|
ماذا يعني جغرافيا !
السلام عليكمم :1: أنا طالبة توي خلصت تحضيري وحطيت رغبات التخصص من ضمنها جغرافيا معدلي للأسف ماتوقع يقبلوني بتخصص غيره بس في حاجةة ودي اسأل عنها ياليت تجاوبوني بصراحة ياللي متخصصات لانكم أدرى مآذا يعني جغرآفيا و نظم معلومات ! وش الفرق الكبير اللي تغير في التخصص ! ليش صار أوسع ومطلوب لهالدرجة ! هل المواد صعبة وتحتاج مني مجهود ؟؟؟ واذا تخصصته ان شاء الله وتخرجت وين بلاقي نفسي اقدر اتوظف فيه ! ومشكوراااات مقدماً :16: |
رد: ماذا يعني جغرافيا !
وعليكم السلام ورحمة الله وبركاتة
شوفي أنا متخصصة جغرافيا وصار لي سنة فيه وبصراحة لسه ماعرفت شنو الفرق بينه وبين نظم المعلومات الجغرافية بالنسبة للقسم ترى هو حلوووو وجميل. وبالنسبة للمجهود والصعوبة كل قسم وكل تخصص يبيلك تبذلين فيه جهد ومايخلوا من الصعوبة أو العقبات بس بصراحة القسم فيه دكاترة مره روعة الله يجزاهم خير يساعدون الطالبة بقد مايقدرون ولاتخافين اذا سمعتي أن فيه مسائل حسابية أو قوانين ترى بسيطة زي الأحصاء الي بالتحضيري أو قانون تحفظينه وتطبقين وبس هذا الي عندي أتمنى أكون أفدتك موفقة يارب:2: |
رد: ماذا يعني جغرافيا !
الفرق بين الجغرافيا و والجغرافيا ونظم المعلومات (gis)
في مواد انحذفت لأنه درسنا تحضيري وفي مواد جديدة انضافت منها مواد مقدمة في نظم المعلومات ومتقدمة في نظم المعلومات ,و تطبيقات نظم المعلومات الطبيعية وتطبيقات نظم المعلومات البشرية هالأربع مواد تشتغلين ع برنامج اسمه gis تسسسوييين من خلاله خرائط الوظائف حالياً مدري عنها شي |
رد: ماذا يعني جغرافيا !
بفيدك شيء بسيط كل تخصص يتطلب جهد منك والجغرافيا مايعتمد عالحفظ مثل ما كنت مفكره
في مواد تتطلب الفهم والحفظ واعتمدي دكتورات حلوات بالشرح ويحببوك بالمواد بتسجيل موادك بالنسبة لنظم المعلومات ماعندي فكرة عنه سواء انه قد تحصلين وظيفة وربي يوفق لك |
رد: ماذا يعني جغرافيا !
اللي تغير هو نظم المعلومات اللي ندرسها
هذي الماده نرسم فيها خرايط بالكمبيوتر بعد ماتتخرجين ماتصرين محدوده بالتدريس ممكن تاخذك شركة ممكن ارامكو بس طبعا طوري نفسك بهالمجال وتوسعي طبعا هالتقنيه لو حابة تعرفين ايش هي اقري عنها بالانترنت |
رد: ماذا يعني جغرافيا !
|
رد: ماذا يعني جغرافيا !
مشكورررات ربي يوفقكم ويعطيكم ع قد نيتكم :1:
|
| All times are GMT +3. الوقت الآن حسب توقيت السعودية: 08:36 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام