أقصده أني أجل رياضيات ومحاسبة 1 وما أدرس هذا السمستر رياضيات ومحاسبة 2 بس يصلح والا لا ..

أبي مشروكم مواد سهلة لهذا الستمسر علشان أقدر أنجلح فيها وأرفع المعدل بعد ..

مشكور أخوي عبدالكريم مسند على رد على الموضوع ..

في أنتظار الباقية يردون علي ..

رد: أستفسار يا أخواني وأخواتي بخصوص المعدل وتأجيل بعض المواد

اقتباس:

المشاركة الأصلية كتبت بواسطة أم مجودي (المشاركة 8123431)

لا عادي يا أختي أم مجودي ما قلتي شيء غلط ..

أهاه ..

بس ولو المعدل ما راح يرتفع كذا ..

مشكوره أختي أم مجودي على الرد ..