هذا الخطا اللي ما توقعت يخطيه شف كيف كشر طيب القلب نابه !||~
 

_


السسلام عليكم .. )


هذا الخطا اللي ما توقعت يخطيه..
شف كيف كشر طيب القلب نابه
أثر الحسد لاعشعش بصدر راعيه . .
يجعل من قلوب الحبايب ذيابه
اللي تعلم من سكوتي تماديه . .
علمني استقبل خطاه برحابه
والواجب انه لو جحد فزعتي فيه . .
مايجحد حقوق النسب والقرابه
وانا اللي يوم ان المصايب تبكيه . .
كنت اقرب إله بضيقته من ثيابه
اللي تعاف اوله ينعاف تاليه . .
وانا كفا صدري من الغيظ مابه
من لا وقف لي وقفة رجال مابيه . .
يغني عن حضور المقفي غيابه
من لافزع بالكايده مع بني خيه . .
وقت الرخا مايحسب حساب لابه
علمت غيري كيف لاصد ماجيه . .
وانا تعلمت الصبر والصلابه
لان الشجاع ان مالقى من يواسيه . .
ان مانشدته ماعلمت بمصابه
مادام بعدي عن رفيقي بيرضيه . .
نذر علي اني فلا طق بابه
عيب التفت في جاه مخلوق وادعيه . .
وللمبتلي ساعة دعا مستجابه
الضعف ماطيقه ولا طيق طاريه . .
والدمع لايرقى ولا ينرقابه
والحلم يغنيني عن الكبر والتيه . .
والظلم محصيني كآبه كآبه
ان ماجمعت وجيه مافرق وجيه . .
ومن لابنيته ماسعيت بخرابه
وانا لو اني بالتفت بالتفت ليه ! . .
الرمح غاالي والفريسه ذبابه
بدري علي احسب لها حساب واوجيه . .
وبدري عليه يشيلني من حسابه
كأني عتقته بعتقه رأفت فيه . .
الا الطلابه ماخشيت الطلابه
مهب على شانه ! عشان المشاريه . .
سامحت طيشه وابتليت بعذابه
اليا كسر في خاطرك شخص تغليه . .
حتى المعاتب تستحي من عتابه
اللي سكن صدري من الغيض يكفيه . .
ملت تفاصيلي سكوت ورتابه
اللي بيدخل في مزاجي بسويه . .
وباخطب الفض الفليض بخطابه
مثل الغلا اللي باخذه منه بعطيه . .
ويسمع جوابي مثل ماسمع جوابه
دام احترامي للقرابه مجريه . .
ياشيخ ملعون امها من قرابه
لو كل شخص بيحتقر في باخاويه ؟ . .
ماكون حزت من المراجل مهابه
ياهيه مثلي مايقولون له هيه . .
مدري متى تتعلمون الذرابه
اللي معلمك الكتابه على ايديه . .
لمحة بصر ويبعثرك من كتابه
ومثلي لا من قلت لك قول بوفيه . .
والقرم لا من وكد العلم جابه
سمه تحدي سمه اللي تسميه . .
بس الوكاد انه مهوب استجابه
اللي مهب قد المواجه يخليه . .
ومن لاقدرت تهيبه منك هابه
الله يعز وجيه ويطمن وجيه . .
وحنا بشر لكن بشر وسط غابه
ومن لافزع بالكايده مع بني خيه . .
وقت الرخا مايحسب حساب لابه

مما راق لي ولطشتهه لكم :icon1::icon1:

رد: هذا الخطا اللي ما توقعت يخطيه شف كيف كشر طيب القلب نابه !||~
 

رد: هذا الخطا اللي ما توقعت يخطيه شف كيف كشر طيب القلب نابه !||~
 

العفو سعدت بتواجدك :34::2:

رد: هذا الخطا اللي ما توقعت يخطيه شف كيف كشر طيب القلب نابه !||~
 

فنووو ي فنووو رائع مالطشتيه لنا


سلمتي وطابت ذائقتك الجميله :16::16::16:

رد: هذا الخطا اللي ما توقعت يخطيه شف كيف كشر طيب القلب نابه !||~
 

رد: هذا الخطا اللي ما توقعت يخطيه شف كيف كشر طيب القلب نابه !||~
 

رد: هذا الخطا اللي ما توقعت يخطيه شف كيف كشر طيب القلب نابه !||~
 

/



تسلم يمينس ...راق لي جدا جدا جدا طرحس
لاهنتي

رد: هذا الخطا اللي ما توقعت يخطيه شف كيف كشر طيب القلب نابه !||~
 

الله عليش اسمك فنو ولا هنو الشوف لك عليه


قصيده جميله وانتقاء. مميز من لدن حضرتك


ننتظر جديدة بكل حفاوه


أخوك الصغير / عايش الدور

رد: هذا الخطا اللي ما توقعت يخطيه شف كيف كشر طيب القلب نابه !||~
 

منورين الموضوع بتواجدكم الجميل
http://i45.servimg.com/u/f45/12/35/91/91/15881628.gif