ملتقى طلاب وطالبات جامعة الملك فيصل,جامعة الدمام - شعر ~~ سر ياقلم واكتب علـى ماتـورا … ازكي سـلام لابـن عمـي مشـاري ~~

[align=center][table1="width:100%;background-color:gray;border:4px solid sandybrown;"][cell="filter:;"][align=center]
،،،

طار الكرى عن موق عيني وفرا ... وقزيت من نومي طرا لي طواري
وأبديت من جاش الحشا ما تـدرا … وأسهرت مـن حولـي بكثـر الهـذاري
خـطٍ لفانـي زاد قلبـي بحـرا …مـن شاكـي ضيـم النيـا والعـزاري
سر ياقلم واكتب علـى ماتـورا … ازكي سـلام لابـن عمـي مشـاري
شيخٍ على درب الشجاعة مضـرا … مـن لابـة يـوم الملاقى ضــواري
يامـا سهرنـا حاكـمٍ مايطـرا … واليـوم دنيـا ضـاع فيهـا افتكـاري
اشكي لمن يبكي له الجـود طـرا … ضـراب هامـات العـدى مـايـداري
ياحيف ياخطو الشجاع المضـرا … فـي مصـر مملـوك لحمـر العتـاري
من الزاد غاد لـه سنـام وسـرا … من الذل شبعـانٍ ومـن العـز عـاري
وش عاد لو تلبس حريـرٍ يجـرا … ومتـوجٍ تـاج الـذهـب بـالـزراري
فدنياك يابن العـم هـذي مغـرا … ولا خير فـي دنيـا تـوري النكـاري
تسقيك حلـو ثـم تسقيـك مـرا .. ولذاتـهـا بـيـن البـرايـا عــواري
اكفخ بجنحـان السعـد لا تـدرا … فالعمـر مايـاقـاه كـثـر الـمـداري
مافي يد المخلـوق نفـع وضـرا … وما قدر البـاري علـى العبـد جـاري
وان سايلوا عني فحالـي تسـرا … قبقـب شـراع العـز لـو كنـت داري
يوم ان كـل مـن عميلـه تبـرا … حطيت الأجرب لـي عميـل مبـاري
نعم الرفيق إلى سطـا ثـم جـرا … يـودع مناعيـر النشـامـى حـبـاري
رميت عنـي برقـع الـذل بـرا … ولا خير فـي مـن لايـدوس المحـاري
يبقى الفخر وانـا بقبـري معـرا … وافعال تركـي مثـل شمـس النهـاري
وأحصنت نجد عقب ماهي تطـرا … مصيونـة عـن حـر لفـح الـمـذاري
ونزلتها غصـب بخيـر وشـرا … وجمعـت شمـل بالقـرايـا وقــاري
والشرع فيها قد مشـى واستمـرا … ويقرا بنـا درس الضحـى كـل قـاري
زال الهوى والغـي عنـا وفـرا … ويقضي بهـا القاضـي بليـا مصـاري
وان سلت عن من قال لي لاتزرا … نجـد غـدت بـاب بلـيـا ســواري
ومن أمن الجاني كفـى ماتحـرا … وتـازي حريمـه بالقـرايـا وقــاري
واجهدت في طلب العلا لين قـرا ... وطاب الكرى مـع لابسـات الخـزاري
ومن غاص غبات البحر جاب درا … ويحمد مصابيـح السـرى كـل سـاري
وانااحمد اللي جاب لـي ماتحـرا … واذهـب غبـار الـذل عنـي وطـاري
.

الامير الإمام / تركي بن عبد الله بن سعود آل سعود

[/align]

[/cell][/table1][/align]