ملتقى طلاب وطالبات جامعة الملك فيصل,جامعة الدمام - شيخ نهاية حدود الهم بيبانه / للشاعر : خالد بن مطلق بن سالم الردادي

السلام عليكم ورحمة الله وبركاته ..

الكرام / منتديات جامعة الملك فيصل ..

جبت لكمـ من اروع القصائد التي قرأتها ..

قصيده قديـمـــه

الاهداء .. الى جد الشاعر / سالم بن ناقي الردادي .. رحمه الله

.
.

رد :

يابنت انا من عسف بالشعر شيطانه .
مايوم رحـت اشتكي للشعر مـن قـله .
*

صحيح.. ! ربي عطاك اوصاف فتانه
لكـن عـطاني شـمـوخ يرفـض الـذله
*

أول .. أناديــك . يـ ام عيون نعسانه
واقـول طـوّل غيـابك خـافي من الله
*

والـيـوم ابـجرحك جرحٍ صعب نسيانه -
مـادام قـلـتـي تـغـزّل والفـخـر خـلـه
*

ومادام وصلت لساس العود واغصانه
عـز الله . انـي حجاجي منـك لا افلـه
*
وعز االله اني لـ اجر القاف وان كانه
زعـلـت جـدك بـصـوتـي جـدي يـدله.!
*

يـوم ان جـدك يـرد الـشـور لـفـلانـه
لـي جـد رايـه يـغـار السيـف لاسـلـه
*

ويـوم ان جدك عقـد للضـيف حـجانه
يابنت جـدي يروح الضـيـف مـامـلـه
*

انـشـهـد انـه يسـوق الطـيب بعنانـه
مـاصـك بابـه ولاعـمـره طـوى زلـه
*

تجيه شمطان اللحى بالحمل بلشانه
وتنسـاه عنـده علـى كتـفٍ تـزهـله
*

شـيـخ ٍ نهايـة حـدود الهـم بـيـبـانـه
مايـنـعـقـد راس حـبـلٍ خـابـر حـلــه
*

الشـمـس تـغـضي حيا من زود ضيانه
وعن قـيـض بقـعـا يلوذ الظل في ظله
*

سـود الهـبايـب تـذرّى تحـت جنحانه
حتى الـذرى .. للـذرى يابنت يزبن له
*

من الجـود معطيه رب الجـود سبحانه
زودٍ على اللي قسـم بين البـشر كله
*

سمـعـوا ..! بذكره وجـو للورث جدانه
مـاقـبلـه امـوات تارث حـي بـالـمـلـه..!!!
*

وصـفـه يـعـجـز بحـور الشعـر واوزانه
كـل القـصايـد تـمـوت ولاتـوصــــل له.
*

باسمه تمــايل حـروف الشعـر طربانه
مـن نـشـوة الحـرف جـت باوزان مختله

*
حاولت .. واعلـن علـي الشعر عصيانه
عـيـّـا وانا اللي عـسفـتـه دقـه وجـلـه
*

وعـذري لشيــخٍ بدعت القاف من شانه
انـي نـخـيـت القـوافي وازرت تـدلــــه
*

وعـذرك لـجـدٍ .. تبيـن اكمال نقصانـه
انـك رجعتــي وزدتـي عـلـتـه عـلــــه
*

وان كان منتي بعد هالقـاف نـدمـانـه
مـانـي ولـد مـن يـهاب الموت مـن ظله .
.

للشاعر / خالد بن مطلق بن سالم الردادي

اخوٍِكـم

ذيب رداد