|
صديقي حمل جميع مواد مستوى 1 نصايحكم له
السلام عليكم ورحمة الله وبركاته
اخواني احد اصدقائي دفعة 2014 حمل جميع المواد بسبب اهماله وبسبب درجات المشاركه الرجال مو عارف النظام صح للأسف واكثر درجه مشاركه خذها 12 وما انتج كثير بالاختبارات وبالتالي حملهم كلهم المهم المتاح له الان 18 ساعه ونزل هذه المواد يقول يبي شيء سهل عشان ينجح ويرفع المعدل علما ان المعدل حاليا 1 بالتمام والمواد اللي نزلهم الان 12 ساعة المواد اللي نزلها حاليا ادارة اعمال قانون صحة ولياقة قضايا ثقافية معاصرة الأخلاق اسلامية واداب المهنة هل هناك ماده سهله تقترحون له اضافتها ولايكتفي بهذه حاليا |
رد: صديقي حمل جميع مواد مستوى 1 نصايحكم له
اخوي نفس صديقك حامل كل المواد وابغاء اسجل المواد له ورافض النظام البانر يفتح من اصله:bawling:
|
رد: صديقي حمل جميع مواد مستوى 1 نصايحكم له
انت وش قلت له بما انك مستوى سابع
|
رد: صديقي حمل جميع مواد مستوى 1 نصايحكم له
اقتباس:
بصراحه انا بالنسبه لي واحد دايما انزل اقصى حد من الساعات وقلت له ضيف اقصى حد من الساعات قالي انا ابي شيء سهل اضمن بنسبه كبيرة بإذن الله اني انجح فيه وبدرجه عاليه اذا فيه مواد زي كذا غير اللي نزلت لي ؟ بصراحه انا نسيت المواد اللي درست ووش السهل والصعب باسثناء القضايا والاخلاق لأني كنت منزلهم بالصيف |
رد: صديقي حمل جميع مواد مستوى 1 نصايحكم له
الله المستعان:mad:
|
رد: صديقي حمل جميع مواد مستوى 1 نصايحكم له
الله يعطيكم العافية
|
رد: صديقي حمل جميع مواد مستوى 1 نصايحكم له
لايوجد شيء سهل والنجاح مضمون ..
المسألة تحتاج اهتمام والحصول على درجات المشاركة كاملة لتساعدة على النجاح .. نصيحتي له أن يهتم من بداية الفصل بتحميل المحاضرات وحل الواجبات والمشاركة بالنقاشات كاملة .. كذا يضمن بمشيئة الله ( 30 ) درجة للأعمال الفصلية .. وأيام الإختبارات يركد بالبيت ويذاكر الكتاب من الجلدة للجلدة .. يعني يسهر ويلخّص ويحدد الأشياء المهمّة وكل شيء .. إذا كان ماتعلّم من اللي حصل له وناوي يستمر على نفس الوضع ( كأنّك يابو زيد ماغزيت ) |
رد: صديقي حمل جميع مواد مستوى 1 نصايحكم له
خل خويك ينسحب من الجامعة لانه باين عليه مو صاحب دراسة
أقل شيء يوفر دراهمه أو خله يجرب حظه بجامعة ثانية لأن اللي هذا اوله ينعاف تاليه ولحد الحين ما دخل بالدسم |
رد: صديقي حمل جميع مواد مستوى 1 نصايحكم له
اقتباس:
|
رد: صديقي حمل جميع مواد مستوى 1 نصايحكم له
يا يعيد نفس المستوى إذا وافقو له وربي يهديه ويمشي على الخطه ويذاكر
والا لا يسوي زحمه و يجيب لنا الكلام إذا مو راعي دراسة ومسألة مو عارف النظام ليه أنت ماعلمته بالنظام دامك خويه وخايف عليه ؟ وليه خويك ماتعب وكتب الموضوع عنك ؟ =====> لاتقول مالك شغل ههههه دامه مو مهتم بنفسه يعني انت مهتم فيه أكثر من نفسه ؟ الله يهديكم بس وسامحني أخذت راحتي شوي |
| All times are GMT +3. الوقت الآن حسب توقيت السعودية: 05:58 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام