بليييز يااخواني علموني طريقة التسجيل في البنر وفي كل شي
 

كيف الحال يااخواني
بغيت منكم وشلون اسجل بنظام البنر ووشلون اسجل المواد لاني رحت يوم السبت اللي طاف الجامعه وقالو لي بيسوون تفعيل على يوم السبت الجااي تكفوون علموني الطريقه لاني خايف يروح علي تسجيل المواد

رد: بليييز يااخواني علموني طريقة التسجيل في البنر وفي كل شي
 

حياك اخوي مازن
1-عندك الرقم السري...اذا مو عندك ادخل على ذا الرابط http://www3.kfu.edu.sa/retrieve_ban_pass/login2.ASP
2- بعد الحصول على الرقم السري ادخل ذا الرابط http://www.kfu.edu.sa/ar/Deans/elear...r_courses.aspx
في نفس الصفحه تجد الشرح الخاص بطريقة الدخول على نظام البانر وكذلك تسجيل المواد...
واذا صعب عليك شي انا بالخدمه
تحياتي

رد: بليييز يااخواني علموني طريقة التسجيل في البنر وفي كل شي
 

جعل والديك الجنه يابو ميرال وبيض الله وجهك بس يالغالي الحين كل شي عندي مضبوط
بس باقي عندي سؤال
كيف اسجل المواد؟
لاني دخلت على البنر ولا لقيت شي ولقيته مكتوب طريقة تسجل المواد بس طالع لي اسامي المواد فقط
وياليت تعلمني وشلون التسجيل في البلاك بوورد

وبغيت ادخل على تسجيل المواد بس والله تهت وطلعت لي الصفحه هذي

http://www.wakeb.net/up/download.php?img=185

السموحه والله تعبتكم معي

رد: بليييز يااخواني علموني طريقة التسجيل في البنر وفي كل شي
 

أنت أي قسم أخوي ؟؟:c8:

رد: بليييز يااخواني علموني طريقة التسجيل في البنر وفي كل شي
 

بنسبه للبلاك بورد تقدر تدخل ع النظام من هالرابط

البـــلاك بــورد

وتدخل الرقم الاكاديمي والرقم السري اللي عطوك الجامعه

ومن بكره إن شاء الله تبلش المحاضرات هذا إذا ماصار تأجيل زي الترم اللي فات

رد: بليييز يااخواني علموني طريقة التسجيل في البنر وفي كل شي
 

أما تسجيل المواد يكون من صفحه البانر سجل معلوماتك اللي هي الرقم الأكاديمي والباسورد اللي عطوك الجامعه ..

هنـــا البانــــر

ثم أدخل على :

1/ خدمات الطلاب والمكآفآت الماليه ..

2/ التسجيــــل ..

3/ التسجيل /الحذف والأضافه ..

4/ الفصل الأول 1430 , وأتوقع انك توك مستجد وإذا لا ختار الفصل الثاني ..

بيطلع لك مربعات صغار هذي تحط فيها رقم الـ CRN للماده ,

والأرقام تلقها هينا ع هالرابط ..

هنـــا تسجيـــل المــــوآد

أختار كليتك و(( طــــــــــــــــلاب مو طالبات )) والمستوى أول أو ثاني ..

بيطلع لك جدول للمواد وكل ماده قدامها رقم الـ CRN ..

اختار موادك ثم خذ الرقم وأكتبه في المربعات اللي بصفحه البانر ..

يعني يصير عندك في كل مربع مآده ..

وبـهيك خلصت تسجيل موادك وأتمنــى لك التوفيــق أخوي :c8:

وأي أستفسار الأخوان والأخوات ماراح يقصرون وياك

رد: بليييز يااخواني علموني طريقة التسجيل في البنر وفي كل شي
 

الله يعطيكم العافيه ولكن المشكله في الصفحه هذي بعد تسجيل المواد

http://www.wakeb.net/up/download.php?img=185
http://www.wakeb.net/up/download.php?img=189

رد: بليييز يااخواني علموني طريقة التسجيل في البنر وفي كل شي
 

افااااااا ويينكم :Cry111:

رد: بليييز يااخواني علموني طريقة التسجيل في البنر وفي كل شي
 

هلا والله مازن اخوي دام انك سجلت المواد انت بكذا انتهى دورك..
بالنسبه للجدول الي بالصوره ذا مالك علاقه فيه الان....
بالتوفيق يالغالي...

رد: بليييز يااخواني علموني طريقة التسجيل في البنر وفي كل شي
 

الله لايهينك يالغالي وتعبتك معي