|
انسب الوظائف لطلاب الجامعات
السلام عليكم و رحمة الله و بركاته كيف حالكم ؟ عساكم بخير :biggrin: مثل ماتعرفون كلية الدراسات التطبيقية اول سنتين لا تمنح مكافأة اتوقع مو انا الوحيد اللي يحتاج يصرف على نفسة و على طلبات الجامعة ابي اعضاء منتدى كليتنا الحبيبة يطرحون وظائف مناسبة للطلاب و الطالبات ............ عشان الكل يستفيد |
رد: انسب الوظائف لطلاب الجامعات
مافي شركات يبون طلاب يدرسون
هذا احنا تخرجنا ومافي شركات ردو علينا انصحك اهتم بدراستك وركز في كتبك احسن من تدور لك شركات وجيب معدل مرتفع لتضمن دخولك البكالريوس واتمنى لك التوفيق ..... |
رد: انسب الوظائف لطلاب الجامعات
احسن خلي التركيز على الدراسة الحين
لان الوظايف كلها تبي معدل عالي ( اذا ردوا ) اما بالنسبه للوظايف لا مو وظايف اهوا تدريب بالبنك اذا كان التخصص محاسبة ( اما واسطه قويه او احد عملاء البنك عنده مبلغ كبييير جدا ) وهذا بيكون تطوع اما ارامكو تاخذ السمر ستيودنتس بس بالصيف وفي اختبار قبلها وفي راتب لها او الحل ان تكون الوظيفه بشركه صغيرة مو معروفه بشكل مبدئي ^^ بس قبل لا تعطون أي معلومه خاصة للشركه لازم تتأكدون من ان الشركه موجوده فعلا وانها ما تستغل البيانات بشكل ممكن يضر |
رد: انسب الوظائف لطلاب الجامعات
اقتباس:
شوف كلامك صحيح بس من وين اصرف على نفسي ؟ و ماودي اثقل على الوالد ابي اعتمد على نفسي |
رد: انسب الوظائف لطلاب الجامعات
انا متخرج و للحين ولا شركه دقو علي
كيف ونت تدرس الشركات الحين تدور خبره حتى المتخرجين من الجامعه مالقو وظايف لان الشركات تبي خبره |
رد: انسب الوظائف لطلاب الجامعات
اقتباس:
عارف بس سمعت ان فيه شركات ما توظف الا طلاب بس اتوقع يسمونه دوام جزئي يكون دوام مسائي و دوام لا يزيد عن 6 ساعات و راتب حليو بصراحة بكلامك تحطمت :eek: |
رد: انسب الوظائف لطلاب الجامعات
طيب مثلاً لقيت لك وظيفه انت تظن انه من السهل توفق بين الدراسه و الشغل
ترى دراسة المدرسه تختلف عن دراسة الجامعه في مواد ماتخليك تنام من صعوبتها تقعد تذاكر فيها 24 ساعه ياخوي خل تركيزك على دراستك افضل هذي نصيحتي لك واتمنى لك التوفيق .... |
رد: انسب الوظائف لطلاب الجامعات
اقتباس:
وعليكم السلام ... شوف اخوي ,, فيه المطاعم او السوبر ماركت , رواتبهم جيدة و اتوقع دوام جزئي فيه منه تقدر تصرف على نفسك , و تذاكر و تنتبه على دروسك , و من ناحية بعدك تأهيلي , مافي صعوبات كثير بالدروس بتخطيط و التنظيم تنحل الامور. موفق :rose: + الشركات ما راح تتصل عليك ان ما رحت و دورت , الحركة بركة اخوي انا بعدني طالبة و من كم يوم داقين عليي بدهم محاسبة :cheese: انا ما اعرف ايش تخصصك بس تخصصات الإدارية مطلوبة ان دورنا عليها كويس :rose: موفقين اجمعين :rose: |
رد: انسب الوظائف لطلاب الجامعات
اقتباس:
شكراَ :004: ان شاءالله بعد العيد راح ادور عن عمل يناسبني |
رد: انسب الوظائف لطلاب الجامعات
وعليكم السلام
نصحية اخوي محمد اترك كل شي الحين وركز على المعدل عادي تحمل السنتين تمشي بلمحة البصر صعب جدا انك تربط الوظيفة مع الدراسة المعدل شي مهم وأساسي اذ تبي خذها بالإجازة الكبيره الله يوفق الجميع ويزرق الجميع |
| All times are GMT +3. الوقت الآن حسب توقيت السعودية: 09:56 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام