|
جزل القصيد
لاضاق صدرك عالي الصوت جره
لوكان قلبك مايطاوعك مسرور دنياك لو تسوى من الحزن ذره ماكان تاليها توابيت وقبور وماكان للكافر بعمره مسره وماشفت في ملكه ملايين وقصور العمر يمضي بين حلوه ومره والموت حق وقابض الروح مآمور دام الحياه الفانية مستقره ورزقك يجيك وبين الآجواد مستور لاتنشغل بالوقت برده وحره وآحذر تصير بقسمة الناس مقهور وحكم القدر لاجاك خيره وشره آشكر عظيم الشان والذنب مغفور والمجلس اللي يزعجك لاتمره خله تراك بشوفته منت مجبور والرجل سقها في صحاصيح بره ومد النظر مابين ريضان وزهور لاصار وجه القاع مافيه جره والمشي حافي والثرى تو ممطور ساعات صمت ماوراها مضره تسوى الكلام اللي به اذنوب واشرور اطلق خيالك واترك النفس حره وخل الطبيعه في حياتك لها دور وبالليل لا بانت نجوم المجره آذكر بديع الخلق بـ احساساس وشعور واسجد لرب الكون مره ومره وآحفظ لسانك وآترك الكذب والزور وفروض ربك خلها مستمره وطاعتك لايدخل بها نقص وقصور |
رد: جزل القصيد
_ وحكم القدر لاجاك خيره وشره آشكر عظيم الشان والذنب مغفور والمجلس اللي يزعجك لاتمره خله تراك بشوفته منت مجبور سلمت يداك أخوي ابوغادة قصيدة رائعة مليئة بالحكمة لك :rose: مع تقديري |
رد: جزل القصيد
تسلمين ويسعدك المولى.
|
رد: جزل القصيد
العمر يمضي بين حلوه ومره والموت حق وقابض الروح مآمور دام الحياه الفانية مستقره الله عليك ابو غاده درر درر , ابيات رائعه جداً صح بوح كآتبها حقيقه ابدع وسلمت ع النقل ~ |
رد: جزل القصيد
اقتباس:
|
| All times are GMT +3. الوقت الآن حسب توقيت السعودية: 04:40 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام