|
اشغلتنا عن حياتنا
انتشر في زماننا الاجهزه الذكيه المحموله وحتئ مع اطفالنا الصغار مماسبب لهم الفتور والتعصب النفسي وقلة التفكير والحركه وحتئ احنا يالكبار اشغلتنا عن امور حياتنا الدينيه والعمليه فأصبح كل شخص اهتمامه بتلفونه وبنفسه لامبالاه في اهله او مجتمعه وهذي الحياه السلبيه قدتكون عواقبها سييئه بالمستقبل ..
واشكركم وانتظر تعليقكم عالموضوع:060: |
رد: اشغلتنا عن حياتنا
والله كلامك صحيح واكيد لها اثار جانبيه هالاجهزه بس ماتقدرين تمنعينهم كل واحد وجيله
بس حلو الواحد ينظم وقته وينظم لعياله مو يعلمهم طول وقتهم عالاجهزه بالذات الاطفال يعني حرام اجهزتهم اربع وعشرين ساعه بيدهم احس ماعاد في طفوله مثل اول بس كله راجع عالتربيه الواحد يعلم الشخص من الصغر يعلمه يلتهي باشياء ثانيه تغنيه عالاجهزه بحيث مايكون طول وقته عليها تقبلي مروري :060: |
رد: اشغلتنا عن حياتنا
بصراحة الكلام يطول في هذا الموضوع وانا ماراح اتكلم عن وضع الاطفال راح اتكلم عن وضعنا الكبار الاجهزة الذكية ذات جانبان جانب سلبي و جانب إيجابي اتفق معك في الجانب السلبي اشوف انه اكثر من الايجابي للاسف افقدتنا التواصل المباشر مع الكثير من الناس وفقدنا حلاوة المجالس والاجتماعات ,, انا بصراحة كنت استمتع اول في المجالس بسوالف والحديث الحين ادخل المجلس احصل كل شخص ملتهي في جواله وقليل ماحصل كم شخص يتكلمون مع بعضهم حتى الزيارة قلة مع الاصحاب والاقارب صرنا نتواصل عن طريق هذه التكنلوجيا التي غزتنا بشكل فضيع لو رجعنا للوراء سنوات قليلة سوف نجد انا كنا مستأنسين اكثر من الحين برغم انه ماكانت موجوده مع العلم انها ريحتنا هذه التقنية في كثير من الامور الشخصية ولكن العيب في طريقة استخدامنا لها لم نحسن هذا الاستخدام تقبلي مروري اختي صاحبة الموضوع ...................................... |
رد: اشغلتنا عن حياتنا
اقتباس:
فعلا والله بسبب هالاجهزه سرت ماعرف اتكلم مثل الناس :hahahahahah: بس جد الكل عيونهم ع جوالاتهم بالمجالس ماسار سوالف مثل قبل والليي يقهر اذا كنت مو مفعل نت بينهم بينسحب عليك هههههههههه > مجربه :16.jpg: |
رد: اشغلتنا عن حياتنا
فعلا الموضوع يحتاج له دراسه من جديد ولابد نسوي حمله يوم بدون اجهزه ونشوف تجارب وانطباع الكل لان بصراحه وقعنا بالادمان وانا عن نفسي احاول ابتعد عن تلفوني قدر الامكان واشغل وقتي بشي يفيدني سواء بزيارة عمامي او بنات جيرانا او الاتصال بخوياتي او اشغل وقتي بالمطبخ وابتكر طبخات وحلويات بكذا يكون نتقي القلق النفسي والشحنات الزايده اللي تجينا من الاجهزه
وتقبلوا شكري وتقديري :love080: |
رد: اشغلتنا عن حياتنا
يعطيك العافية :106: |
رد: اشغلتنا عن حياتنا
اي والله صارت ادمان احياننا افرح اذا انتهى شحن الجوال عشان اريح راسي واحياننا احطه صامت من شان انسى منه وماانتبهله وعندي طفلة الله يهديها تقول عطيني جوالك طول الوقت واذا منعناها منه سوت مناحة اضطر اني اخبيه عشانها هالتقنية سببت للعالم هوس وقلق اطفال كانوا او كبار الى جانب الاظرار الصحية التي قد تسبها كثرة استخدام هالاجزة الله يكفينا الشر يارب |
رد: اشغلتنا عن حياتنا
مستعده استغني عن هذي التقنيه وابيع الجوال واقطع النت واكسر التلفزيون والكمبيوتر بس اضمني لي التواصل الاجتماعي مع الاقارب
ماااافيه الكل اعتمد ع الجوال مثلاا استلمي هالمثال ← ابغى اسلم على خالتي بالمستشفى ///// يجيك الرد ماله داعي اتصلي على احد بناتها وكلميها…………… طيب بنت عمتي بتتزوج ودي احضر // وشوله تحضرين الزواجات مامنها الا عين ومرض………… جدتي منومه بروح ازورها // ازعجتينا بجدتك قبل شهرين رحتي لهااا…….. انتهى الاسبوع ابغى ارروح اهلي // اهلك كل اسبوع عمى انتي متزوجه علشان تمشوريني لبيت اهلك كل شووي ( الله يرحم ايام الملكه هههههه) شاااايفه والكثيررررر اعظم علشان كداا النت نعمه كبيرررره اوصل بها العالم وانا في محلي صحيح اموت قهر لاني اجتمااعيه جداا واحب اتواصل فيس تو فيس بس ماباليد الا الجوال نتواصل معهم وانا وحده ما اتواصل مع العالم الا بالجوال والحمد لله اني موظفه والا كاان انهبلت وبالاخير هالتقدم سلاح ذو حدين ولازم نحذر منه وكل عام وانتم بخير |
رد: اشغلتنا عن حياتنا
والله كلامج جمييل والأمثله اللي قلتيها بواقعنا وتسسلم اناملج
وكل عام وانتم بخير جميعا |
رد: اشغلتنا عن حياتنا
نعمَ اشغلتنا عن حياتنا وآخذتُ من وقتنا الكثير والكثير طرح قيم تسلم يمينك وشكراً ي نورة بنت فهد على التنبيه |
| All times are GMT +3. الوقت الآن حسب توقيت السعودية: 01:18 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام