|
البرق لعيون المولع مناديب
[ALIGN=CENTER][TABLE1="width:95%;background-color:silver;"][CELL="filter:;"][ALIGN=center]
بسم الله والصلاة على رسول الله البرق لعيون المولع مناديب .. .. .. .. والبيد لأقدام الخلاوي ركايب وأرواحنا لهموم بقعاء معازيب .. .. .. .. ومعزب الأرواح قبر ونصايب سبحان من يخفي عن العالم الغيب .. .... .. وخلّ الوعد مع نازع الروح غايب كلن يسوق الرجل ويروح ويجيب .. .. .. .. أحدن يجيب بسلم واحدن نهايب أحدن يجيب الفود والعز والطيب .. .. .. .. واحدن يذله كل ماكان جايب ومن لاستر وجهه عن الذل والعيب .. .. .. .. ماعاد يلقى لذل وجهه طبايب ومن لاحمى وجهه قبل طلعة الشيب .. .. .. .. محدن يعوضه وجه لاصار شايب ولاصار ذكرك فوق روس المراقيب . .. .. خلك على دربك ترى الدرب صايب اتصير في عيون النشاما كما الذيب ... .. .. وفعيون عدوانك عطيب الضرايب موت الفتى بالمرهفات المحاديب .. .... .. أخيـيـر من حين مع الناس خايب موتن تباكى له عيون الأجانيب .. .... .. ولا عيشتن تدعي عليها القرايب ولّي نـفـوسن ماتروم المواجيب .. .. .. .. ولّي يدينن ماتسد النوايب عذر الردي ماكل من يجهد مصيب .. .. .. .. عود الحماطه كاسرته الهبايب مايخلف الهقوه اطوال الأشانيب .. .. .. .. صحيح من قال المراجل وهايب يربى على الشاهوب عكف المخاليب .. .. .. .. والا الوطى يرباه بوم الخرايب من راقب العالم يشوف التعاجيب .. .. .. ومن طاول الدنيا يشوف الغرايب غير النبي محدن بليا عذاريب .. .. .. .. وكلن على الثاني سيوله جذايب ما كامل إلا وجه جزل التواهيب .. .... .. ولا رابح إلا اللي من الذنب تايب كلن ذنوبه تغرق الكم و الجيب .. .. .. .. وكلن عليه امن الليالي مصايب ليه الحسد والغل والشك والريب .. .. .. .. وليه القطيعة واندلاع الحرايب يولد الأحقاد شذب العراقيب .. .. .. .. والحقد سمٍ فالمعاليق ذايب شرارةٍ من ملحقين المشاهيب .. .. .. .. من ناشته خلت ضلوعه حطايب يومون بالأمواس مثل القصاصيب .. .. .. .. ذنبن يوقف منه قطر السحايب لعل من يفرح بشيل المشاعيب .. .. .. ويصير في فرقى الرفاقه سبايب تقطع عراويه من الرزق والصيب .. .. .. .. ويموت ماتنظر عيونه حبايب وتصفى النفوس ويركدن المشاريب .. .. .. .. لا به ذنب عقرب ولا به نشايب هذا بعض ما علمتني التجاريب .. .. .. .. اللي من الأيام جتني جلايب لا كامل إلا وجه من يعلم الغيب .. .. .. .. ولارابح إلا اللي عن الذنب تايب .. أتمنى ترتقي لذائقتكم [/ALIGN][/CELL][/TABLE1][/ALIGN] ...:love080: |
رد: البرق لعيون المولع مناديب
لا كامل إلا وجه من يعلم الغيب .. .. .. .. ولارابح إلا اللي عن الذنب تايب روعه سلمت يمناك:d5::d5: |
رد: البرق لعيون المولع مناديب
السلام عليكم
الله يسعدك تميم ويوفقك دنيا واخره قصيده جزله واختيار موفق وننتظر جديدك بشوق مششكور |
رد: البرق لعيون المولع مناديب
سبحان من يخفي عن العالم الغيب .. .... .. وخلّ الوعد مع نازع الروح غايب أحدن يجيب الفود والعز والطيب .. .. .. .. واحدن يذله كل ماكان جايب ولاصار ذكرك فوق روس المراقيب . .. .. خلك على دربك ترى الدرب صايب اتصير في عيون النشاما كما الذيب ... .. .. وفعيون عدوانك عطيب الضرايب موت الفتى بالمرهفات المحاديب .. .... .. أخيـيـر من حين مع الناس خايب غير النبي محدن بليا عذاريب .. .. .. .. وكلن على الثاني سيوله جذايب ما كامل إلا وجه جزل التواهيب .. .... .. ولا رابح إلا اللي من الذنب تايب لعل من يفرح بشيل المشاعيب .. .. .. ويصير في فرقى الرفاقه سبايب تقطع عراويه من الرزق والصيب .. .. .. .. ويموت ماتنظر عيونه حبايب آبيات في قمه الروعه والجمال سلمت يمينك ياتميم :rose::004: |
رد: البرق لعيون المولع مناديب
يعطيك العافية قصيدة كلها حكم
مشكوور المهاجر على التنبيه :rose: |
رد: البرق لعيون المولع مناديب
موت الفتى بالمرهفات المحاديب
.. .... .. أخيـيـر من حين مع الناس خايب موتن تباكى له عيون الأجانيب .. .... .. ولا عيشتن تدعي عليها القرايب الله الله عليك تميم ارويتنا شعراً حد الاكتفاء جزاله وقوه بالمعنى والمفرده انتقاء كعادتك راقي ومميز كشخصك لا اخفيك اتعطش لطرحك وانتظره فكن بالقرب لك ودي وتقديري |
رد: البرق لعيون المولع مناديب
اقتباس:
تسلم يمينك... لاهنتي على المرور الجميل...لا خلا ولا عدم تحياتي |
رد: البرق لعيون المولع مناديب
اقتباس:
ويسعدك وين ماتروح يا خوو نورة اسعدني مرورك الجميل لاهنت |
رد: البرق لعيون المولع مناديب
اقتباس:
هلا بالمهاجر يا مرحبا تسلم ايدك ..واسعدني تواجدك الأنيق ..لا خلا ولا عدم تحياتي |
رد: البرق لعيون المولع مناديب
اقتباس:
يا هلا يا هلا يعافيك ربي ..ولا خلا ولا عدم من تواجدك الجميل ..اسعدني مرورك تحياتي |
| All times are GMT +3. الوقت الآن حسب توقيت السعودية: 06:19 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام