![]() |
أبي ابكي من الضيقة وابعزف للهمـوم ألحـان
أبي ابكي من الضيقة وابعزف للهمـوم ألحـان أبي اطلق مواويل الحـزن واطـرح دواوينـي أبي أشكي أبي احكي ابوصف للبشـر حرمـان أبيهم كلهـم يـدرون أبيهـم يشعـروا فينـي أبي لا من طرى اسمي بكى من لوعتي شيبـان أبي لامن طرى"عاشق" ذكر من كـان يغلينـي أبيهم يذكرون أنـي بدمعـي صرتنـا غرقـان أبيهـم يعرفـون الهـم هوّ اللـي يخاويـنـي أبي أصرخ وأبلغهم وأقول أن الفـرح خـوّان يجي مرة معاي و هو بطـول العمـر ناسينـي أبي اترك لهم قصة وأخيّرهـم علـى العنـوان يسمّوا "حزن "يحطوا "دمع"أنا ما عـاد يعنينـي أبي لامن وصل صوتي يحس بضيقتي إنسـان أبي لامن نزف جرحي لقيـت اللـي يداوينـي أبي شخص يجي يمـي و يقفـل للعنـا بيبـان أبيه يكون لي خـلٍ علـى حزنـي يواسينـي أبيه لمركبي مرسى وأبيـه لغربتـي أوطـان أبي لامن ذرفـت الدمـع لينـه لـي يعزّينـي أنا ما أبيه يصبح ضلع أبيه يكون لـي ضلعـان أبي لا من مشيت وطحت حط يديه في يدينـي إلامن خانني التعبير أبيـه يكـون لـي لسـان أبي لامن سكتْ ألقاه .يفهم مـن نظـر عينـي أبي لا من تعبت وضقت لمّ الروح بالأحضـان أبيه يكون لـي كتـاب إذا ضاعـت عناوينـي أبي أعشق وأبي أغـرم وببنـي للهوى بنيـان أبيه يكون مبنى ضخم ويسكـن فيـه مغلينـي أبي واحد ويسكن بي وابطرد لأجلـه السكّـان أبي يسكن وسط قلبـي وعمـره مـا يخلينـي أبي أشعل شموع الحب وبأعطي من الغلا بستان أبـي أهديـه باقـة ورد ..مسقيهـا شرايينـي |
رد: أبي ابكي من الضيقة وابعزف للهمـوم ألحـان
صباح الخير
كما عودتنا ابو لين اختيار رائع جدا أبي واحد ويسكن بي وابطرد لأجلـه السكّـان أبي يسكن وسط قلبـي وعمـره مـا يخلينـي |
رد: أبي ابكي من الضيقة وابعزف للهمـوم ألحـان
صح لسانك ابو لين ....دائما صاحب ذائقة شعريه مميزه
لك كل الشكر:21: |
رد: أبي ابكي من الضيقة وابعزف للهمـوم ألحـان
صح لسانك ولسان قايلها كما عوتنا يا ابو لين ابداع في ابداع ربي يقويك |
رد: أبي ابكي من الضيقة وابعزف للهمـوم ألحـان
ليس بغريب لو وقفنا برهة نستشق مه هوائكم العليل وما حمل .... وليس بغريب لو طرنا بسحاب أنفاسكم...لجمال سماءكم وما حملت من سحاب حرف |
رد: أبي ابكي من الضيقة وابعزف للهمـوم ألحـان
أبي أشكي أبي احكي ابوصف للبشـر حرمـان أبيهم كلهـم يـدرون أبيهـم يشعـروا فينـي دائما مبدع عمو ابو لين :3: بس كافينا حزن نبغى ننسى:12: |
رد: أبي ابكي من الضيقة وابعزف للهمـوم ألحـان
صح السانك ولسان شاعرها
مبدع دايماً |
رد: أبي ابكي من الضيقة وابعزف للهمـوم ألحـان
،،
تعجبني ذائقتك الشعرية .. قصيده جميلة و مؤثره ذات احساس و جداني ،،، لاهنت ،،، :16: |
رد: أبي ابكي من الضيقة وابعزف للهمـوم ألحـان
اقتباس:
صباحك ورد الروعه بمرورك لا عدمناك ابدا :16: |
رد: أبي ابكي من الضيقة وابعزف للهمـوم ألحـان
اقتباس:
صح بدنك الاميز بأطلالتك ومروك لا خلا ولا عدم :16: |
All times are GMT +3. الوقت الآن حسب توقيت السعودية: 03:38 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام