افيدوني جزاكم الله خير
 

يااخوان انا عزمت انتسب هالسنه في جامعة الملك فيصل والتسجيل يبدو لي انه ابتدأ من امس

فياليت توضحون لي

1 : ماذا بعد التسجيل

2 : كيف بتكون الدراسه هل بيكون الحضور للاختبارات فقط او فيه حضور غير ذلك

3 : لو فاتني هالتسجيل متى اقدر اسجل السنة الجايه ولا فيه تسجيل ثاني

4 : سمعت ان فيه حل واجبات ياليت احد يقولي كيف الآلية هل هو عن طريق النت او لابد حضور

من يفيدني له دعوه بظهر الغيب مع اني معزم انتسب هالسنه لأني ضحية تسويف من عام 1430 الى الآن

والسنه الحاليه انشاء الله ان العزيمه قويه


من يفديني له دعوه بظهر الغيب ,,,,,,,,, وشكرا

رد: افيدوني جزاكم الله خير
 

انت الآن سجل ---- عندك تخصصين فقط ادارة أعمال + انجليزي

الدراسة عن طريق الكمبيوتر مافيه حضور الا 3 محاضرات مباشرة --- حتى ضورها غير الزامي

اللي لازم تعمله:
1- تنزل المحاضرات كلها + المحاضرات المباشرة عليها 10 درجات
2- حل المناقشات في نفس النظام 14 مناقشة عليها 10 درجات
3- حل الواجبات 3 واجبات (3 اسلة + 3 + 4 ) مجوع 10 اسئلة وعليها 10 درجات

يعني تكون جمعت 30 درجة اعمال سنة ويتبقى 70 على الاختبارات

المحاضرات 14 تقدر تنزلها في اي وقت خلا ايام الدراسة

الاخوان والاخوات في المنتدى راح يساعدونك في حل الواجبات والمناقشات والملخصات وحلول اسئلة الأترام الماضية.


بالتوفيق

رد: افيدوني جزاكم الله خير
 

اشكرك .. ولو فيه احد يوضح اكثر اكون له شاكر

رد: افيدوني جزاكم الله خير
 

ما في توضيح غير هالتوضيح كلام الرجال واضح وان كان قصدك ما تعرف تنزل المحاضرات ادخل منتدى المستوى الثاني تحصل اللي تبيه بالمواضيع المثبته

رد: افيدوني جزاكم الله خير
 

ابو فيصل خف علينا اذا انت فاهم غيرك مايفهم

رد: افيدوني جزاكم الله خير
 

طيب انا اشرح لك بطريقه ابسط عندك كذا خطوه

الخطوه الاولى تسجل بالجامعه ومثل ماقالو لك بس في هالتخصصين انجليزي وادارة اعمال وتحط كل المعلومات وتتاكد ان التسجيل صحيح

الخطوه الثانيه تنطر تاريخ 20\10 عشان تطلع نتايج القبول ولو مقبول راح يرسلون لك على الجوال ويرسلون لك رقمك الجامعي خلاص تاكدت انك مقبول مبروك عليك ننتقل لخطوه 3

خطوه 3: تطبع نموذج القبول وتسدد المبلغ بالصراف او تحويل بالنت وتطبع فاتوره لاازم تطبعها وتحط النموذج مع الفاتوره مع الشهاده الاصليه وباقي الاوراق المطلوبه وتروح البريد الممتاز وتقول بترسلهم للجامعه وترسلهم وبيعطونك ورقه وتقدر بعدين تتاكد اوراقك وصلت او ما وصلت عن طريق موقع

خطوه 4
تعرف متى تاريخ بدء الدراسه وتدخل الموقه - البلاك بورد تلقاهم مسجلين لك المواد لان الترم الاول هم يحطون لك المواد بس بعدين لازم انت تسجلهم يدوي

خطوه 5 كل فتره راح ينزل محاضرات مسجله تحملهم ومحاضرات مباشره تقدر تحضر بوقتها وتقدر تحملهم بعدين
بس ضروري تحملهم

واجبات بالكمبيوتر طريقتها سهله جدا واختيارات
شغلك على الكمبيوتر من 30 درجه وبالفاينل راح يكون من 70 يعني المجموع 100
اي شي مو فاهمه اسال وان شاء الله محد يقصر معاك
واعتذر اذا اخطأت بشيء انا من جامعة الدمام مو جامعة فيصل بس كنت ادخل عن رفيجتي دايم واعرف النظام
بالتوفيق:106:

رد: افيدوني جزاكم الله خير
 

طالب ذو همة
سجل وتوكل على الله ولا تخلي الندم يجيك بعد مايروح وقت التسجيل
--------------
حبيب كل شي سهل باذن الله من ناحية اعمال السنة
كل مادة ينزل لها بالنظام 14 محاضرة .. ولازم تحملها من النظام اول باول .. او تقدر تخليها لاخر شهر وتحملهم كلهم بكيفك والعادة يكون اخر موعد لاحتساب درجات الاعمال الفصلية اسبوع قبل الاختبارات النهائية

اذا حملت كل المحاضرات بتاخر 10 درجات
-----------
المشاركات .. كل دكتور ينزل سوال نقاش عن المحاضرة .. وانت مطلوب منك تناقش هالشي .. تقدر تجاوب من خلال معرفتك ومذاكرتك . او بتحصل الاجابات موجودة هنا وانت بس تنسخ وتلصق وخلاص
عدد المشاركات 14 مشاركة
وكمان اذا شاركة في جميع النقاشات المطروحة بتاخر 10 درجات

-----------------

خلال الفصل الدراسي راح ينزل بالنظام 3 واجبات

وطريقة الحل الكترونية .. اختيار من المتعدد سهل كثيررر

كل الي عليك تدخل على الواجب وتحل ولك ثلاث محاولات لكل واجب
اذا كنت شاك بالحل تقدر ترجع للمنتدى وبتحصل الاعضاء منزلين الاجابات وانت تاكد من حلك واعتمدة في النظام

والواجبات عليها 10 درجات


--------------------


اهم شي سجل الان والنية النية وبعدين حبه حبه وبتحصل كل شي سهل باذن الله

وفالك التوفيق

رد: افيدوني جزاكم الله خير
 

سجل الان وانا اخوك والامور الثانية سهلة وبسيطه وسهلة التعلم لكن القبول اخشى ان لا يتكرر العام القادم فبادر وتوكل على الله