|
مساعدة في اختيار اساتذة المستوى الثالث
السلام عليكم ورحمة الله وبركاته :16: ابي مساعدتكم في اختيار الأساتذة للمستوى الثالث :14: في السنة التحضيرية جربت ثلاث : الأنجليزي العام : شموخ الفياض صراحة كنت جداً راقية في تعاملها و شرحها واضح جداً و تشجع البنات دائماً لكن كانت تتكلم عربي :36: عشان وضع البنات وهذا الي يخليني اتردد ا اسجل عندها مرة ثانية والا لا ؟ مادري في التخصص نفس الشيء والا يختلف الوضع ! انجليزي قراءة : علا اسماعيل رائعة كذلك وعن نفسي حسيت مستوى البنات تطور ,, تراعي ظروف البنات وتعطي فرصة ثانية المشكلة في الواجبات الكثيييييرة :5::5: وفي النهاية تقول enjoy your weekend :41: الكتابة : ثيرومالا جميلة جداً , كنت انتظر يوم الأحد عشان محاضرتها مفعمة جداً بالحيوية و النشاط وتحب المشاركة حلو اني اسجل عندها مرة ثانية بس الأحلى التجربة :42: :2::2: هذي تجربتي السابقة والحين ابي مساعدتكم وتجربتكم انتم في مواد المستوى الثالث الاستماع , القراءة , التركيب النحوي , الاستيعاب :13: همتكم ياحلوات لا بخلون بالمساعدة |
رد: مساعدة في اختيار اساتذة المستوى الثالث
نسيتي الانشاء 1 هههههههههههههه
حبيبتي بالتخصص م يشرحون عربي ابد ! والدكاتره , ما حبيت امنه الصصالح درستني قرمر1 مع ان شرحها جميل جميل , بس شخصيا اكره تعاملها مع البنات واكرره زياده طريقه توزيعها للدرجات ! فاسنثي درستني انجلش عام , قراءه وكتابه تحضيري , انشاء 1 وانشاء 2 ,, دايما اخذها كل ترم , ي خي ترم تصير عصبيه وماحد يقدر يكلمها وترم تصير تهبل , بس اانا احب طريقه توزيعها للدرجات , وانها تأسس صح ف الكتابه وتكرف كرف , بس احسسن وحده عندي ! واذا لقيتها تدرس مقال حق مستوى خامس بسججلها ازدهار حريري , درستني قراءه مستوى ثالث, حلو شرحها ونصص المحاضره سوالف عن حياتها وعيالها والخ , تحب المجتهده وياويل الكسلانه لو تصير بلسانها !! , زينه بالنسبه لي بس ما احبذها ولا احب اسجل عندها , واذا اضطريت مرره باخذ عندها موب سيئه جدا جدا ! هناء محتشم , درستني استماع , رهيبه مره ي زينها بس ,! بس ترا ما تتكلم عربي ابد مع انها تفهم الكلام العربي , ونجحتني بالاستماع وانا اصلا مفروض راسبه هههههههههههههه , او يمكن اني حليت وانا مدري , المهم احبها :16: هذا اللي عن مستوى ثالث :37: |
رد: مساعدة في اختيار اساتذة المستوى الثالث
درستني مس هناء بالاستماع :
راقية كثير بتعاملها انسانه محترمة جدا وتحب طالباتها وتحاول تجمع للبنت درجات بشكل مو طبيعي وتعطي فرص كثير للبنت انها تقدم افضل ماعندها . نجحت بمادتها للامانة بمساعدتها ولا المادة كثير سهلة بس لما دخلت القسم تهاونت فيه لان المواد كانت كثير سهله بس -كثير- يعني كان تاسيس ولازم تكونين معاهم خطوة بخطوة . قراءة وانشاء درستني اياهم بتول . شوفي دكتورة بتول تستغل كل الوقت وتقدم فيه معلومة ماتفوت ولا فرصه تحاول بقد ماتقدر تشرح الشيء واذا كان معتمد على شيء قديم ترجع تشرحه يعني تفهمك تفهمك بشكل حلو لكن عيبها