عندي طممممموح تكفون ساعدوني وانصحوني لاحققه
 

السلام عليكم

أنا خلصت أول سنه وتخصصي رياضيات وواجهت صعوبة في الدراسه لأن محد نصحني في أي شيء يخص الجامعه المهم معدلي 2.50 والحممدلله ماحملت ولا مادة وتوني مخلصه أول سنه وأبي أبدء بداية قوية في السنه الثانية لأني أبي أضير معيدة واكمل ماجستير ودكتورا ه في الخارج. تكفون أبي نصايحكمم وكل شيء استفدتوا منه ووس الأشياء اللي غلطتوا فيها. وشكرا

رد: عندي طممممموح تكفون ساعدوني وانصحوني لاحققه
 

وعليكم السلام والرحمه والاكرام

أولاً يا أختي الإخلاص في تلقي العلم
بمعنى : متابعة شرح الدكتور او الدكتوره أولاً بأول
ثم اذا رجعتي البيت تذاكرين المحاضره الي اخذتيها
وما تراكمينها مع المحاضره الي بعدها
لان اذا ما فهمتي المحاضره الاولى ما راح تفهمين المحاضره الثانيه
كل محاضره بمواد تخصص الرياضيات مرتبطه بالمحاضره الي بعدها
ومذاكرة مادة التخصص اولاً بأول ما تاخذ منك وقت غير ساعه باليوم
اذا كنتِ مركزه وما فيه اي شيء يلهيك
بعدها ان شاء الله تحصلين اللي يرضيك من معدل مرتفع بإذن الله
ايضاً في كل نهاية سمستر كوني على اطلاع باسئلة الاعوام السابقه
فمادة التخصص الي راح تختبرينها وتقدرين تاخذينها
من البنات الي اكبر منك بسنه في نفس الكليه
الله يوفقك ويحقق مرادك يارب

رد: عندي طممممموح تكفون ساعدوني وانصحوني لاحققه
 

ربي يجزاك خير يأرب ويوفقك مشكورة وان شاء الله بإذن الرحمن أحقق حلمي

رد: عندي طممممموح تكفون ساعدوني وانصحوني لاحققه
 

انا اول ماتخصصت في تخصصي ماكنت احبه
لكن مع العشرة حبيته:42: واجتهدت فيه لان ماعندي خيار ثاني
خلي تركيزك على الدراسه وحاولي تصادقين البنات اللي زيك مثابرات لأنهم مؤثر قوي عليك وعلى دراستك
والله يوفقك ويوفقنا :16:

رد: عندي طممممموح تكفون ساعدوني وانصحوني لاحققه
 

+

ربي يوفقك وعقبآل التخرج ..

لكن حآولي ترفعين معدلك بقد مآتقدرين ..

طموحكك .. محتآج منك معدل عآلي ..

موفقـه ..