ملتقى طلاب وطالبات جامعة الملك فيصل,جامعة الدمام - مايستريح الخافق الي دايم الشوق يحداه

- قسم المحذوفات و المواضيع المكررة (https://vb.ckfu.org/forumdisplay.php?f=33)

- - مايستريح الخافق الي دايم الشوق يحداه (https://vb.ckfu.org/showthread.php?t=463331)

مايستريح الخافق الي دايم الشوق يحداه

مايستريح الخافق الي دايم الشوق يحداه
لـو ينشـرح صـدره بـدون انذار لا بده يضيق

ينبيك عـن حزنه تنهاده قـبل ينطق حـكـاه
ومـقاوم العبره بحلقه فـالزفير وفـالشهيق

والدمعه الــي تحرج الرجال ماعنها غنـاه
امـا ذرفها مــن فـرح والا ذرفها مستضيق

نشره على الحظ الردي والا على ضروف الحيـاه
مـره نـطيق الحمل ونشيله ومره مانطيق

حـروة سـنه مـرة وقاع القلب ما طقطق سماه
يبسة رياضه والضلوع من البطا شبة حريق

يـاتـل قـلبي تلة الضامـي لـدلـوه بالرشاه
ويفز قلبي لـه كـمـا الضايع ليا دل الطريق

مـن عقب مـا اقفى مقدر اميز مراره من حلاه
(حتى) وانا في البر جالس حالتي حالة غريق

غـدى سلامي لـه مـحرم مـن سبايب مبتغاه
واصبح كـما نوعيتن مـاعندها حشمة رفيق

واذا دعيته مـن عقب مـاهـو يلبي قال هاه
انـا ادري انه مـن سبايب عاذلن شوره عويق

قـفا وانـا قفيت فـي اول مكانن بـه لقاه
قـفـا وهو مايدري انه سبة عميق

اقـفا بـذاك اليوم مستعجل وعجلات(ن) خطاه
واقفيت متريث وحلقي يابس(ن) مـن دون ريق

مـانـتبع المقفي لـيـا قفـا ولقـانا قـفـاه
ومـانكره اقباله لـيا اقبـل منزلـه قمة طويق

اتحدني الدنيا علـى غيره وانـا ما ارضى سواه
ياكيف عقب الجل ابا ارضى بالرخيص وبالدقيق

انكـان بيعود علـي صادق وطبعي مانسـاه
والا يسـوي مثـل غيره كـل يوم(ن) لـه فريـق