انها تستغل المحاضرة لاخر دقيقة بمعنى لاخر دقيقة . حتى لو خلصت المحاضرة وباقي دقيقتين تطلع لك معلومة وتعطيك اياها بعدين تطلعين ") واجباتها كثير واذا شكت انو احد حله لك تسالك كيف حليتيه واذا صديقتك شارحت لك كيف حليتيه وقلتي لها الشرح بتقول لك طلعيه لي :) مثلا بالقراءة عطتنا كلمات وقالت حطوها بجمل وسويناها طبعا لازم ترجعين للدكشنري عشان تعرفين معنى الكلمة وتسوين جملة وحده حلت من راسها وقالت انا طلعت من الدكشنري انو معنى هالكلمة كذا قالت لها وريني الدكشنري ووريني الكلمة :) يعني احرجت نفسها على الفاضي بس تاسيس حلوة. امنه درستني تركيب نحوي شرحها جممممممممممممممممممممممممممممممممممممممممممممميللل لكن على قد جمال شرحها وتقديمها للمعلومة على قد ما هي سيئة بطرح الاسئلة وتوزيع الدرجات تطلعين من الكلاس فاهمه كل شيء لكن تجين تقدمين بالاختبار تنعفسين ولا تعرفين كيف تحلين لانها تعلمك على الصعب وتبنيك بناء صعب ف تتشتتين شوي . الله يوفقك ياجميلة والقسم قد ماهو متعب قد ماهو ممتع وعلى فكرة كل دكتورة دخلت قالت لنا احنا مانبي بنات يحبون الانقلش احنا نبي بنات يدرسون ويشتغلون . يعني حب المادة لا يكفي الله يوفقك يارب ويسهله عليك :16: |
رد: مساعدة في اختيار اساتذة المستوى الثالث
اقتباس:
مشكورة حبيبتي على المساعدة في ميزان حسناتك :16: ريحتيني |
رد: مساعدة في اختيار اساتذة المستوى الثالث
اقتباس:
افديني فعلاً واكيد مافي شي يخلو من التعب والحب مايكفي لإنجاز المهمة ,, انا احاول قد ما اقدر استغل الفرص ا:43::43:ي تنمي مهاراتي ماقصرتي حبيبتي والله يقدرنا لتقديم الأفضل :16: |
رد: مساعدة في اختيار اساتذة المستوى الثالث
هم بعد حابة اعرف اكثر عن بقية الأساتذة
لمحة عن الأستاذة ليلى :31: شوي من كلام إحدى العضوات حمستني لها |
رد: مساعدة في اختيار اساتذة المستوى الثالث
عسى الله يوفقكم ببداية مشواركم بهالقسم ويجعلكم من الأوائل والمتفوقين .. وبالجد والاجتهاد بتوصلون للي تبون ان شاء الله أما بالنسبة للمواد : هم 4 مواد تخصص و 2 عامة . مواد التخصص بداية ً هي الاساسيات قراءة وكتابة واستماع وقواعد جدا جدا سهله وأقرب للتفاهه المواد تبدأ تصعب لما تدخلين مستوى رابع .. وبتكلم عن كل وحدة لحالها وطبيعة كل مادة .. 1. Reading : مادة جداً سهله تعتمد بشكل كبيير على قدرتك على القراءة وفيها بعض الكلمات والقطع الخارجية ويعلمونكم بعض المهارات وكذا يعني ,, والكتاب اللي كنا ندرسه حلوو ومبسط . درستني هالمادة غادة القويحص كانت حليووه نوعاً ما شرحها مو مره بس كنت افهم .. وتراها مزاجية واذا كانت معصبة لو تموتين ماتدخلين بعدها واسئلتها مش بطاله .. امم جربتها بمادة تخصص السمستر اللي فات مررره شرحها كان روووعه حبيتها أكثر من لما كانت تدرسني ريدينق . 2. Writing : مادة سههله تتعلمين فيها كيف تكونين جمل وكيف تكتبين بارجراف بشكل مطور وفيها بعض القاعدات وكذاا .. أخذتها مع ليلى الحسن إنسانة ماتتكرر وما بوفيها حقها لو بتكلم عنها .. بإختصار لو لقيتي اسمها خذيها بدون تردد . 3. Grammar : هذي المادة ما بلعتها ولا حبيتها يمكن لإني ما احب القواعد .. هي مو صعبة لا ابد , يعني كل يونت تاخذين كم قاعدة وتطبيق عليها جمل وبس . أخذتها مع أحمد حسن يكررف بالواجبات لين تقولين بس .. البنات يحبونه بس أنا ما دخل مزاجي .. الزبدة نجحت عنده ولله الحمد .. يمدحون لهالمادة آمنه صالح . 4. Listening : فيه بناات كثييير مستصعبين المادة وكثير حملوها بعد مدري ليش ! بس انا اشوفه سهله واسهل من السهل بعد .. نظامها كله سماع في سماع , تشغل لكم الدكتورة شريط تسجيل يكون حوار أو قصه أو أي شي وع اساسها تجيبين على الاسئلة .. طبعاً هالمادة ذي ما تتذاكر لانه بالفاينل بجيبون لكم شي خارجي ,, اخذتها مع بدرية الشريف بس للاسف مو موجودة اللحين . نجي للمواد العامة : 1. انترنت واتصالات : حاسب في حاسب يعلمونكم على برامج الوورد والبوربوينت والاكسل مررره تافهه هالماده اذا ما جبتي فيها A ماعندك سالفة درست عند مها القاضي ماتعجبني ابداً وتطول بالمحاضرة . 2. عقيدة واخلاق : مادة دينيه تتكلم عن التوحيد وانواعه .. الخ سهله المادة مافيها اي صعوبة .. باختصار اذا شفتي اسمي المبروك الشيباني خوذي عنده وانتي مغمضه وبس .. تعبت اتمنى اني افدتك ولو بالقليل .. اممم ايه ! ترى احتمال اللي درسونا مايدرسونكم ,, لكن اذا فتح التسجيل ان شاء الله وطلعوا عندكم الدكاترة ,, أبد علمونا اسمائهم وان شاء الله ماراح نقصر معكم مسيرة انجليزية موفقه ياارب وأي سؤال بالخدمة :1::16: ٨ هذي وحده من مشاركاتي كتبتها قبل فتره باحدى المواضيع |
رد: مساعدة في اختيار اساتذة المستوى الثالث
اقتباس:
مشكورة على الدعوة الجميلة بإذن الله جميعاً متفوقات ومن الأوائل ماقصرتي في ميزان حسناتك بس العقيدة و اغلب المواد صراحة متخوفة اخذها عن دكتور :7: ... وابي مساعدتك في شغلة سبق سألة عنها عندي مادة تذوق ادبي من التحضيري كنت حاذفتها ومترددة اخذها المستوى الثالث والا لا ؟ لأني مابيها تأثر على مستواي بشكل سلبي وكذلك مابي اضغط على نفسي انا جربت ترم بدون اوف و الخروج الساعة 2 نفسيتي كانت زفت :36::36: بالمرة في اخت الله يحفظها قالت لي إذا مابي اضغط على نفسي اترك المادة لأخر شي مرة على مافهمة اني مابتخرج مع دفتعي وكذا صراحة ماعندي مشكلة من هذي الناحية :35: اهم شي ما اتعب و اكرر الي صار بالمستوى الثاني وخصوصاً ان التزاماتي زادة الحين عن قبل بس حابة اعرف رأي بنات اكثر :29: وآسفة إذا تعبتك:43: |
رد: مساعدة في اختيار اساتذة المستوى الثالث
^ أحس عادي لو اخذتي تذوق
انا ان شاءالله باخذ احصاء + مافيه اوف كل يوم محاضرتين الا يوم واحد ثلاث محاضرات . تقريباً مثل ماكنّا بتحضيري مستوى 1 |
رد: مساعدة في اختيار اساتذة المستوى الثالث
اقتباس:
موفقة :16: لكن انا ماحبيت الدوام بدون اوف كفاية النظام الجديد :26: خميس :12: |
| All times are GMT +3. الوقت الآن حسب توقيت السعودية: 11:05 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام