|
جدول يخص المستوى الخامس ,, المستوى القادم
السلام عليكم ورحمة الله اخواني اخواتي مستوى رابع سابقا ,,,, عقبال ماقول سابع سابقا :119: مستوى خامسا مستقبلا ان شاء الله هذا جدول لمواد مستوى خامس طبعا انا اخذت منها مادتين في المستوى الرابع الي هي المجتمع السعودي و علم اجتماع السياحة المادتين احب اطمنكم مادتين سهلة ولله الحمد فقط يبيلها مذاكرة يوم او يومين بالكثير ورح تفهمون وتحفظون الي فيها لا تشيلون همها انا عملت لكم الجدول ومعكم وقت كافي تفكرون وتختارون الي يريحكم طبعا لكل شخص منكم سياستة الخاصة في عدد المواد الي يسجلها انا سياستي اخذا اكبر عدد ممكن خلال المستويات الاولى والحمد لله نفعتني كثير في التخفيف من المواد الان المستوى الخامس فقط عند 6 مواد ورح اضيف لها ان شاء الله 3 مواد مادتين من 6 وماده من 7 لاني ابي اخفف من مواد مستوى 7 لان فيه مادة تعتبر صعبه نوعا ما الي هي الاحصاء الاجتماعي مطابقه لنفس الاحصاء الي في المستوى الثاني وهذي خطتي للتخفيف من المواد ابي المستوى السابع فقط 6 مواد طبعا بالنسبة للاخوان الي ماهم مستعجلين على التخرج خلال 4 سنوات يقدرون يخذون العدد الي يريحهم , والاخوان الي يبون يمشون على الخطه برضو ماعندهم مشكلة بس لازم يعرفون ان المستوى السابع رح يكون عندهم في الخطة 9 مواد ,, تفضلو الجدول والي يبي يضيف مادة على مواد المستوى الخامس وخاصة الي مااخذو من مواد مستوى خامس شي , يضيفوي نظرية المعرفة من المستوى السادس لكن لازم تركزون عليها في المذاكرة ولا احد يقول صعبه حتى لو صعبة مصيرك تاخذها طبعا اي شخص عنده مواد يبي يخذها يقولي على شان اشوف هل فيه تعارض اولا لان كل شخص يختلف حسب المواد الي مسجلها من قبل او عنده مواد باقي ما اخذها من المستويات السابقه طبعا الوقت بدري لكن حبيت افيدكم بشي وتفكرون وتستخيرون وتشوفون المناسب لكم لان من الان الى وقت تسجيل المقررات تقريبا 3 اشهر والله يوفق الجميع هنا جدول الخطة كامل |
رد: جدول يخص المستوى الخامس ,, المستوى القادم
بيض الله وجهك يالجارح والله هالموضوع يدور في راسي من أمس وجيت بوقتك يالأمير .. أهنييك ع الموضوع :d5:
براجع نفسي وأشوف وش المناسب بإذن الله .. :(204): عندي استفسار يابعدي .. عندي طريقة ازود الساعات المكتسبة الى 20 او اكثر بعد .. وش تنصحني انزل مواد من السادس او السابع ..!! أبيك تقترح لي 4 مواد حسب الافضلية متسلسله من الأعلى وهو الأفضل طبعاً ودي أمشي على نفس خطتك وبزيد مواد إضافية < بيني وبينك ودي اخلص بدري :10111: ويعطيك ألف عافية يارب ماقصرت أنشهد .. :rose: |
رد: جدول يخص المستوى الخامس ,, المستوى القادم
يــآلــبى قلــبك ويلموننآ فيــ ك يالجارح
يعطيك الف عافيه اخـــوي على مجهودك ومواضيعك ومشكور فديتك على الي قدمته لنا بالمستوى الرابع الحقيقه تشكر ومن القلب ندعيلك عسى الله يوفقك ويجزاك عنا خير الجزاء ( وعسى الله يزوجك ويوفقك يالذيب ) <--- أحلى دعوة يبون يسمعونها الرجال بكل دعوة |
رد: جدول يخص المستوى الخامس ,, المستوى القادم
اقتباس:
بالنسبة لاكبر عدد ممكن تسجلة هو 18 ساعة فقط 9 مواد الين المستويات الاخيره وتحديدا بعد ان تنهي 90 ساعة مكتسبه تقدر تسجل الى 22 ساعة دراسية 11 ماده لكن الافضل 9 مواد يكون مناسب خاصة في الخامس والسادس رح تخف عليك المواد في المستويات الاخيره شف انت الي يريحك وهل باقي عندك مواد من المستويات السابقه اذا ماعندك مواد من المستويات السابقة الافضل تضيف نظرية المعرفة على مواد خامس |
رد: جدول يخص المستوى الخامس ,, المستوى القادم
شف يابعدي ..
هذا جدولي المستوى الرابع: http://s14.postimg.org/5jg8zrooh/image.jpg وماعندي ولا مادة حاملها ولله الحمد سابقاً . وبالنسبة للساعات المكتسبة عندي طريقة أنا وهي فرضية وليست واقعية مثبته ولكن من باب أولى أخذ رأيك فالموضوع .. أبيك تشور علي من مستوى سادس وسابع ( أربع مواد كما تراها مناسبة أنت ) وياليت تعطيني خطتك فالمواد كيف راح تكون .. تحياتي الخالصة يالامير ❤️ |
رد: جدول يخص المستوى الخامس ,, المستوى القادم
اقتباس:
يسلم قلبك اخوي ابو عكش وجزيت خير ,, ودعوة طيبة بس الله يستر لا احد يشوفها :064: واكيد دعوتك ان الله يزوجني ان شاء الله من الحور العين :Looking_anim: |
رد: جدول يخص المستوى الخامس ,, المستوى القادم
اقتباس:
صارت مواد المستوى الخامس عندك 7 اضف مادة العمل التطوعي من 6 مكان المجتمع السعودي واضف مادة نظرية المعرفة من 6 اخر يوم اختبار جدا مناسبة لوضعك ورح يكون عندك المستوى السادس ان شاء الله فقط 6 مواد تقدر تسحب من السابع 2 او 3 ويكون السابع اقل مواد . من 6 لى 7 بالكثير توكل على الله ,, |
رد: جدول يخص المستوى الخامس ,, المستوى القادم
{ العمل التطوعي + نظرية المعرفة }
تممم بإذن الله .. أنت خطتك كذا !! |
رد: جدول يخص المستوى الخامس ,, المستوى القادم
صباح الخير اخوي الجارح
اولا الله يجزاك عني خير الجزاء في كل سمستر ترتب جدولي الحين بعد ماخلصت هالمستوى احس اني انجزت الشيئ الكثير الله يجعله في ميزان حسناتك ثانيا ابيك ترتب جدولي المستوى الخامس وتعطيني رايكك اضغط نفسي هالسمستر بتسع مواد بعد زي السمستر اللي فات وقبله والا مايحتاج طبعا انا ابي اخلص وانجز صراحه خلصت مستوي رابع واخذت معه المجتمع السعودي وقضايا ثقافيه معاصره ومن سادس نظرية المعرفه لله الحمد والمنه شورك وترتيبك الله يجزاك الجنه ،،، وبسالك الله يعافيك اقدر لاضغطت عمري اخلص قبل الارربع سنوات ؟؟؟ اقصد التخرج اكرر شكري اخوي :106: |
رد: جدول يخص المستوى الخامس ,, المستوى القادم
الله يوفقك أخوي من أمس وأنا أنتظرك تنزل هالموضوع
اخوي أنا عندي مادتين أنجليزي حاملهم ودي أخذهم الأثنين في الترم الجاي ونفسي أخذ أكبر عدد من المواد بس أخاف من تعارض المواد الصعبة في المستوى رابع نزلت 8 مواد وبأذن الله ميسره وننجح لكن مستوى خامس خايف من تعارض المواد بسبب مادتي الأنجليزي اللي افكر فيهم أنتظرك موفقين يارب |
| All times are GMT +3. الوقت الآن حسب توقيت السعودية: 09:33 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه