|
بخصوص الغاء القبول في الجامعه
السلام عليكم بنات انا انقبلت في جامعة فيصل الدفعه الاولى وانقبلت في كليه ما ابيها و مسجله ب جامعة الدمام هل اذا انقبلت في جامعة الدمام ولم اقدم اوراقي في وقت تسليم الوثائق يسحبون اسمي من الجامعتين ؟ وهل في امكانيه الغي قبولي من جامعة فيصل ؟ تكفون بناااات فزعتكم ردو علي ضروري الله يسعدكم :Cry111::Cry111::Cry111::Cry111::Cry111: |
رد: بخصوص الغاء القبول في الجامعه
- أخس صيف يمر ع الإنسآن صيف خرّيج الثآنوي :biggrin: . . والله مدري وش أقولك يّ أختي ، لكن ترى في أحتمآل كبير توصلين للكلية الّي تبينهآ إذآ كآن فارق النسبة حالياً " معقول " ، جآمعة الملك فيصل ترقّي الطالب للرغبة الي يبيهآ كل مآنزلت النسب مع كل دفعة . . ياليت لو تقولين لنآ في أي كلية أنقبلتي وأي كلية تبين عشآن ع الأقل نبني توقعآت هل وصولك للكلية الي تبينها ممكن أو غير ممكن . . ونعم كل جآمعة تعطيك مهلة ترسلين أوراقك إذآ مآ أرسليتهآ يلغى قبولك . . - |
رد: بخصوص الغاء القبول في الجامعه
اقتباس:
انقبلت في كلية الاداب ونسبتي الموزونه 81,460 وابي كلية الهندسه او الطب في امكانيه انقبل ولا ؟:Cry111: |
رد: بخصوص الغاء القبول في الجامعه
- أطّلعت ع الجدول وحقيقةَ آسف إني أقولك أن وصولك للكليات الي تبينهآ صعب جداً وقد يكون مستحيل ! . . لازم النسب تنزل بشكل مهول عشآن تصل نسبتك وهذآ غير مرجّح للحدوث ، يعني الموضوع يحتآج نصف معجزة على الأقل ، أقترح عليك ، إذآ تم قبولك في جآمعة الدمآم في الكلية أو المسآر الي تبينه إنك ترسلين أوراقك لهآ ، وقبل كل شيء أستخيري . . الله يوفقك :004: . . - |
رد: بخصوص الغاء القبول في الجامعه
اقتباس:
شكرا على تفاعلك الله يسعدك وماقصرت :Cry111: |
رد: بخصوص الغاء القبول في الجامعه
^
( وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ ) تفائلي لسى المستقبل قدامك:verycute: |
رد: بخصوص الغاء القبول في الجامعه
السلام عليكم .انا نفس الشي صارلي انقبلت في جامعة فيصل الدفعه الاولى وانقبلت في كليه ما ابيها هل ممكن يتغير التخصص انا ابي تربيه نسبتي الموزونه هي 79 واذا مايمدي هل بامكاني تغيير التخصص بعد السنة التحضيريه اتمنى تردولي خبر لاني مره متحطمه :Cry111:
|
رد: بخصوص الغاء القبول في الجامعه
79 تربية شوي صعبة بس مافي شي بعيد عن الله سبحانه ، يمكن تترقين مع الشواغر بس احتمال ضعيف
|
رد: بخصوص الغاء القبول في الجامعه
اولا مبروك القبول
اهم شي اللحين بالنسبه لكم تتوكلون ع الله وتقدمون اوراقكم عشان تضمنون مقاعدكم وما يروح عليكم القبول ابدا والنظام دايركت مع الدفعات يرقيكم للرغبات الاولى ان سمح الامر والترقيه تبقى حتى الدوامات والناس تنسحب والنظام برقي الطلاب والطالبات المقبولين ومافي شي بعيد عن ربكم ثانيا ان م تمت ترقيتكم مثلا وجت الدوامات خلاص الخيره فيما اختاره الله توكلو ع الله وشدو حيلكم بالسنه الاولى وجيبو معدل مرتفع وقدمو طلب تحويل وم تدرون يمكن تحبون دراستكم وتكتشفون انه خيره |
| All times are GMT +3. الوقت الآن حسب توقيت السعودية: 05:57 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام