|
مواد التخصص .../ done .../
السلام عليكمياليت يكون لنا مواضيع مثبته لمواد التخصص نقدر ندخل عليه حنا يالضعيفين باللغه ونساعد بعض ويكون احد احسن منا ويساعدنا
لاني تعبت مهما اترجم واحفظ واذاكر كل شي يطير من اول الترم وانا اذاكر لاكن لما ارجع للمحاضرات الاولى كاني اول مرا اقراها لأني ضعيفه باللغه قسم بالله شوي وابكي حاولت ادور لي مدرسه خاصه كل ما تسمع اني جامعيه وتخصص انجليزي يا تعتذر مني وتقول ماتقدر لانه بياخذ منها وقت والا بعضهم فل والا تكون مبالغه بسعرها وتكون اغلى من رسوم الجامعه نفسها لايجي احد يتفلسف علي ويقول دامك ما تعرفين ليه دخلتيه فتحت الموضوع يا تتفاعلون معي والا للاسف بضطر الغي الترم اذا قربت الاختبارات واعيده لان ماني مستعدة اضحى بمعدلي الي تعبت عليه بليييز تفاعلوا معي للاسف ما انتبهت انو اقدر الغى مقرر الا بعد ما فاتني الموعد نبي لكل مادة موضوع ويشرف علينا احد مستواه زين |
رد: مواد التخصص
معقول ولا رد
|
رد: مواد التخصص
حياك أختي الكريمة ...أبشري سيتم إعداد مواضيع مذاكرة لمواد التخصص الشيء الثاني حابه أنصحك نصيحة أخوية تساعد على تركيز المعلومات وأهي ماتكتفين بقراءة المحتوى فقط حبوبه خذي المحتوى وجيب قلم رصاص وأفتحي المحاضرة المسجلة وإسمعي شرح الدكتور للمحاضرات وحطي الملاحظات الزيادة اللي يقولها عشان تستفيدين منها <<<< أنتي طالبة لغة إنجليزية وسماع المحاضرات يساعدك على الفهم ويقوي لغتك ويثبت المعلومة ... وأيضا دوني عندك الكلمات الجديدة عليك وأبحثي عنها في قاموس إكسفورد وهو أفضل قاموس لطلاب اللغة الإنجليزية .... أما الإعتماد على مدرسة خاصة خطوة ماأشجعك عليها أبد ولاتزعلين مني أعتبرها خطوة فاشلة .... أنتي إجتهدي بنفسك والا ماتفهمينه إطرحيه بمواضيع التجمعات للمذاكرة اللي بنزينها والشيء الثاني وهو الأفضل عندك شروحات اليوتيوب رائعة بمعنى الكلمة ...أختي حنا في زمن العولمة كل شيء موجود عندك بسايتات تعليمية وغيرها بالنت <<<< أنتي حطي بقوقل المعلومة اللي مافهمتيها وسوي بحث بتلاقين أجوبة كثيرة لسؤالك <<< الأمر يتطلب منك توكل على الرحمن وإرادة وجهد منك ... وفقك الله وفالك دوووم a+ :106::004: |
رد: مواد التخصص
اختي حاولي تحددي الماده والمحاضره التي لم تفهميها احسن من ان تتكلمي بشكل عام والسبب لو تكلمتب بشكل عام الرد راح يكون ضعيف ام لو ذكرتي الماده ورقم المحاضره راح يجيك الرد بسرعة البرق
والاخوه والاخواة مامنهم قصور بس توكلي على الله والكلام للجميع |
رد: مواد التخصص
اختي حاولي تجيبي ملخصات مترجمه بتساعدك جدا مع شرح الدكتور على الفهم والله يعينك ويعينا كلنا ضعيفين واي لغه جديده طبيعي تكون صعبه والله يوفقك
|
رد: مواد التخصص .../ done .../
الله يعينك و إيانا :53: بداية قراءتي لموضوعك قلت في نفسي " ليه دخلته ؟ " بس الحال من بعضه دخلته صدفة و ضاع علي فرصة التحويل ، بس اطمني تمامًا .. في غيرنا كتير مكانوش يعرفوا يقرأوا و تخرجوا و لا كأنها لغتهم الأم ، فتوكلي ع الله و شيلي الأفكار السلبية " أنا ما أفهم ، ما يثبت .. إلخ " اقنعي عقلك اللاواعي إنك بإذن الله قدها :oao:و الموضوع بسيط بإذن الله ، و هنا المنتدى بفضل الله مش بيقصروا إطلاقًا .. لو انتِ تمامًا ملكيش فيه لازم تسمعي المحاضرة و تركزي مع كلام الدكتور و كل كلمة - جديدة - يقولها سجليها و ترجميها ، و تدققي وراه ع الملزمة لأنه بيثبت المعلومة أكتر مش بس مجرد الإطلاع ، لازم تشغلي أغلب حواسك للتركيز و الثبات أكثر ، و زي ما قالت الأخت جُمان احنا في عصر التطور و التكنولوجيا و الإنترنت ملئ بوسائل المساعدة المفيدة ، و للعلم أغلب الأساتذة الخارجيين - إلا من رحم الله - مش بيدرسوا صح و يدوب يقضوه كمنهج مش كلغة فاصرفي نظر عنهم إلا إذا هتلاقي كفء تبدأ معاكِ من الصفر ، و إيه المشكلة إنكِ جامعية و مش عارفه ؟؟ محدش اتولد عالم :(204): و أهم من ده كله استعيني بالله و حطي هدف مثالي أمامك و صدقيني هتنجزيه لو نويتي صح :wink:وفقنا الله و إياكِ :34: |
| All times are GMT +3. الوقت الآن حسب توقيت السعودية: 09:37 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام