|
يعين الله يادنيا ...
يعين الله يادنيا تسوق ايّامهـا الأحزان يعين الله .. وانتي مثل قفل ٍ ضاع مفتاحه https://encrypted-tbn3.gstatic.com/i...S5_Fj-wvDYyB7w يعين الله ... وجروحي لها في كلّ وقتٍ شان كذوب اللي يقول ان الزمن بيداوي جراحه سقى الله يوم انا يمّه غرير ٍ يزعج الجيران سقى الله يوم انا طفلٍ يصج البيت بصياحه سقى الله يوم كان اقصى طموحي .. لعبة الدنان نهاية يومي المغرب .. واخاف الليل واشباحه سقى الله يوم انا البس بشت ابوي وثوبه القيطان واقلد كلّ شيٍ فيه .. حكيه .. جدّه .. مزاحه واشيل المسبحه مثله ليا هوجس وهو سرحان بيشعر ،واحسب ان اللي عطاه الشعر مسباحه سقى الله بيتنا ذاك البسيط مشقق الجدران شجاع ٍ يهزم الغدراء ، بقنديله ومصباحه تكحِّلنا القناعه .. لا طمع .. لا هم .. لا حرمان واذا جاء الليل تكفينا ... ثلاث اخوان .. طرّاحه جميع الذكريات اللي غدت في قفـرة النسيان يحاكي حلوها عبره ... بموق العين سبّاـه خذتني غربةٍ عنوانها ... غربه بلا عنوان (ابي عقب التعب راحه ... لقى فيني التعب راحه)!! رجعت اليوم مثل اللي رجع عقب القنص خسران غدا طيـره وجـاء يسحب سلوقيـه وملواحه قصيده مابَعَـد مـرّت ببال مساعد وضـدان هواجيس ابدويٍ هايم ٍ في عشق فلاحه وروح ٍ تايبه كانت تبي لذنوبها غـفران خطاي انّي كتمت اسرارها بعيون بواحه تقولين المطر ماهوب … يمّه دايمٍ هتان اجل معذور قلبٍ في همومه ضاعت افراحه انا يمّه غلطت ولاني اول واحدٍ غلطان ابونا آدم من الجنه خرج باسباب ... تفاحه خذلك الوقت فيني .. ماخذلتك يا أعز انسان وش الدبره ؟ وحظي صار .. قفل ٍ ضاع مفتاحه من روائع الشاعر : محمد الدحيمي |
رد: يعين الله يادنيا ...
،،، خذلك الوقت فيني .. ماخذلتك يا أعز انسان وش الدبره ؟ وحظي صار .. قفل ٍ ضاع مفتاحه حضور مميز بـ هذه القصيدة آبيات رآآآئعه ،،، صح لسان شاعرها و سلمت يمين ناقلها ... :16: |
رد: يعين الله يادنيا ...
اقتباس:
الغدراء .... صح بدنك .. ولاهنت على تعقيبك الكريم ... |
رد: يعين الله يادنيا ...
الله يعطيك العافيه:16:
على النقل الجميل:16: |
رد: يعين الله يادنيا ...
اقتباس:
يعافيك ربي :16: |
رد: يعين الله يادنيا ...
انا يمّه غلطت ولاني اول واحدٍ غلطان ابونا آدم من الجنه خرج باسباب ... تفاحه سلمتِ عزيزتي...انتقاء متميز |
رد: يعين الله يادنيا ...
اقتباس:
تسلمين:16: والمميز حضورك :2: |
رد: يعين الله يادنيا ...
صح لسانك :icon19:
|
رد: يعين الله يادنيا ...
يعين الله ... وجروحي لها في كلّ وقتٍ شان
كذوب اللي يقول ان الزمن بيداوي جراحه انتقاء رائع وجميل جدا :(204): سلمت يدااك استاذتى / جوميه :13: |
رد: يعين الله يادنيا ...
اقتباس:
|
| All times are GMT +3. الوقت الآن حسب توقيت السعودية: 10:42 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام