ملتقى طلاب وطالبات جامعة الملك فيصل,جامعة الدمام - شعر من اللي بوقتنا مره...ضحك من لدغه العقرب؟

- ملتقى الفنون الأدبية (https://vb.ckfu.org/forumdisplay.php?f=150)

- - [ شعر ] : من اللي بوقتنا مره...ضحك من لدغه العقرب؟ (https://vb.ckfu.org/showthread.php?t=614028)

من اللي بوقتنا مره...ضحك من لدغه العقرب؟

على الموعد بلهفه جيت لامانع ..ولاتأخير
لفيت من العصر هايم مع ان الموعد المغرب
وجتني بس انا مدري شعرت الجيه هاذي..غير
وهي تقرب من عيوني شعرت ان الممات اقرب
وقلت:الله يهونها عسى في جيتك..لي خير
أنا من شفتك اقبلتي وانا خايف ومستغرب
على كثر الحكي مدري كأنه خانها التعبير
قالت لي جمل واشياء..لاتكتب ولاتعرب
هدت فجأه تطالعني..وانا في حاجه التفسير
لجل نحكي بهدوء اكثرسألت الحلوه:وش تشرب
وصاحت بي(انا احبك)ولك في هالحشا تقدير
وتدري ان المثل فينا وفي احساسنا..يضرب
صحيح انك وفي..وانك بريء من تهمه التقصير
ولكن..ذي عوايــــــــــدهم من ايام وزمن يثرب
تكون البنت لابن العم..ورغبات الكبار تصير
وتدري الاقربون اولى ..مع انك للخفوق اقرب
وتدري للقدر كلمه..لـــــــــعادات الاهل تأثير
لذا ارجوك تتركني..وانا من دنيتك باهرب
شعرت بحكيها كنه..قصاص وامر بالتعزير
شعرت الدنيا ضاقت بي..من المشرق ليا المغرب
مشت خلت وراها طفل مايدري وش التدبير!!
يحسب ان الغرام اشعار شاعر..واغنيه مطرب
ضحكت وماقدرت اني الاقي لضحكتي تبرير
من اللي بوقتنا مره...ضحك من لدغه العقرب!!
رفضت استوعب اللي صار..ولا استسلمت للتغيير
ثمان سنين..اجي لنفس المكان بحزه المغرب
برغم ان الثمان سنين جرح..وكلفتني كثير
انا لليوم اجي وادعي ..تجي يارب تجي يارب
لاتعليق لااعرف