|
انفصلت من ارامكو وابغى ارجع للكلية !
بسمه تعالى السلام عليكم ورحمة الله وبركاته هلا فيكم جميعاً ... شخباركم ان شاء الله بخير انا والله بكل اسف انفصلت من برنامج التدرج حق ارامكو بعد قضاء اكثر من عام في ارمكو ولكن الله سبحانه وتعالى كتب علي ذلك وانفصلت وطبعاً قبل ما ادخل ارامكو كنت بالكلية التقنية وتخصص شبكات الحاسب الآلي درست التخصص حوالي سنة يعني سمسترين ولكن بعد مانقبلت في ارامكو قبل حوالي سنة و 4 شهور غبت عن الكلية ومارجعت لهذا اليوم ولا رحت سحبت ملفي ولا شيء اللي ابغى اعرفه الآن بعد مانفصلت من برنامج ارامكو هل اقدر ارجع للكلية التقنية :011: والا مستقبلي بيضيع ومابقدر ارجع للكلية التقنية واكمل تخصصي اللي كنت حابه من قلبي انا قلق جداً وارجوكم ردوا عليّ لأني مثل الضايع احين والمحتار :s11: سجلت عشان ألقى رد فلاتخيبون ضني ولو بأراء ! اخوكم: علي بن حسين |
رد: انفصلت من ارامكو وابغى ارجع للكلية !
يا حبيبي الحق الحين في اعادة قيد للمفصولين راح الحق بينتهي يوم الثلاثاء و يمكن يرجعونك و الا لا لين يجتمع مجلس الكلية و يقرر و ترجعوهم في اول يوم في السمستر الثاني 1/2/1431 هــ . و تقبل مروري . |
رد: انفصلت من ارامكو وابغى ارجع للكلية !
صحيح والله ؟؟؟؟؟؟؟؟؟؟؟؟؟؟؟؟ :o3:
يعني في مجال يرجعوني ؟؟؟؟ اذا هالخبر صحيح فأنا في قمة الفرحة والحمدلله :bawling: وماشاء الله اللي قرءوا الموضوع كثير ولا واحد منهم ساعدنا لو بكلمة ! لكن اشكرك ياغالي بورعد على افادتك الطيبة وان شاء الله تتيسر امورنا |
رد: انفصلت من ارامكو وابغى ارجع للكلية !
خبرني اذا راحت لهم بكره و الله يوفقك راح يطبعون لك في من السستم إعادة القيد و كشف درجاتك ثم توقع و تكتب رقم جوالك ثم يخلونك تاشر اذا كنت موظف او اذا كان ملفك عندهم و الا عندك و تكتب اسمك و رقمك الاكاديمي و رقم جوالك و التوقيع طبعا هذا في ورقة التعهد و لا تنسى اهم شيء قبل ما تروح البطاقه لازم تكون معك و الله يوفقك تقبل مروري . |
رد: انفصلت من ارامكو وابغى ارجع للكلية !
اقتباس:
اسألك هالمعلومات اللي تكلمت لي عنها قمت ابها انته ؟؟ انتظر ردك :119: |
رد: انفصلت من ارامكو وابغى ارجع للكلية !
تبي الصراحه أنا موظف عندهم قبل سنه و انتقلت الى المؤسسة الرئيسية و شغال على سستم الكلية التقنية بالاحساء |
رد: انفصلت من ارامكو وابغى ارجع للكلية !
هذا اسمك علي بن حسين نتوصى فيك باذن الله |
رد: انفصلت من ارامكو وابغى ارجع للكلية !
تسلم لي والله على هالمتابعه الطيبه
الله يجزااااك خيييييييييييييييييييير وتسلم على التوصية الكريمة وهذا اسمي كامل ( علي حسين ناصر الحسن ) واكون شاكر لك على كل حااااااااجة |
رد: انفصلت من ارامكو وابغى ارجع للكلية !
بسم الله الرحمن الرحيم السلام عليكم علي حسين ناصر الحسن ما خبرتني عن موضوعك خلص و الا و هل قدمت إعاد قيد ؟ |
رد: انفصلت من ارامكو وابغى ارجع للكلية !
هلا والله اخوي بورعد
تسلم لي على هالروووح الطيبة والرااائعة مشكور والله وابشرك رحت لهم وتفاجئت اني مستمر !!! للاسف كان معدلي 3ونص وألحين صار 2 ونص يعني عطوني حرمان في حرمان لين نزل معدلي ومازلت مستمر ! مدري احين لو اجتهد واجيب ممتاز في المواد يرجع معدلي مثل اول ؟؟؟؟ خااايف انا :011: |
| All times are GMT +3. الوقت الآن حسب توقيت السعودية: 10:22 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام