ملتقى طلاب وطالبات جامعة الملك فيصل,جامعة الدمام - شعر اغيب.. وابعد.. وانشغل.. واحاول انسى مانسيـت

- ملتقى الفنون الأدبية (https://vb.ckfu.org/forumdisplay.php?f=150)

- - [ شعر ] : اغيب.. وابعد.. وانشغل.. واحاول انسى مانسيـت (https://vb.ckfu.org/showthread.php?t=571198)

اغيب.. وابعد.. وانشغل.. واحاول انسى مانسيـت

اسعد الله مساكم

راقت لي هالقصيده وحبيت انقلها لكم ..

اغيب وابعد وانشغل واحاول انسى مانسيـت
ماتنسى ذكرى الشهور اللي معـك قضيتهـا

حاولت كم مرة وكـم مـرة ولكـن ماقويـت
حتى لو ان ذكرى مامـرت علـي مريتهـا

ان كان عندك حل قلي سو كيت وسو كيـت
في ذمتـي ماعـاد بـه سـواه ماسويتهـا

وشلون وانا كل ماتطري علي مـت وحييـت
لو أن معي قـدرة علـى نسيانهـا نسيتهـا

بغيت احب ايمينك الليله وخفتـك واستحيـت
لولا الحيا والخوف خذت ايمينـك وحبيتهـا

ابك انت مستولي على قلبي وعقلي كمبليـت
تقـول كنهـا نامـت بحبـك ولا صحيتهـا

حتى القصيد اكتب وتطلع صورتك في كل بيت
كم من قصيدة فيك لا عـد الشعـر عديتهـا

ماهو بسيط فراق من بنيت حبه بنـي بيـت
مرتاح من صبك لسيسانـه ومـن تثبيتهـا

ويروح في لمح البصر ويضيع منك مابنيـت
وسود الليالي عقب بيتك تدخلك فـي بيتهـا

وان قلت هذا واقعي رضيـت ولا مارضيـت
ياليت نفسي تقتنـع باللـي حصـل ياليتهـا

من حظي العاثر تخيّرت ابعد الناس وهويـت
والوقت قاسي والسنيـن العـوج ماهميتهـا

ياليت عندي علم وش بيصير لي ولا ياليـت
ثنيـت رجلـي مـن بدايتهـا ولا عنيتـهـا

قلي وش آنا مستفيد من الفراق ووش لقيت
غير المشاكل والهموم اللـي علـي جريتهـا

ولا تعال انشدك وش خليت عندي ماخذيـت
حتـى السعـادة خذتهـا منـي ولا رديتهـا

ماعاد باقي كود نار جمرهـا منـه اكتويـت
وان شفتها بتموت ويموت الجمـر كريتهـا

وانا احسبنها سالفة خلصت منهـا وانتهيـت
وارتحت من كثرة عناهـا واثرنـي بديتهـا

ذبحت نفسي وبيدي حفرت قبـري مادريـت
وجروح صدري كلها مـن خنجـري لقيتهـا

وتبغاني انسى؟ والله ان اموت وانا مانسيـت
ماتنسى ذكرى الشهور اللي معـك قضيتهـا

محبتك بتعيش في صدري وتبقـى مابقيـت
فالقلب زارعها ومـن دم العـروق اسقيتهـاٍ