ملتقى طلاب وطالبات جامعة الملك فيصل,جامعة الدمام

قلبي اذا انتي تقصدين شلون تسوين جدول للسمستر الجاي

فهذي سالفة طويله ومو صعبه لا

يعني هم شرحوا لكم طريقة ترتيب الجدول

وشلون تدخلونه بالبانر

وتاكدينه وكل شي

هذا كله شرحوه يوم التهيئه

بس عموما انا بحاول اشرحلج بس اذا انتي مستجده مابتفهمين علي ترا

لان لازم الشرح بالصور عشان تعرفين

شوفي

هم بينزلون جدول كبيرررر بيكون فيه مواد كثيرررررررر

وممكن حتى نفس الماده تكون مكرره وهالشي معناته ان الماده موجوده باوقات كثثيير

وانتي تختارين المواد المطلوبه حسب الاوقات الي تبينها بحيث انه ماتكون في مادتين بنفس الوقت واليوم

وعموما اذا انتي بالدمام انا ممكن اساعدج واجلس معاج وارتب لج جدول بالمواد الي تبينها واشرحلج هالشي وانتي بتعرفين وبعدها انتي بتسوين جدولج

وبعدين اذا خلصتي الجدول وضبطتيه تدخلينه ع البانر وفي بالمنتدى هنا مواضيع للشرح لكل شي متعلق بالبانر

سواء تدخيل المواد او تكيدها وشوفي موضوع جميع مايخص البانر مثبت هنا بالقسم وبعد في موضوع مثبت لتاكيد تسجيل المواد بعد ماتدخلينها

وطبيعي جدا ماتفهمين علي شي

وترا انتو مو مطلوب منكم تفهمون لحالكم لا كل كليه مكلفة بانها تشرح هالاشياء للبنات بالتفصيل

يعني بيوم التهيئه اكيد هم اشرحوها واذا مافهمتي او ماحضرتي تقدرين تسالينهم

واذا تبن مثل ماقتلج انا مستعده اجلس معاج واشرحلج كل شي وبعد وانتي تحطين الجدول بتقولين ع اي اساس اختار المواد للترم الجاي!!

بيكون في جدول لامواد التاهيلي موزعه فيه المواد بالترتيب لكل ترم عدد معين من المواد اخذيه من الاداره

يعني

بعد ماينزلون جدول المواد الكبير ويعلنون عنه انتي تررتبين لج جدول منه وتختارين لج المواد المطلوبه حسب النموذج وترتبين جدول بالمواد المطلوبه منج من مواد كثير يعني تختارين الي يناسبج من الاوقات وهالشي ممكن يكون فيه صعوبه شوي عليج بس تقدرين تراجعين الاداره ويساعدونج
بس اغلب البنات يقعدون مع صديقاتهم ويرتبون جدولهم

وبعدين اذا بدا موعد التسجيل بالبانر تدخلينه بالبانر وبعد فتره اذا جا وقت تاكدينه بالبانر تاكدينه

والطريقة موجوده بالصور بمواضيع مثبته بالقسم

ومثل ماقتلج اذا قصرت بالشرح تعالي لي باي وقت واشرحلج الطريقه ولما تفهمينها طبقيها وقت الجداول

واذا انتي بالحسا اسالي الاداره او البنات لان الشرح بالنت صعب شوي

والله يوفقج قلبي

:love080: :love080: