ملتقى طلاب وطالبات جامعة الملك فيصل,جامعة الدمام
صفحة 1 من 3 1 23
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   تربية خاصة 8 (https://vb.ckfu.org/forumdisplay.php?f=390)
-   -   [ مواد مشتركة ] : توضيح إلى طـالبات الدمام جميع التخصصات تجنباً للمرمطه مع الخطاباات (https://vb.ckfu.org/showthread.php?t=565129)

scorpion 2014- 3- 9 01:02 PM
توضيح إلى طـالبات الدمام جميع التخصصات تجنباً للمرمطه مع الخطاباات
 


السلام عليكم ورحمة الله وبركاته
هذا الموضوع خاص للبنات لجميع المستويات

تجنباً للمرمطة والروحه والجيه الي عشتها اليوم من صباح الله :007::007::007:

الي مابعد يودون خطاباتهم وماتحركوا
أطبعوا جميع الخطابات وتوجهو إلى ادارة التربيه التعليم قسم الشؤون التعليمه
هذه الاداره حول الاماره مبنى كبييير خلوه على يمينكم من عند الاشاره بتلقون دروازه عدوها خذا اول لفه يمين بتلقون امة محمد وزحمه ادخلو مبنى مكتوب عليه الشؤؤن التعليمة بتلقون كم مبنى

بياخذون ورقتين من الخطابات وبتعبون بياناتكم
الاسم و الجوال و الرقم المدني و اسم المدرسة الي بتبقون فيها

وبعدها بيقولن لكم يومين ثلاثه يعني على يوم الخميس تروحون لمكتب ادارة التربيه والتعليم في غرب الدمام
في حي الاتصالات

بيعطون لكم استماره او ورقه الي هو وتودونها للمدرسة او المعهد الي بتطبقون فيه

صدع راسي وتمرمطت ومشاوير حسبي الله على هالجامعة :007:

لgن حياتك 2014- 3- 9 01:12 PM
رد: توضيح إلى طـالبات الدمام جميع التخصصات تجنباً للمرمطه مع الخطاباات
 
يعني عطوك ورق!,,
اهمال جد
الي ع اول مكتب لابسه فوشي اليوم لحد يروحله مامنها زود ابد حسبي الله عليها
ماتدري وين الله حاطها >محد اكلها اليوم :,,,(

scorpion 2014- 3- 9 03:53 PM
رد: توضيح إلى طـالبات الدمام جميع التخصصات تجنباً للمرمطه مع الخطاباات
 
اقتباس:
المشاركة الأصلية كتبت بواسطة لgن حياتك (المشاركة 10604657)
يعني عطوك ورق!,,
اهمال جد
الي ع اول مكتب لابسه فوشي اليوم لحد يروحله مامنها زود ابد حسبي الله عليها
ماتدري وين الله حاطها >محد اكلها اليوم :,,,(

لا محد عطاني ورق خذو الاداره ورقتين من الخطابات
والي لابسه فوشي هي الي خذتها وحطتها بالملف وقالت عبي بياناتك

سجينة فكر 2014- 3- 9 04:04 PM
رد: توضيح إلى طـالبات الدمام جميع التخصصات تجنباً للمرمطه مع الخطاباات
 
اي والله هذا اللي صار اليوم بالضبط مثلك .. خذو الورقتيييين وسجلت البيانات وقالت بعد 3 ايام روحي

لمكتب التوجييهه ومع السلامه ! طبعا ماكان قدامي الا معهد الامل للصم ابتدائي في حي احد اضطريت اسجل فيه ولو ان بعيد عني وخايفه منه بس مافي حل المهم فديتكم حبيت اسألكم هل تنصحووني اروح قبل التطبيق للمعهد اللي بطبق فيييه عشان اشوف الوضع عندهم ولا استنى ال 3 ايام اللي قالو عنها واروح مكتب التوجييهه وبعديين اروح للمعهد واشوف الوضع !!

«ღ»حلم منكسر 2014- 3- 9 05:50 PM
رد: توضيح إلى طـالبات الدمام جميع التخصصات تجنباً للمرمطه مع الخطاباات
 
ايش هاذي المرمطة والتعب الله يعين بس

يعني الاسماء لسى ما نزلت ماهي عندهم ؟

طيب انا با الخبر

بس راحت صديقتي اليوم الاشراف اللي با الخبر قالوا لها روحي الدمام علشان الخطاب بعدين تعالي عندنا ونرسلك للمدرسة وتطبقين على طول

انا لسى ما طبعت ولارحت قصدي على بكرة ان شاء الله

فاطميه 2014- 3- 9 06:05 PM
رد: توضيح إلى طـالبات الدمام جميع التخصصات تجنباً للمرمطه مع الخطاباات
 
اه اي والله اليوم تعب ومرمطه
انا كنت حايره بين معهد التربيه الفكريه وبين مدرسه
اخترت معهد تربيه فكريه وحيييل ندمانه
هل يصير بكره اروح اغير وسجل مدرسه؟؟؟؟؟
الي يعرف يرد علي الله يعافيكم

فاطميه 2014- 3- 9 06:07 PM
رد: توضيح إلى طـالبات الدمام جميع التخصصات تجنباً للمرمطه مع الخطاباات
 
شنو الافضل معهد تربيه فكريه والا مدرسه؟

meematoo 2014- 3- 9 06:26 PM
رد: توضيح إلى طـالبات الدمام جميع التخصصات تجنباً للمرمطه مع الخطاباات
 
الله يعين انا اليوم كنت بروح للادارة التربيه بس ما تيسرت وقلت اخليها بكرا ان شاء الله يكون احسن من اليوم ويكونو منظمين اكثر . . .

هو مو فيه طالبات بداؤ تطبيق بالدمام ليه يقولو لكم بعد ثلاث ايام ؟!

همس الطبيعة 2014- 3- 9 06:41 PM
رد: توضيح إلى طـالبات الدمام جميع التخصصات تجنباً للمرمطه مع الخطاباات
 
طيب انا رحت الخميس الماضي وقالت لي الموظفه الثلاثاء الجاي روحي للمدرسه من دون ماتعطيني خطاب ولاشي تقول احنا نرسله للمدرسه ومدري عنها مع العلم انا من الدمام

(ست الحبايب) 2014- 3- 9 06:55 PM
رد: توضيح إلى طـالبات الدمام جميع التخصصات تجنباً للمرمطه مع الخطاباات
 
انا رحت يوم الاربعاء الماضي وخذوا من الورقتين وقالت لي يوم الاحد اروح التوجيه بتكون الاسماء هناك عشان يعطوني ورقه للمدرسه بس اليوم انا مارحت في احد راح لمكتب التوجيه وعطوه ورقه للمدرسه ولا مابعد


All times are GMT +3. الوقت الآن حسب توقيت السعودية: 09:18 AM.
صفحة 1 من 3 1 23
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه