كل ماجيت أزرع الطيب و أسوي جميل √
 

[align=center][table1="width:95%;background-image:url('http://forum.hwaml.com/imgcache2/hwaml.com_1380446607_250.jpg');"]
[cell="filter:;"][align=center]


كل ماجيت أزرع الطيب وأسوي جميـل
الجميلـة تالـي الوقـت قلـوا ناسهـا

الجميلة ما بقى من عربهـا إلا القليـل
مابقـى إلا عالـمٍ كاثـرٍ وسـواسـهـا

والجميلة ماتناسب من النـذل البخيـل
لو بغاها ماعرف ذيلهـا مـن راسهـا

راح جيل المعرفة وإبتدا جيـل المديـل
وأبتلشـت بعالـمٍ ماعرفـت أجناسهـا

تختلف الأجيال ويصير جيل بعـد جيـل
والأوادم يختلـف فعلهـا وأقواسـهـا

لو بغيت تعدّل النـاس شـئ مستحيـل
فرقهـا بأفعالهـا مـا يجـي بلباسـهـا

لا تحط ضعيّف النفس بالطرقـه زميـل
دوّر اللـي لا تكبّـر خطرهـا داسـهـا

والضعيّف جنّبه مامعـه حيلـة وحيـل
رافق اللي قد سبح بالبحـور وقاسهـا

وأشهد إن ضعيّف النفس مايصلح عميل
والضعافة عند ناسٍ ضعيف إحساسهـا

مابغي النفس الضعيفة ولا الرجل الذليل
كل ما جينـا نسـوي جميلـة .. حاسهـا

أفتخر فـي عاقـل ما يعيـل ولا يميـل
خطته لا من رسمهـا يعـرف قياسهـا

يحتمل طول المسافات والخـط الطويـل
لا تعكر جـو نفسـك يزيـل عماسهـا

الحكيم اللي على المعرفة رايـه دليـل
من رجـال بالمواقـف قـويٍ باسهـا

أشهد إن الظلم والخوف والحال الهزيل
حاجة تثر على النفس فـي مجلاسهـا

وأشهد إن الصبر زينٍ وله وزن ثقيـل
مزبنٍ للنفس لا مـن كثـر هوجاسهـا

ليت بعض الناس حرفٍ نزيله بالمزيـل
من حروف تنمسح لا أنمسح قرطاسها

ماتصير الحنظلة مثل شكـل الزنجبيـل
لـو تغيّـر شكلهـا ما تغيّـر ساسهـا

[/align][/cell][/table1][/align]

رد: كل ماجيت أزرع الطيب و أسوي جميل √
 

رد: كل ماجيت أزرع الطيب و أسوي جميل √
 

قصيده جزله

رد: كل ماجيت أزرع الطيب و أسوي جميل √
 

رد: كل ماجيت أزرع الطيب و أسوي جميل √